Syphilis | ലോകത്തെ ആശങ്കയിലാക്കി പറങ്കിപ്പുണ്ണ് എന്ന മാരക ലൈംഗിക രോഗം പടരുന്നു; അമേരിക്കയിൽ രോഗബാധിതരുടെ എണ്ണത്തിൽ വൻ വർധനവ്; എങ്ങനെ ബാധിക്കുന്നുവെന്നും ലക്ഷണങ്ങളും അറിയാം
Jul 20, 2023, 11:25 IST
വാഷിംഗ്ടൺ: (www.kvartha.com) ലോകത്തെ ആശങ്കയിലാക്കി അമേരിക്കയിൽ പറങ്കിപ്പുണ്ണ് അഥവാ സിഫിലിസ് രോഗം അതിവേഗം വർധിച്ചുകൊണ്ടിരിക്കുന്നതായി അധികൃതർ. ഓരോ പുതിയ ദിവസം കഴിയുന്തോറും ഈ അണുബാധ അതിവേഗം പടരുകയാണ്. ലൈംഗികമായി പകരുന്ന രോഗമാണ് പറങ്കിപ്പുണ്ണ്. ശാരീരിക ബന്ധങ്ങളിലൂടെയാണ് ഇത് ബാധിക്കുന്നത്. അമേരിക്കയിൽ സ്ത്രീകളിലാണ് രോഗം കൂടുതൽ സ്ഥിരീകരിച്ചത്. ഡോക്ടർമാരുടെ അഭിപ്രായത്തിൽ, പറങ്കിപ്പുണ്ണ് രോഗം മാരകമായേക്കാം. കൃത്യസമയത്ത് ചികിത്സിച്ചില്ലെങ്കിൽ, ശരീരത്തിന്റെ പല അവയവങ്ങളെയും ഒരേസമയം ബാധിക്കാം. രോഗം ബധിരത, അന്ധത അല്ലെങ്കിൽ മരണത്തിലേക്ക് നയിച്ചേക്കാം.
എന്താണ് പറങ്കിപ്പുണ്ണ്?
അമേരിക്കയിൽ, കഴിഞ്ഞ കുറച്ച് ദിവസങ്ങളിൽ, നേരത്തേതുമായി താരതമ്യം ചെയ്യുമ്പോൾ രോഗബാധിതരുടെ എണ്ണം 90 ശതമാനം വരെ വർധിച്ചതായി അധികൃതർ വ്യക്തമാക്കി. ട്രെപോണെമാ പല്ലിഡം (Treponema palli-dum) എന്ന ബാക്ടീരിയ മൂലമുണ്ടാകുന്ന ലൈംഗികരോഗമാണ് സിഫിലിസ്. അടുത്ത സമ്പര്‍ക്കത്തിലൂടെ ഒരു വ്യക്തിയില്‍നിന്ന് മറ്റൊരു വ്യക്തിയിലേക്ക് സിഫിലിസ് പകരുന്നു. ലൈംഗിക അവയവങ്ങളില്‍ കൂടിയോ മലാശയത്തില്‍ കൂടിയോ ആണ് ബാക്ടീരിയ പ്രധാനമായും പകരുക. ശാരീരിക ബന്ധങ്ങൾ വഴിയും രോഗബാധിതനായ വ്യക്തിയുടെ ഏതെങ്കിലും മുറിവുമായി സമ്പർക്കം പുലർത്തുന്നതിലൂടെയും ഈ ബാക്ടീരിയകൾ പകരാം. രോഗമുള്ള ഗര്‍ഭിണിയിലൂടെ ഗര്‍ഭസ്ഥശിശുവിനും ഈ രോഗം പകരാം.
സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷന്റെ അഭിപ്രായത്തിൽ, ഈ രോഗം ആരെയെങ്കിലും സ്പർശിക്കുന്നതിലൂടെയോ അവരുടെ വസ്ത്രങ്ങളോ പാത്രങ്ങളോ ഉപയോഗിച്ചാലോ മറ്റോ പകരില്ല. എന്നാൽ രോഗബാധിതനായ വ്യക്തിയുമായി ശാരീരിക ബന്ധത്തിൽ ഏർപ്പെടുന്നത് എളുപ്പത്തിൽ അതിന്റെ ഇരയാകാം.
