രണ്ട് വയസ്സിന് താഴെയുള്ള കുഞ്ഞുങ്ങള്‍ക്ക് മാസ്‌ക് ധരിപ്പിക്കുന്നത് ശ്വാസ തടസ്സമുണ്ടാക്കും; മുന്നറിയിപ്പുമായി ജപ്പാന്‍ പീഡിയാട്രിക് അസോസിയേഷന്‍
May 26, 2020, 12:13 IST
ADVERTISEMENT
ടോക്യോ: (www.kvartha.com 26.05.2020) രണ്ട് വയസ്സിന് താഴെയുള്ള കുഞ്ഞുങ്ങള്‍ക്ക് മാസ്‌ക് ധരിപ്പിക്കുന്നത് അപകടകരമാണെന്ന മുന്നറിയിപ്പുമായി ജപ്പാന്‍ പീഡിയാട്രിക് അസോസിയേഷന്‍. കുട്ടികള്‍ മാസ്‌ക് ധരിക്കുന്നത് ശ്വാസ തടസ്സമുണ്ടാക്കുമെന്നും ശ്വാസംമുട്ടലിനുള്ള സാധ്യത കൂടുതലാണെന്നും വിദഗ്ധര്‍ മുന്നറിയിപ്പ് നല്‍കി. രാജ്യത്തെ അടിയന്തരാവസ്ഥ നീക്കിയ സാഹചര്യത്തില്‍ ചെറിയ കുട്ടികളെ മാസ്‌ക് ധരിപ്പിക്കരുതെന്ന് മാതാപിതാക്കളോട് സംഘടന നിര്‍ദേശിച്ചു.
ചെറിയ കുഞ്ഞുങ്ങളുടെ ശ്വസനനാളി വളരെ ഇടുങ്ങിയത് ആയതുകൊണ്ട് തന്നെ കൃത്യമായ ശ്വസനമില്ലെങ്കില്‍ ഹൃദയത്തിന് പ്രശ്നം വര്‍ധിക്കും. അതുകൊണ്ട് തന്നെ രണ്ട് വയസ്സില്‍ താഴെയുള്ള കുട്ടികള്‍ക്ക് മാസ്‌ക് ധരിപ്പിക്കുന്നത് അവസാനിപ്പിക്കണമെന്നും സംഘടന ആവശ്യപ്പെട്ടു. ഇതേ കാര്യം തന്നെ യുഎസ് സെന്റര്‍ ഫോര്‍ ഡിസീസ് കണ്‍ട്രോളും അമേരിക്കന്‍ അക്കാഡമി ഓഫ് പീഡിയാട്രിക്സും ആവശ്യപ്പെട്ടിരുന്നു.
കൊവിഡ് വ്യാപനം തടയാന്‍ പ്രധാന മാര്‍ഗമായി ആരോഗ്യപ്രവര്‍ത്തകര്‍ നിര്‍ദേശിച്ചതയായിരുന്നു മുഖാവരണവും സാമൂഹിക അകലവും. കൊറോണ വൈറസ് വായുവിലൂടെയും സമ്പര്‍ക്കത്തിലൂടെയും പകരാമെന്നതിനാലാണ് പൊതുയിടങ്ങളില്‍ മാസ്‌ക് നിര്‍ബന്ധമാക്കിയത്. പല രാജ്യങ്ങളും നിയമപ്രകാരമാണ് മാസ്‌ക് നിര്‍ബന്ധമാക്കിയത്.
Keywords: News, World, Tokyo, Health, Baby, Warning, COVID19, Parents, Masks too Dangerous for Children under 2 Japan Pediatric Association
ചെറിയ കുഞ്ഞുങ്ങളുടെ ശ്വസനനാളി വളരെ ഇടുങ്ങിയത് ആയതുകൊണ്ട് തന്നെ കൃത്യമായ ശ്വസനമില്ലെങ്കില്‍ ഹൃദയത്തിന് പ്രശ്നം വര്‍ധിക്കും. അതുകൊണ്ട് തന്നെ രണ്ട് വയസ്സില്‍ താഴെയുള്ള കുട്ടികള്‍ക്ക് മാസ്‌ക് ധരിപ്പിക്കുന്നത് അവസാനിപ്പിക്കണമെന്നും സംഘടന ആവശ്യപ്പെട്ടു. ഇതേ കാര്യം തന്നെ യുഎസ് സെന്റര്‍ ഫോര്‍ ഡിസീസ് കണ്‍ട്രോളും അമേരിക്കന്‍ അക്കാഡമി ഓഫ് പീഡിയാട്രിക്സും ആവശ്യപ്പെട്ടിരുന്നു.
കൊവിഡ് വ്യാപനം തടയാന്‍ പ്രധാന മാര്‍ഗമായി ആരോഗ്യപ്രവര്‍ത്തകര്‍ നിര്‍ദേശിച്ചതയായിരുന്നു മുഖാവരണവും സാമൂഹിക അകലവും. കൊറോണ വൈറസ് വായുവിലൂടെയും സമ്പര്‍ക്കത്തിലൂടെയും പകരാമെന്നതിനാലാണ് പൊതുയിടങ്ങളില്‍ മാസ്‌ക് നിര്‍ബന്ധമാക്കിയത്. പല രാജ്യങ്ങളും നിയമപ്രകാരമാണ് മാസ്‌ക് നിര്‍ബന്ധമാക്കിയത്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
