സ്വിറ്റ്സർലൻഡിലെ സ്കീ റിസോർട്ടിൽ വൻ സ്ഫോടനം; നിരവധി മരണം

ക്രാൻസ് മോണ്ടാന: (KVARTHA) സ്വിറ്റ്സർലൻഡിലെ പ്രശസ്തമായ ആഡംബര സ്കീ റിസോർട്ട് പട്ടണമായ ക്രാൻസ് മോണ്ടാനയിലുണ്ടായ വൻ സ്ഫോടനത്തിൽ നിരവധി പേർ കൊല്ലപ്പെട്ടതായി റിപ്പോർട്ട്. തെക്കുപടിഞ്ഞാറൻ സ്വിറ്റ്സർലൻഡിലെ വാലിസ് കന്റോണിലുള്ള ‘ല കൊൺസ്റ്റലേഷൻ’ എന്ന ബാറിലാണ് സ്ഫോടനമുണ്ടായത്. 2026 ജനുവരി ഒന്ന്, വ്യാഴാഴ്ച പുലർച്ചെ 1:30 (ജിഎംടി 00:30, ഇന്ത്യൻ സമയം രാവിലെ 6 മണി) ഓടെ വിനോദസഞ്ചാരികൾ പുതുവത്സരം ആഘോഷിച്ചുകൊണ്ടിരിക്കെയാണ് അപകടം നടന്നതെന്ന് പൊലീസ് അറിയിച്ചു.

സ്ഫോടനത്തിൽ നിരവധി പേർ മരിക്കുകയും ഒട്ടേറെ പേർക്ക് പരിക്കേൽക്കുകയും ചെയ്തതായി വാലിസ് കന്റോൺ പൊലീസ് വക്താവ് ഗെയ്റ്റൻ ലാത്തിയൻ വെളിപ്പെടുത്തിയ്അതായി വാർത്താ ഏജൻസിയായ എഎഫ്‌പി റിപ്പോർട്ട് ചെയ്തു. സ്ഫോടനത്തിന്റെ യഥാർത്ഥ കാരണം എന്താണെന്ന് ഇതുവരെ വ്യക്തമായിട്ടില്ല. അന്വേഷണം പ്രാഥമിക ഘട്ടത്തിലാണെന്നും പൊലീസ് അറിയിച്ചു.

നൂറിലധികം പേർ കെട്ടിടത്തിലുണ്ടായിരുന്നു

സ്ഫോടനം നടന്ന സമയത്ത് നൂറിലധികം ആളുകൾ കെട്ടിടത്തിനുള്ളിൽ ഉണ്ടായിരുന്നതായാണ് പൊലീസ് നൽകുന്ന വിവരം. ല കൊൺസ്റ്റലേഷൻ ബാർ വിനോദസഞ്ചാരികൾക്കിടയിൽ ഏറെ പ്രശസ്തമായ ഇടമാണ്. അപകടത്തിൽ പെട്ടവർക്കായി അടിയന്തര വൈദ്യസഹായം ലഭ്യമാക്കിയിട്ടുണ്ട്. കെട്ടിടത്തിന് തീപിടിച്ചതിന്റെയും രക്ഷാപ്രവർത്തകർ സ്ഥലത്തെത്തിയതിന്റെയും ദൃശ്യങ്ങൾ സ്വിസ് മാധ്യമങ്ങൾ പുറത്തുവിട്ടിട്ടുണ്ട്.

🇨🇭⚡ Several people were ki!!ed and others injured after an explosion tore through a bar in the luxury Alpine ski resort of Crans-Montana, Swiss police say.

A cantonal police spokesperson told AFP that the blast was of unknown origin while confirming multiple fatalities. pic.twitter.com/GGbEOvvKrk

— Osint World (@OsiOsint1) January 1, 2026

അന്വേഷണം പുരോഗമിക്കുന്നു

സംഭവത്തെക്കുറിച്ച് സമഗ്രമായ അന്വേഷണം ആരംഭിച്ചതായി ഗെയ്റ്റൻ ലാത്തിയൻ പറഞ്ഞു. ക്രാൻസ് മോണ്ടാന ലോകപ്രശസ്തമായ ടൂറിസ്റ്റ് കേന്ദ്രമായതിനാൽ ധാരാളം സഞ്ചാരികൾ ഇവിടെയെത്താറുണ്ട്. സ്ഫോടനത്തെ തുടർന്ന് ബാധിതരായ കുടുംബങ്ങളെ സഹായിക്കുന്നതിനായി അധികൃതർ പ്രത്യേക സഹായ കേന്ദ്രവും ഹെൽപ്പ്‌ലൈനും സജ്ജമാക്കിയിട്ടുണ്ട്.

മാറ്റർഹോണിന് 40 കിലോമീറ്റർ വടക്കായി വാലിസ് കന്റോണിലെ സിയർ ജില്ലയിലാണ് ക്രാൻസ് മോണ്ടാന സ്ഥിതി ചെയ്യുന്നത്. ബിബിസി ഉൾപ്പെടെയുള്ള അന്താരാഷ്ട്ര മാധ്യമങ്ങൾ പൊലീസിനെ ഉദ്ധരിച്ച് മരണവിവരം സ്ഥിരീകരിച്ചിട്ടുണ്ട്. സ്ഫോടനത്തിന്റെ ഉറവിടം കണ്ടെത്തുന്നതിനായുള്ള ഫോറൻസിക് പരിശോധനകൾ സംഭവസ്ഥലത്ത് തുടരുകയാണ്.

സ്വിറ്റ്‌സർലൻഡിലെ സ്ഫോടനവാർത്ത സുഹൃത്തുക്കളുമായി പങ്കുവെക്കൂ. 

Article Summary: Multiple casualties reported in a blast at a Swiss ski resort bar during New Year celebrations.

#SwitzerlandExplosion #CransMontana #NewYearTragedy #SwissNews #TravelAlert #BreakingNews