ക­ടല്‍ കൊ­ല: വി­ധി എ­ത്രയും പെ­ട്ടെ­ന്ന് ന­ട­പ്പാ­ക്ക­ണ­മെ­ന്ന് ഇറ്റലി

റോം: കടലിലെ വെടിവയ്പ് കേസില്‍ വാദം പൂര്‍ത്തിയായിട്ടും വിധി വൈകുന്നതില്‍ ഇറ്റാലിയന്‍ വിദേശകാര്യ മന്ത്രാലയം ആശങ്ക പ്രകടിപ്പിച്ചു. ക്രിസ്മസിനു മുന്‍­പാ­യി വി­ധി ന­ട­പ്പി­ലാ­ക്ക­ണ­മെന്നും ഇറ്റലി ഇന്ത്യന്‍ നയതന്ത്ര പ്രതിനിധിയോട് ആവശ്യ­പ്പെ­ട്ടി­ട്ടു­ണ്ട്.

 വെടിവയ്പ് ന­ട­ന്ന­ത് രാജ്യാന്തര സമുദ്രാതിര്‍ത്തിയി­ലാ­ണെന്നും അതിനാല്‍ കേസില്‍ തുടര്‍ വിചാര­ണ ന­ട­ത്തുന്നത് ഇറ്റലി­യില്‍ ആ­യി­രി­ക്ക­ണ­മെന്നും ഇറ്റാലിയന്‍ വിദേശ­കാര്യ മന്ത്രാലയം ഇന്ത്യന്‍ പ്രതിനിധിയെ അറിയി­ച്ചു.

കടല്‍ക്കൊള്ളക്കാരാണെന്ന് കരുതിയാണ് നാവി­കര്‍ മീന്‍­പി­ടുത്ത ബോ­ട്ടി­നു­നേരെ വെടിവച്ചതെന്നും വിദേശകാര്യ മന്ത്രാലയം ഇന്ത്യന്‍ സ്ഥാനപതിയെ അറി­യി­ച്ചി­ട്ടുണ്ട്. വെ­ടി­വെ­പ്പി­നെ തു­ടര്‍­ന്ന് ബോ­ട്ടി­ലു­ണ്ടാ­യി­രു­ന്ന മീന്‍ പി­ടു­ത്ത­ക്കാര്‍ മ­ര­ണ­മ­ട­യു­ക­യാ­യി­രുന്നു. ഇ­തി­ന്റെ പേ­രില്‍ വിദേ­ശ നാ­വി­കര്‍­ക്ക് അര്‍­ഹി­ക്കു­ന്ന ശി­ക്ഷ ത­ന്നെ കൊ­ടു­ക്ക­ണ­മെ­ന്ന നി­ല­പാ­ടി­ലാ­യി­രുന്നു മ­ര­ണ­മ­ട­ഞ്ഞ­വ­രു­ടെ ബ­ന്ധു­ക്കളും സര്‍­ക്കാരും.

നാവികരെ വിട്ടുനല്‍കണമെന്ന ഇറ്റലിയുടെ ഹര്‍ജിയും സുപ്രീം കോടതിയുടെ പരിഗണനയിലാണ്. നാവികര്‍ക്ക് കോടതി ജാമ്യം അനുവദിച്ചെങ്കിലും ഇന്ത്യ വിട്ടുപോ­കാ­നുള്ള അനുവാദമില്ല.
വെടിവയ്പ് നടന്നത് ഇന്ത്യന്‍ സമുദ്രാതിര്‍ത്തിക്കുള്ളിലായതിനാല്‍ വിചാരണ ഇന്ത്യയില്‍ തന്നെ നടക്കണമെന്ന നിലപാടിലാണ് സര്‍ക്കാര്‍.