ഐവറികോസ്റ്റ് പ്രധാനമന്ത്രി അമദോവ് ഗോന്‍ കൗലിബലി കുഴഞ്ഞുവീണ് മരിച്ചു; മരണം മന്ത്രിസഭാ യോഗത്തിന് പിന്നാലെ
Jul 9, 2020, 09:09 IST
ADVERTISEMENT
യമൗസുക്രോ: (www.kvartha.com 09.07.2020) ഐവറികോസ്റ്റ് പ്രധാനമന്ത്രി അമദോവ് ഗോൻ കൗലിബലി കുഴഞ്ഞുവീണ് മരിച്ചു. 61 വയസായിരുന്നു. മന്ത്രിസഭാ യോഗത്തിനു പിന്നാലെ അദ്ദേഹം കുഴഞ്ഞുവീഴുകയായിരുന്നുവെന്നാണ് റിപ്പോർട്ട്.
പ്രസിഡന്റ് അലസാനെ അട്ടാര പ്രസ്താവനയിലൂടെയാണ് പ്രധാനമന്ത്രിയുടെ മരണ വിവരം അറിയിച്ചത്. പ്രസിഡന്‍ഷ്യല്‍ പാലസില്‍ നടന്ന മന്ത്രിസഭാ യോഗത്തില്‍ പങ്കെടുത്തതിന് തൊട്ടുപിന്നാലെ ബുധനാഴ്ച ഉച്ച കഴിഞ്ഞാണ് പ്രധാനമന്ത്രിയുടെ മരണം. അദ്ദേഹത്തിന്റെ മരണത്തില്‍ രാജ്യം ദു:ഖിക്കുന്നുവെന്നും പ്രസിഡന്റ് പ്രസ്താവനയില്‍ പറഞ്ഞു. 30 വര്‍ഷത്തെ ഭരണ കാലയളവിലെ തന്റെ ഏറ്റവും അടുത്ത സഹപ്രവര്‍ത്തകന്‍ എന്നാണ് അദ്ദേഹം പ്രധാനമന്ത്രിയെ വിശേഷിപ്പിച്ചത്.
ഒക്ടോബറിൽ നടക്കാനിരിക്കുന്ന പ്രസിഡന്റ് തിരഞ്ഞെടുപ്പിൽ ഭരണകക്ഷിയുടെ സ്ഥാനാർത്ഥിയായി അമദോവ് ഗോൻ കൗലിബലിയെ നിശ്ചയിച്ചിരുന്നു. അടുത്തിടെയാണ് ഫ്രാന്‍സില്‍ രണ്ടുമാസത്തെ ഹൃദ്രോഗ സംബന്ധമായ ചികിത്സക്കു ശേഷം അദ്ദേഹം രാജ്യത്തേക്ക് മടങ്ങിയെത്തിയത്.
മന്ത്രിസഭ യോഗത്തിന് ശേഷം കൗലിബലിക്ക്‌ സുഖമില്ലാതാവുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു.
Keywords: Ivory Coast Prime Minister Amadou Gon Coulibaly has died at 61, News, Dead, Prime Minister, Hospital, Treatment, Cabinet, World.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
