ADVERTISEMENT
മെക്സികോ സിറ്റി: (www.kvartha.com) മെക്സികോയില് സ്വവര്ഗവിവാഹം നിയമവിധേയമാക്കി. മെക്സികന് സംസ്ഥാനമായ തമൗലിപാസ് നിയമസഭ സ്വവര്ഗ വിവാഹം നിയമവിധേയമാക്കുന്നതിനുള്ള ബില് പാസാക്കി. ഇതോടെ സ്വവര്ഗ വിവാഹം നിയമവിധേയമാക്കുന്ന മെക്സികോയിലെ 32-ാമത്തെയും അവസാനത്തെയും സംസ്ഥാനമായി തമൗലിപാസ് മാറി.
സ്വവര്ഗവിവാഹം നിയമവിധേയമാക്കാന് സിവില് കോഡ് ഭേദഗതി ചെയ്യുന്നതിനായി അവതരിപ്പിച്ച ബില് 12 നെതിരെ 23 വോടുകള്ക്ക് അംഗീകരിച്ചു. ബില് പാസാക്കിയതിനെ മെക്സികോ സുപ്രീം കോടതി ചീഫ് ജസ്റ്റിസ് അര്തുറോ ജല്ദിവര് സ്വാഗതം ചെയ്തു.
2015-ല് സ്വവര്ഗവിവാഹം തടയുന്ന സംസ്ഥാന നിയമം സുപ്രീംകോടതി നിരോധിച്ചിരുന്നുവെങ്കിലും ചില സംസ്ഥാനങ്ങള് നിയമം ഭേദഗതി വരുത്തിയിരുന്നില്ല. ഈ വര്ഷം ഏഴ് സംസ്ഥാനങ്ങളില് വിവാഹ സമത്വം കൊണ്ടുവന്നിരുന്നു. അവയില് മൂന്നെണ്ണം കഴിഞ്ഞ രണ്ടാഴ്ചയ്ക്കുള്ളില് നടപ്പാക്കിയതാണ്.
Keywords: News,World,international,Mexico,Top-Headlines,Marriage, Mexico: Same-gender marriage becomes legal nationwide
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
