ഇമ്രാന്‍ ഖാന്റെ ഭാര്യ ബുശ്‌റ ബീബിയുടെ അടുത്ത കൂട്ടുകാരി ഫറ ഖാന്‍ രാജ്യം വിട്ടു; കയ്യിലുള്ള ബാഗിന് 90,000 ഡോളര്‍ വിലവരുമെന്ന് പ്രതിപക്ഷം

ഫറ ഖാന്‍ വിമാനത്തിനുള്ളില്‍ ഇരിക്കുന്ന ചിത്രമാണ് റോമിന ട്വിറ്റെറില്‍ പങ്കുവച്ചത്. ഫറയുടെ കാല്‍ച്ചുവട്ടില്‍ ഒരു ബാഗും കാണാം. എന്നാല്‍ ഈ ചിത്രം ഫറ രാജ്യ വിട്ടപ്പോള്‍ എടുത്തതു തന്നെയാണോയെന്നു വ്യക്തമല്ല. ഞായറാഴ്ച ഫറ ദുബൈയിലേക്ക് പോയെന്നാണ് റിപോര്‍ട്. സ്വകാര്യ ജെറ്റില്‍ ദുബൈയിലേക്കു പോകാന്‍ 50,000 യുഎസ് ഡോളര്‍ മാത്രമേ ചെലവാകൂ. അപ്പോഴാണ് 90,000 ഡോളറുമായി ഫറ പോയിരിക്കുന്നത് എന്നിങ്ങനെയാണ് ട്വീറ്റിന് താഴെയുള്ള കമന്റുകള്‍.

ഫറയുടെ ഭര്‍ത്താവ് അഹ്സാന്‍ ജമില്‍ ഗുജ്ജര്‍ നേരത്തെ തന്നെ അമേരികയിലേക്കു പോയിരുന്നു. ഇമ്രാന്റെയും ഭാര്യയുടെയും നിര്‍ദേശപ്രകാരം ഉദ്യോഗസ്ഥരുടെ സ്ഥലംമാറ്റം, നിയമനം എന്നിവയ്ക്കു ഫറ 3.2 കോടി ഡോളര്‍ (ഏകദേശം 240 കോടി ഇന്‍ഡ്യന്‍ രൂപ) കോഴ വാങ്ങിയെന്നാണ് പാകിസ്താന്‍ മുസ്ലിം ലീഗ് (എന്‍) വൈസ് പ്രസിഡന്റും മുന്‍ പ്രധാനമന്ത്രി നവാസ് ശെരീഫിന്റെ മകളുമായ മറിയം നവാസിന്റെ ആരോപണം.

പാകിസ്താനില്‍ പുതിയ സര്‍കാര്‍ അധികാരമേറ്റാല്‍ അറസ്റ്റ് ചെയ്യപ്പെടുമെന്നു ഭയന്ന് ഇമ്രാന്‍ ഖാന്റെ പല അനുയായികളും രാജ്യം വിടുന്നതായുള്ള റിപോര്‍ടുകള്‍ പുറത്തുവരുന്നുണ്ട്. ഞായറാഴ്ച, ഇമ്രാനെതിരെ അവിശ്വാസപ്രമേയം തള്ളിയെങ്കിലും ഇതിനെതിരെ പ്രതിപക്ഷം സുപ്രീം കോടതിയെ സമീപിച്ചിരിക്കുകയാണ്.

Farah Khan, Bushra’s Frontwoman who ran away . The bag with her is for $90,000. Yes that’s ninety thousand dollars. pic.twitter.com/ESrZOKD3h6

— Romina Khurshid Alam (@MNARomina) April 5, 2022

Keywords: Friend Of Imran Khan's Wife Fled Pakistan With '$90,000 Bag', Claims Opposition, Lahore, News, Pakistan, Flight, Allegation, Twitter, Politics, World.