Moon Day | ജൂലൈ 20 ചാന്ദ്രദിനം: ചരിത്രത്തിലെ ആ ചുവടുവെപ്പ്! ‍

ന്യൂഡെൽഹി: (KVARTHA) ചന്ദ്രനിൽ (Moon) ആദ്യമായി മനുഷ്യൻ കാലുകുത്തിയതിന്റെ ഓർമ്മയ്ക്ക് എല്ലാവർഷവും ജൂലൈ 20ന് അന്താരാഷ്ട്ര ചാന്ദ്രദിനം (20 July: International Moon Day) ആചരിക്കുന്നു. അപ്പോളോ 11 (Apollo 11) ദൗത്യത്തിലൂടെ അമേരിക്കക്കാരായ (America) നീൽ ആംസ്ട്രോങ്ങ്, എഡ്വിൻ ആൽഡ്രിൻ, മൈക്കൽ കോളിൻസ് എന്നിവർ ചേർന്നായിരുന്നു ചാന്ദ്രയാത്ര നടത്തിയത്.

1969 ജൂലൈ 16 ന് ഫ്ലോറിഡയിലെ (Florida) കെന്നഡി ബഹിരാകാശ കേന്ദ്രത്തിൽ നിന്ന് അപ്പോളോ 11 വിക്ഷേപിക്കപ്പെട്ടു. നാല് ദിവസത്തെ യാത്രയ്ക്ക് ശേഷം, 'മനുഷ്യന് ഒരു ചെറിയ ചുവടുവെപ്പ്, മനുഷ്യരാശിക്ക് ഒരു വലിയ കുതിപ്പ്' എന്ന ചരിത്രപ്രസിദ്ധമായ വാക്കുകളോടെ 1969 ജൂലൈ 20 ന് നീൽ ആംസ്ട്രോങ്ങ് (Neil Armstrong) ചന്ദ്രോപരിതലത്തിൽ ആദ്യമായി കാൽവെച്ചു. ആൽഡ്രിനും ചന്ദ്രോപരിതലത്തിൽ നടന്നു. 

കോളിൻസ് ചന്ദ്രനെ ചുറ്റിക്കറങ്ങുന്ന അപ്പോളോ 11 കമാൻഡ് മൊഡ്യൂൾ കൊളംബിയയെ നിയന്ത്രിച്ചു. 30 മണിക്കൂറിലധികം സമയം അദ്ദേഹം ചന്ദ്രനെ ചുറ്റിപ്പറന്നു, ഭൂമിയുമായി ആശയവിനിമയം നടത്തി, ദൗത്യം നിയന്ത്രിക്കാൻ സഹായിച്ചു. ജൂലൈ 24 ന്, ആംസ്ട്രോങ്ങും ആൽഡ്രിനും ഭൂമിയിലേക്ക് തിരികെ എത്തുകയും കോളിൻസും അവരോടൊപ്പം ചേരുകയും ചെയ്തു. ജൂലൈ 25 ന്, അവർ സുരക്ഷിതരായി ഭൂമിയിൽ ഇറങ്ങി.

ശേഖരിച്ച ചാന്ദ്ര വസ്തുക്കൾ

നീൽ ആംസ്ട്രോങ്ങും എഡ്വിൻ ആൽഡ്രിനും ചന്ദ്രന്റെ ഉപരിതലത്തിൽ ഏകദേശം 21.5 കിലോഗ്രാം പാറക്കെട്ടുകളും മണ്ണും ശേഖരിച്ചു. ഈ വിലപ്പെട്ട സാമ്പിളുകൾ വിശകലനത്തിനായി ഭൂമിയിലേക്ക് കൊണ്ടുവരികയും ചാന്ദ്രന്റെ ഉത്ഭവം, ഭൂമിശാസ്ത്രം, രൂപീകരണം എന്നിവയെക്കുറിച്ച് നമ്മുടെ ധാരണയെ വിപുലീകരിക്കാൻ സഹായിക്കുകയും ചെയ്തു.

ചാന്ദ്രദിനം: ചരിത്രത്തിന്റെയും നേട്ടത്തിന്റെയും ഒരു ദിനം

മനുഷ്യൻ ആദ്യമായി ചന്ദ്രനിൽ കാൽ കുത്തിയ ഈ അവിസ്മരണീയ സംഭവത്തെ ഓർമ്മിക്കാൻ, 1971 ൽ അന്നത്തെ അമേരിക്കൻ പ്രസിഡന്റ് റിച്ചാർഡ് നിക്സൺ ജൂലൈ 20 ചാന്ദ്രദിനമായി പ്രഖ്യാപിച്ചു. മനുഷ്യരാശിയുടെ ഏറ്റവും മഹത്തായ നേട്ടങ്ങളിലൊന്നായ ചന്ദ്രനിലേക്കുള്ള ആദ്യ യാത്രയെ ഈ ദിനം ഓർമ്മിപ്പിക്കുന്നു. ചാന്ദ്രദിനം യുവതലമുറയെ സ്വപ്നം കാണാനും ലക്ഷ്യങ്ങൾ നിശ്ചയിക്കാനും പ്രചോദിപ്പിക്കുന്നു.

ചന്ദ്രനെക്കുറിച്ച് കൗതുകകരമായ വസ്തുതകൾ:

* ചന്ദ്രന്റെ ഗുരുത്വാകർഷണം: ഭൂമിയുടെ ആറിലൊന്ന് മാത്രം. അതായത്, ഭൂമിയിൽ 60 കിലോഗ്രാം ഭാരമുള്ള ഒരാൾക്ക് ചന്ദ്രനിൽ 10 കിലോഗ്രാം മാത്രമേ ഭാരം ഉള്ളൂ.
* ഭൂമിയിൽ നിന്ന് ചന്ദ്രനിലേക്കുള്ള ശരാശരി ദൂരം: 3,63,301 കിലോമീറ്റർ.
* വ്യാസം: 3476 കിലോമീറ്റർ. ഭൂമിയുടെ വ്യാസത്തിന്റെ നാലിലൊന്ന് മാത്രമാണ്.
* ഭാരം: 74 സെക്‌സ്ട്രില്യന്‍ കി.ഗ്രാം. ഭൂമിയുടെ ഭാരത്തിന്റെ 80-ലൊന്ന് മാത്രമാണ്.
* താപനില: പകൽ 134 ഡിഗ്രി സെല്‍ഷ്യസ് വരെ ഉയരുകയും രാത്രി -153 ഡിഗ്രി സെല്‍ഷ്യസ് വരെ താഴുകയും ചെയ്യും.

* ഓര്‍ബിറ്റല്‍ വെലോസിറ്റി: 3680 കിലോമീറ്റർ / മണിക്കൂർ 
* വലിയ ഗര്‍ത്തം: 4 1/2 കിലോമീറ്റർ ആഴം.
* വലിയ പര്‍വതം: 5 കിലോമീറ്റർ ഉയരം.
* ഉപരിതല വിസ്തൃതി: 9400 കോടി ഏക്കർ. ഭൂമിയുടെ ഉപരിതല വിസ്തൃതിയുടെ ഏകദേശം 1/14 മാത്രമാണ്.
* ചന്ദ്രനെക്കുറിച്ചുള്ള പഠനം: സെലനോളജി എന്ന് വിളിക്കപ്പെടുന്നു.
* ചന്ദ്രനിൽ അഗ്നിപർവതങ്ങളില്ല: എന്നാൽ ചാന്ദ്രകമ്പനങ്ങൾ (Moon Quakes) ഉണ്ടാകാറുണ്ട്.