Bizarre | വിദ്യാര്ഥികള് തമ്മിലുള്ള പരസ്പര ആലിംഗനവും ഹസ്തദാനവും വിലക്കി ബ്രിടണിലെ സ്കൂള്; രക്ഷിതാക്കള്ക്ക് അയച്ച കത്തില് കുട്ടികള് പരസ്പരം ശരീരത്തില് സ്പര്ശിക്കരുതെന്ന് കര്ശന നിര്ദേശം; രൂക്ഷമായി വിമര്ശിച്ച് മാതാപിതാക്കള്
Jan 13, 2023, 16:18 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ചെംസ്ഫോഡ്: (www.kvartha.com) വിദ്യാര്ഥികള് തമ്മിലുള്ള പരസ്പര ആലിംഗനവും ഹസ്തദാനവും വിലക്കികൊണ്ട് വിചിത്രമായ ഉത്തരവിറക്കി ബ്രിടണിലെ ചെംസ്ഫോഡിലെ ഹൈലാന്ഡ് സ്കൂള്. രക്ഷിതാക്കള്ക്ക് അയച്ച കത്തിലാണ് സ്കൂള് അധികൃതരുടെ നിര്ദേശം.
മാത്രമല്ല മൊബൈല് ഫോണ് ഉപയോഗിച്ച് പിടിക്കപ്പെടുന്ന വിദ്യാര്ഥികളെ സ്കൂള് സമയം കഴിയുന്നതുവരെ സുരക്ഷിതരായി പൂട്ടിയിടുമെന്നും സ്കൂളിലെ പ്രധാനധ്യാപിക രക്ഷിതാക്കള്ക്ക് മുന്നറിയിപ്പ് നല്കിയിട്ടുണ്ട്.
സുരക്ഷ കണക്കിലെടുത്ത് സ്കൂള് പരിസരത്ത് വിദ്യാര്ഥികള് യാതൊരു വിധത്തിലും പരസ്പരം ശരീരത്തില് സ്പര്ശിക്കരുതെന്നാണ് കത്തില് പറയുന്നത്. എന്നാല് സ്കൂളിന് പുറത്ത് രക്ഷിതാക്കളുടെ സമ്മതത്തോടെ ഇത്തരം ബന്ധങ്ങളാകാമെന്നും കത്തില് പറയുന്നുണ്ട്.
കുട്ടികളില് യഥാര്ഥ സൗഹൃദമുണ്ടാക്കണമെന്നാണ് ആഗ്രഹിക്കുന്നതെന്നും അതിനാല് സ്കൂളിനകത്ത് പ്രണയ ബന്ധങ്ങള് അനുവദിക്കില്ലെന്നും കത്തില് പറയുന്നു. ആലിംഗനം, ഹസ്തദാനം, മര്ദനം തുടങ്ങിയ ശാരീരിക സമ്പര്ക്കം സ്കൂളിനകത്ത് പൊറുപ്പിക്കാനാവില്ലെന്നാണ് രക്ഷിതാക്കള്ക്ക് അയച്ച കത്തില് സ്കൂള് അധികൃതര് പറയുന്നത്.
സ്കൂളിനുള്ളില് സമ്മതത്തോടെയോ അല്ലാതെയോ നിങ്ങളുടെ കുട്ടി ആരെയെങ്കിലും സ്പര്ശിച്ചാല് എന്തുവേണമെങ്കിലും സംഭവിക്കാം. ഒരുപക്ഷേ ഇത് അനുചിതമായ സ്പര്ശനത്തിനോ മറ്റൊരാളില് അസ്വസ്ഥതയ്ക്കോ പരുക്കിനോ പോലും വഴിവെച്ചേക്കാമെന്നും കത്തില് വിശദീകരിക്കുന്നു.
ഭൂരിഭാഗം രക്ഷിതാക്കളും കുട്ടികളും തങ്ങളുടെ നടപടിയെ പിന്തുണയ്ക്കുന്നുണ്ടെന്നാണ് സ്കൂള് അധികൃതരുടെ പക്ഷം. അതേസമയം സ്കൂളിന്റെ കര്ക്കശമായ നിര്ദേശത്തെ രൂക്ഷമായി വിമര്ശിച്ച് രക്ഷിതാക്കള് രംഗത്തെത്തി.
Keywords: News,World,international,England,school,Education,Students,Parents, British School Bans Romance And Physical Contact To 'Keep Children Safe'
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
