Brittany Lauga | 'താൻ അറിയാതെ മയക്കുമരുന്ന് നൽകി ലൈംഗികമായി പീഡിപ്പിച്ചു'; അനുഭവം പങ്കിട്ട് വനിതാ എംപി; വെളിപ്പെടുത്തൽ ഇൻസ്റ്റാഗ്രാമിൽ

ആശുപത്രിയിൽ നടത്തിയ പരിശോധനയിൽ താൻ കഴിക്കാത്ത മരുന്നുകളുടെ സാന്നിധ്യം ശരീരത്തിൽ കണ്ടെത്തിയതായും എംപി ഇൻസ്റ്റാഗ്രാമിൽ കുറിച്ചു. ഏപ്രിൽ 28 ഞായറാഴ്ച പുലർച്ചെ പൊലീസിൽ പരാതി നൽകിയതായും ബ്രിട്ടാനി ലോഗ അറിയിച്ചു. സംഭവം നടന്നതിന് ശേഷം ദിവസങ്ങൾ കഴിഞ്ഞ്, അതേ രാത്രി തന്നെ യെപ്പൂണിൽ മയക്കുമരുന്ന് ഉപയോഗിച്ചിരിക്കാൻ സാധ്യതയുള്ള മറ്റ് സ്ത്രീകൾ തന്നെ ബന്ധപ്പെട്ടിരുന്നതായും അവർ പറഞ്ഞു.

അതേസമയം യെപ്പൂണിൽ നടന്ന ലൈംഗികാതിക്രമ ആരോപണത്തിൽ അന്വേഷണം നടത്തുകയാണെന്ന് ക്വീൻസ്‌ലാൻഡ് പൊലീസ് സ്ഥിരീകരിച്ചു. സർക്കാർ ലോഗയെ പിന്തുണയ്ക്കുകയാണെന്ന് ക്വീൻസ്‌ലൻഡ് പ്രധാനമന്ത്രി സ്റ്റീവൻ മൈൽസ് പറഞ്ഞു. സംഭവം ഞെട്ടിപ്പിക്കുന്നതും ഭയാനകവുമാണെന്ന് ക്വീൻസ്‌ലാൻ്റിലെ ഭവന മന്ത്രി മേഗൻ സ്കാൻലോൺ വിശേഷിപ്പിച്ചു.

ഈ സംഭവം വനിതാ രാഷ്ട്രീയക്കാരുടെയും പൊതുപ്രവർത്തകരുടെയും സുരക്ഷയെക്കുറിച്ച് ആശങ്ക ഉയർത്തിയിട്ടുണ്ട്. സംഭവവുമായി ബന്ധപ്പെട്ട് ആർക്കെങ്കിലും എന്തെങ്കിലും വിവരം ലഭിച്ചാൽ ഉടൻ പൊലീസിൽ ബന്ധപ്പെടണമെന്ന് അധികൃതർ പൊതുജനങ്ങളോട് അഭ്യർത്ഥിച്ചു.

View this post on Instagram

A post shared by Brittany Lauga MP (@brittanylauga)