റിലയന്‍സ് ജിയോയുടെ 9.99 ശതമാനം ഓഹരി ഫേസ്ബുക്ക് സ്വന്തമാക്കി, 43,574 കോടിയുടെ ഇടപാട്
Apr 22, 2020, 12:05 IST
ADVERTISEMENT
മുംബൈ: (www.kvartha.com 22.04.2020) ടെലികോം മേഖലയിലെ അതികായൻമാരായ റിലയന്‍സ് ജിയോയുടെ 9.99 ശതമാനം ഓഹരികള്‍ സ്വന്തമാക്കി ഫേസ്ബുക്ക്. 43,574 കോടി രൂപ രൂപയുടേതാണ് (5.7 ബില്യണ്‍ ഡോളർ) ഇടപാട്. സമൂഹമാധ്യമങ്ങളിലെ ലോകത്തെത്തന്നെ അതികായരായ ഫേസ്ബുക്കുമായുള്ള ഇടപാടിലൂടെ ജിയോയുടെ മൂല്യം 4.62 ലക്ഷം കോടിയായി. സാങ്കേതികവിദ്യ മേഖലയിലെ നേരിട്ടുള്ള ഏറ്റവും വലിയ നിക്ഷേപമാണിതെന്ന് റിലയന്‍സ് അറിയിച്ചു.
ചൈനക്ക് ശേഷം ഏറ്റവും വലിയ രണ്ടാമത്തെ ഇന്‍റര്‍നെറ്റ് വിപണിയായ ഇന്ത്യയില്‍ ശക്തമയ ഇടപെടല്‍ നടത്താന്‍ പുതിയ ഇടപാടിലൂടെ ഫേസ്ബുക്കിനാവും. നിലവില്‍ 400 മില്യണ്‍ ഡോളറില്‍പരം വാട്സ്ആപ്പ് ഉപഭോക്താക്കള്‍ ഫേസ്ബുക്കിന് സ്വന്തമാണ്. വാട്സ്ആപ് ഓണ്‍ലൈന്‍ പണമിടപാട് സംവിധാനം രംഭിക്കാൻ ഒരുങ്ങുന്നെവെന്ന അഭ്യൂഹങ്ങൾക്കിടയിലാണ് റിലയന്‍സ് ജിയോയുടെ 9.99 ശതമാനം ഓഹരി ഫേസ്ബുക്ക് സ്വന്തമാക്കുന്നത് എന്നതും ശ്രദ്ധേയം.
ജിയോ രാജ്യത്ത് ഉണ്ടാക്കിയ നാടകീയമായ പരിവര്‍ത്തനം തങ്ങളില്‍ സൃഷ്ടിച്ച ആവേശവും ഇന്ത്യയോടുള്ള പ്രതിബദ്ധതയുമാണ് ജിയോയില്‍ നടത്തിയ നിക്ഷേപത്തിന് കാരണമെന്ന് ഫേസ്ബുക്ക് വ്യക്തമാക്കി. റിലയന്‍സ് ജിയോയുമായി ചേര്‍ന്ന് കൂടുതല്‍ ജനങ്ങളെ പരസ്പരം ബന്ധിപ്പിക്കാന്‍ തങ്ങള്‍ പ്രതിജ്ഞാബദ്ധമാണെന്നും ഫേസ്ബുക്ക് ട്വീറ്റ് ചെയ്തു.
Summary: Facebook buys 9.99% Stake in Reliance Jio for Rs 43574 crore
Summary: Facebook buys 9.99% Stake in Reliance Jio for Rs 43574 crore
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
