ബീജിങ്: (KVARTHA) ഒരിക്കൽ ഒറ്റക്കുട്ടി നയം പ്രോത്സാഹിപ്പിച്ചിരുന്ന ചൈനയിൽ ഇപ്പോൾ ജനനനിരക്ക് വൻതോതിൽ കുറഞ്ഞതിന്റെ പ്രതിഫലനമായി ആയിരക്കണക്കിന് കിന്റർഗാർട്ടനുകൾ അടച്ചുപ്പെട്ടികൊണ്ടിരിക്കുകയാണ്. ചൈനയിൽ തുടർച്ചയായ രണ്ടാം വർഷമാണ് ജനനനിരക്കിൽ കുറവ് രേഖപ്പെടുത്തുന്നത്. ചൈനീസ് വിദ്യാഭ്യാസ മന്ത്രാലയത്തിന്റെ കണക്കുകൾ പ്രകാരം, 2022-ൽ ചൈനയിൽ 289,200 കിന്റർഗാർട്ടനുകൾ പ്രവർത്തിച്ചിരുന്നു. 2023- കണക്കുപ്രകാരം ഇത് 274,400 ആയി. ഒരു വർഷം കൊണ്ട് 14,800-ലധികം കിന്റർഗാർട്ടനുകൾ അടച്ചുപൂട്ടപ്പെട്ടു. 

ചൈനയിലെ കിന്റർഗാർട്ടനുകളിൽ ചേരുന്ന കുട്ടികളുടെ എണ്ണത്തിൽ ഗണ്യമായ കുറവ് രേഖപ്പെടുത്തിയിട്ടുണ്ട്. 2023-ലെ കണക്കുകൾ പ്രകാരം, പ്രീസ്‌കൂൾ വിദ്യാഭ്യാസത്തിൽ ചേർന്ന കുട്ടികളുടെ എണ്ണം 40.9 ദശലക്ഷം മാത്രമായിരുന്നു. ഇത് മുൻ വർഷത്തെ അപേക്ഷിച്ച് 11 ശതമാനത്തിലധികം കുറവാണ്. കിന്റർഗാർട്ടനുകളുടെ എണ്ണത്തിലും കുറവുണ്ടായി. 2022-ൽ 1.9 ശതമാനം കിന്റർഗാർട്ടനുകൾ അടച്ചുപൂട്ടപ്പെട്ടപ്പോൾ, വിദ്യാർത്ഥികളുടെ എണ്ണം 3.7 ശതമാനം കുറഞ്ഞു. ഈ സാഹചര്യത്തിൽ, പല കിന്റർഗാർട്ടനുകളും പ്രായമായവരെ പരിചരിക്കുന്ന കേന്ദ്രങ്ങളായി പരിവർത്തിതമായിരിക്കുന്നു.

ചൈനയിൽ ജനനനിരക്ക് ഗണ്യമായി കുറഞ്ഞതും പ്രായമായവരുടെ ജനസംഖ്യ വർദ്ധിച്ചതും രാജ്യത്തിന്റെ സാമൂഹിക, സാമ്പത്തിക ഘടനയ്ക്ക് വലിയ വെല്ലുവിളിയായി മാറിയിരിക്കുന്നു. ഒറ്റക്കുട്ടി നയം പോലുള്ള പഴയ നയങ്ങളുടെ അനന്തരഫലമായി ജനനനിരക്ക് കുറഞ്ഞതും, വർധിച്ച ജീവിതച്ചെലവ്, സ്ത്രീകളുടെ വിദ്യാഭ്യാസത്തിലും തൊഴിൽ സാധ്യതകളിലുമുണ്ടായ വർധനവ് തുടങ്ങിയ സാമൂഹിക-സാമ്പത്തിക ഘടകങ്ങളും ഇതിന് കാരണമായിട്ടുണ്ട്.

ജനനനിരക്ക് കുറയുന്നത് ചൈനയുടെ സാമൂഹിക, സാമ്പത്തിക വികാസത്തെ ഗുരുതരമായി ബാധിക്കുമെന്ന ആശങ്കയിൽ രാജ്യം. ഈ പ്രതിസന്ധി നേരിടാൻ ചൈന സർക്കാർ നിരവധി നടപടികൾ സ്വീകരിച്ചിട്ടുണ്ട്. ഇതിൽ ജനനനിരക്ക് വർദ്ധിപ്പിക്കുന്നതിനുള്ള പ്രോത്സാഹന പദ്ധതികൾ, മാതാപിതാക്കളായുള്ള പരിശീലനം, കുട്ടികളുടെ പരിചരണത്തിനുള്ള സൗകര്യങ്ങൾ എന്നിവ ഉൾപ്പെടുന്നു. ഉദാഹരണത്തിന്, ഗ്വാങ്‌ഡോങ്ങിലെ ഒരു ഗ്രാമം രണ്ടാമത്തെ കുഞ്ഞിന് 10,000 യുവാനും മൂന്നാമത്തെ കുഞ്ഞിന് 30,000 യുവാനും ബോണസ് നൽകുന്നു.

#ChinaBirthRate #KindergartenClosures #PopulationCrisis #OneChildPolicy #EconomicImpact