ലക്ഷണങ്ങൾ എന്തൊക്കെയാണ്
ഈ രോഗത്തിൻറെ ലക്ഷണങ്ങൾ കണ്ടുതുടങ്ങാൻ രണ്ടോ മൂന്നോ ആഴ്ച എടുത്തേക്കാം. തുടക്കത്തിൽ, വ്രണങ്ങള്‍, പുണ്ണുകള്‍, തടിപ്പുകൾ, മുറിവുകള്‍ തുടങ്ങിയവയാണ് പ്രകടമാകുക. ലൈംഗിക ഭാഗങ്ങള്‍, വായ്ക്കുള്‍വശം, കൈപ്പത്തി, കാല്‍പ്പത്തികള്‍ എന്നിവിടങ്ങളിലാവും വ്രണങ്ങള്‍ ഉണ്ടാവുന്നത്. രോഗം രണ്ടാം ഘട്ടത്തിലേക്ക് കടക്കുമ്പോൾ തലവേദന, പേശീവേദന, പേശീവീക്കം എന്നിവ ഉണ്ടാവും. രോഗം മൂര്‍ച്ഛിച്ചാല്‍ അത് തലച്ചോറ്, നാഡി, കണ്ണ്, ഹൃദയം, രക്തധമനി, കരള്‍, എല്ല്, സന്ധി എന്നിവ ഉള്‍പ്പെടെയുള്ള ആന്തരിക അവയവങ്ങളെ ബാധിക്കും. ശരീരം ചലിപ്പിക്കാനുള്ള ബുദ്ധിമുട്ട്, സ്തംഭനം, പതുക്കെയുള്ള അന്ധത, മറവിരോഗം, എന്നിവയും സിഫിലിസിന്റെ അവസാനഘട്ടത്തില്‍ പ്രകടമായേക്കാം.
ഇന്ത്യയിലും പടരുമോ?
സഫ്ദർജംഗ് ഹോസ്പിറ്റലിലെ കമ്മ്യൂണിറ്റി മെഡിസിൻ ഡിപ്പാർട്ട്‌മെന്റിലെ എച്ച്ഒഡി പ്രൊഫസർ ഡോ. ജുഗൽ കിഷോർ വിശദീകരിക്കുന്നത്, സിഫിലിസ് വായു മൂലമോ ഏതെങ്കിലും വൈറസ് മൂലമോ പടരുന്നില്ലെങ്കിലും, രോഗബാധിതനായ ഒരാൾ മറ്റൊരു രാജ്യത്തേക്ക് വരുമ്പോൾ ഒരു രാജ്യത്ത് നിന്ന് മറ്റൊരു രാജ്യത്തേക്ക് രോഗം പടരുമെന്നാണ്. എന്നിരുന്നാലും ഈ രോഗം മൂലം ഗുരുതരമായ അപകടങ്ങളൊന്നും ഇന്ത്യയിൽ ഉണ്ടായിട്ടില്ല. അത്തരമൊരു സാഹചര്യത്തിൽ പരിഭ്രാന്തരാകേണ്ട ആവശ്യമില്ലെന്ന് ആരോഗ്യ വിദഗ്ധർ ചൂണ്ടിക്കാട്ടുന്നു.
Keywords: News, World, America, Washington, India, Syphilis, Disease, Health, Lifestyle, Rates of congenital syphilis are skyrocketing in the US. Here's why.
< !- START disable copy paste -->
എന്താണ് പറങ്കിപ്പുണ്ണ്?
അമേരിക്കയിൽ, കഴിഞ്ഞ കുറച്ച് ദിവസങ്ങളിൽ, നേരത്തേതുമായി താരതമ്യം ചെയ്യുമ്പോൾ രോഗബാധിതരുടെ എണ്ണം 90 ശതമാനം വരെ വർധിച്ചതായി അധികൃതർ വ്യക്തമാക്കി. ട്രെപോണെമാ പല്ലിഡം (Treponema palli-dum) എന്ന ബാക്ടീരിയ മൂലമുണ്ടാകുന്ന ലൈംഗികരോഗമാണ് സിഫിലിസ്. അടുത്ത സമ്പര്‍ക്കത്തിലൂടെ ഒരു വ്യക്തിയില്‍നിന്ന് മറ്റൊരു വ്യക്തിയിലേക്ക് സിഫിലിസ് പകരുന്നു. ലൈംഗിക അവയവങ്ങളില്‍ കൂടിയോ മലാശയത്തില്‍ കൂടിയോ ആണ് ബാക്ടീരിയ പ്രധാനമായും പകരുക. ശാരീരിക ബന്ധങ്ങൾ വഴിയും രോഗബാധിതനായ വ്യക്തിയുടെ ഏതെങ്കിലും മുറിവുമായി സമ്പർക്കം പുലർത്തുന്നതിലൂടെയും ഈ ബാക്ടീരിയകൾ പകരാം. രോഗമുള്ള ഗര്‍ഭിണിയിലൂടെ ഗര്‍ഭസ്ഥശിശുവിനും ഈ രോഗം പകരാം.
സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷന്റെ അഭിപ്രായത്തിൽ, ഈ രോഗം ആരെയെങ്കിലും സ്പർശിക്കുന്നതിലൂടെയോ അവരുടെ വസ്ത്രങ്ങളോ പാത്രങ്ങളോ ഉപയോഗിച്ചാലോ മറ്റോ പകരില്ല. എന്നാൽ രോഗബാധിതനായ വ്യക്തിയുമായി ശാരീരിക ബന്ധത്തിൽ ഏർപ്പെടുന്നത് എളുപ്പത്തിൽ അതിന്റെ ഇരയാകാം.
ലക്ഷണങ്ങൾ എന്തൊക്കെയാണ്
ഈ രോഗത്തിൻറെ ലക്ഷണങ്ങൾ കണ്ടുതുടങ്ങാൻ രണ്ടോ മൂന്നോ ആഴ്ച എടുത്തേക്കാം. തുടക്കത്തിൽ, വ്രണങ്ങള്‍, പുണ്ണുകള്‍, തടിപ്പുകൾ, മുറിവുകള്‍ തുടങ്ങിയവയാണ് പ്രകടമാകുക. ലൈംഗിക ഭാഗങ്ങള്‍, വായ്ക്കുള്‍വശം, കൈപ്പത്തി, കാല്‍പ്പത്തികള്‍ എന്നിവിടങ്ങളിലാവും വ്രണങ്ങള്‍ ഉണ്ടാവുന്നത്. രോഗം രണ്ടാം ഘട്ടത്തിലേക്ക് കടക്കുമ്പോൾ തലവേദന, പേശീവേദന, പേശീവീക്കം എന്നിവ ഉണ്ടാവും. രോഗം മൂര്‍ച്ഛിച്ചാല്‍ അത് തലച്ചോറ്, നാഡി, കണ്ണ്, ഹൃദയം, രക്തധമനി, കരള്‍, എല്ല്, സന്ധി എന്നിവ ഉള്‍പ്പെടെയുള്ള ആന്തരിക അവയവങ്ങളെ ബാധിക്കും. ശരീരം ചലിപ്പിക്കാനുള്ള ബുദ്ധിമുട്ട്, സ്തംഭനം, പതുക്കെയുള്ള അന്ധത, മറവിരോഗം, എന്നിവയും സിഫിലിസിന്റെ അവസാനഘട്ടത്തില്‍ പ്രകടമായേക്കാം.
ഇന്ത്യയിലും പടരുമോ?
സഫ്ദർജംഗ് ഹോസ്പിറ്റലിലെ കമ്മ്യൂണിറ്റി മെഡിസിൻ ഡിപ്പാർട്ട്‌മെന്റിലെ എച്ച്ഒഡി പ്രൊഫസർ ഡോ. ജുഗൽ കിഷോർ വിശദീകരിക്കുന്നത്, സിഫിലിസ് വായു മൂലമോ ഏതെങ്കിലും വൈറസ് മൂലമോ പടരുന്നില്ലെങ്കിലും, രോഗബാധിതനായ ഒരാൾ മറ്റൊരു രാജ്യത്തേക്ക് വരുമ്പോൾ ഒരു രാജ്യത്ത് നിന്ന് മറ്റൊരു രാജ്യത്തേക്ക് രോഗം പടരുമെന്നാണ്. എന്നിരുന്നാലും ഈ രോഗം മൂലം ഗുരുതരമായ അപകടങ്ങളൊന്നും ഇന്ത്യയിൽ ഉണ്ടായിട്ടില്ല. അത്തരമൊരു സാഹചര്യത്തിൽ പരിഭ്രാന്തരാകേണ്ട ആവശ്യമില്ലെന്ന് ആരോഗ്യ വിദഗ്ധർ ചൂണ്ടിക്കാട്ടുന്നു.
Keywords: News, World, America, Washington, India, Syphilis, Disease, Health, Lifestyle, Rates of congenital syphilis are skyrocketing in the US. Here's why.
< !- START disable copy paste -->
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
