വാഷിംഗ്ടൺ: (KVARTHA) അമേരിക്കൻ ഗായകനും ഗാനരചയിതാവും നടനുമായിരുന്ന ക്രിസ് ക്രിസ്റ്റൊഫേഴ്സൺ 88-ാം വയസ്സിൽ അന്തരിച്ചു. സംഗീതലോകത്തെ അദ്ദേഹത്തിന്റെ വിയോഗം വലിയൊരു നഷ്ടമാണ്. അദ്ദേഹത്തിന്‍റെ വക്താവ് എബി മക്ഫാർലാൻഡാണ് ക്രിസിന്‍റെ മരണം അറിയിച്ചത്. കൂടുതല്‍ വിശദാംശങ്ങള്‍ പുറത്തുവിട്ടില്ല. 

1936 ജൂണ്‍ 22ന് ടെക്സസിലെ ബ്രൗണ്‍സ്‌വില്ലില്‍ ക്രിസ്റ്റൊഫേഴ്സണ്‍ ജനിച്ചു. മേരി ആൻ (ആഷ്ബ്രൂക്ക്), ലാർസ് ഹെൻറി ക്രിസ്റ്റോഫർസണ്‍ എന്നിവരുടെ മൂന്ന് മക്കളില്‍ മൂത്തവനായിരുന്നു. വ്യോമസേനയിലെ മേജർ ജനറലായിരുന്ന പിതാവ് സൈനിക ജീവിതം നയിക്കാൻ പ്രേരിപ്പിച്ചുവെങ്കിലും തന്‍റെ ജീവിതവഴി സംഗീതത്തിലും അഭിനയത്തിലും കണ്ടെത്തുകയായിരുന്നു അദ്ദേഹം.

ലളിതമായ വരികളിലൂടെ ആഴമായ വികാരങ്ങൾ പകർന്ന ക്രിസ്റ്റൊഫേഴ്സൺ, നാടൻ സംഗീതത്തിന് പുതിയൊരു മാനം നൽകി. സ്വാതന്ത്ര്യം, പ്രതിബദ്ധത, അന്യവൽക്കരണം തുടങ്ങിയ വിഷയങ്ങളെ അദ്ദേഹം തന്റെ ഗാനങ്ങളിലൂടെ ആവിഷ്കരിച്ചു. 

 'ഫോർ ദ ഗുഡ് ടൈംസ്', 'സണ്‍ഡേ മോർണിംഗ് കമിംഗ് ഡൗണ്‍' തുടങ്ങിയ ഗാനങ്ങൾ ഇന്നും ലോകമെമ്പാടുമുള്ള സംഗീതപ്രേമികളുടെ ഹൃദയങ്ങളിൽ ഇടം നേടിയിട്ടുണ്ട്. അല്‍ ഗ്രീൻ, ഗ്രേറ്റ്ഫുള്‍ ഡെഡ്, മൈക്കല്‍ ബബിള്‍, ഗ്ലാഡിസ് നൈറ്റ് ആൻഡ് പിപ്സ് എന്നിവയാണ് ക്രിസ്റ്റൊഫേഴ്സന്‍റെ ഗാനങ്ങളില്‍ ശ്രദ്ധേയമായത്. 

സംഗീതത്തിനൊപ്പം അഭിനയത്തിലും ക്രിസ്റ്റൊഫേഴ്സൺ ശ്രദ്ധേയനായിരുന്നു. ക്രിസ്റ്റൊഫേഴ്സന്‍റെ കൃതികള്‍ സ്വാതന്ത്ര്യത്തിന്‍റെയും പ്രതിബദ്ധതയുടെയും, അന്യവല്‍ക്കരണത്തിന്‍റെയും ആഗ്രഹത്തിന്‍റെയും ഇരുട്ടും വെളിച്ചവും പര്യവേക്ഷണം ചെയ്തു. മികച്ച നാടോടി ഗാനത്തിനുള്ള മൂന്ന് ഗ്രാമി പുരസ്‌കാരങ്ങള്‍ നേടി.

ക്രിസ് ക്രിസ്റ്റൊഫേഴ്സന്റെ അന്തരിച്ചതോടെ ലോകത്തിന് ഒരു മഹത്തായ സംഗീതജ്ഞനെയാണ് നഷ്ടപ്പെട്ടത്. അദ്ദേഹത്തിന്റെ ഗാനങ്ങൾ എക്കാലത്തും ആസ്വാദകർഉടെ ഹൃദയങ്ങളിൽ നിലനിൽക്കും.

#ChrisChristopherson #countrymusic #legend #RIP #music #countrymusiclegend #songwriter #actor