ഭര്‍ത്താവ് മരിച്ച് മൂന്നുവര്‍ഷത്തിനുശേഷം യുവതി പെണ്‍കുഞ്ഞിന് ജന്മം നല്‍കി

പെയ് ഷിയാ ചെന്‍ എന്ന 29കാരിയാണ് ഭര്‍ത്താവിന്റെ മരണത്തെ തുടര്‍ന്ന് അദ്ദേഹത്തിന്റെ കുഞ്ഞിനെ പ്രസവിക്കാനുള്ള ആഗ്രഹത്തോടെ അതിനുവേണ്ടി ശ്രമിച്ചത്. ഭര്‍ത്താവിന്റെ കുഞ്ഞിനെ പ്രസവിക്കാനാകുമോ എന്ന ചിന്ത അവരെ അലട്ടിക്കൊണ്ടിരുന്നു. യുവതി ഇക്കാര്യം ഡോക്ടര്‍മാരെ അറിയിക്കുകയും ചെയ്തു. യുവതിയുടെ ആഗ്രഹം മനസിലാക്കിയ ഡോക്ടര്‍മാര്‍ വെര്‍ജിയന്‍ ലിയു എന്ന ഭര്‍ത്താവിന്റെ ബീജങ്ങള്‍ ശേഖരിച്ചു വെച്ചു. ന്യൂയോര്‍ക്കില്‍ പോലീസായിരുന്ന ലിയു പട്രോളിങ്ങിനിടെയുണ്ടായ ആക്രമണത്തില്‍ കൊല്ലപ്പെടുകയായിരുന്നു.

ഭര്‍ത്താവിന്റെ മരണ ശേഷം പലതവണ കൃത്രിമ ബീജസങ്കലനത്തിലൂടെ ഗര്‍ഭം ധരിക്കാന്‍ യുവതി ശ്രമിച്ചെങ്കിലും പരാജയപ്പെടുകയായിരുന്നു. എന്നാല്‍ പിന്മാറാന്‍ അവര്‍ തയ്യാറായില്ല. എന്നാല്‍ താന്‍ ഭര്‍ത്താവിന്റെ ബീജത്തില്‍ നിന്നും കുഞ്ഞിന് ജന്മം നല്‍കാന്‍ ശ്രമിക്കുന്നു എന്ന വിവരം യുവതി ഭര്‍ത്താവിന്റെ മാതാപിതാക്കളെ അറിയിച്ചിരുന്നില്ല. അവസാനം ആഞ്ചലീന എന്ന കൊച്ചു മകളെ കാണാനെത്തിയപ്പോള്‍ മാത്രമാണ് ഇവര്‍ ഇത് തങ്ങളുടെ പേരക്കുട്ടി തന്നെയാണെന്ന് അറിഞ്ഞത്. മകള്‍ക്ക് ഒരു മാസം തികയുമ്പോള്‍ കുഞ്ഞുമായി ഭര്‍ത്താവിന്റെ കുഴിമാടത്തില്‍ ചെന്ന് ലിയൂ ഇതാ നിന്റെ മകള്‍ എന്ന് പറയാന്‍ കാത്തിരിക്കുകയാണ് ഇപ്പോള്‍ ചെന്‍.

Also Read: