Alert | ജലനിരപ്പ് ഉയർന്നു; തൃശൂരിൽ തുറന്നിരിക്കുന്നത് നിരവധി ഡാമുകൾ; ജനങ്ങൾക്ക് മുന്നറിയിപ്പ്
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
വെള്ളം കയറാൻ സാധ്യതയുള്ള പ്രദേശങ്ങളിൽ നിന്നുള്ള ആളുകളെ ക്യാമ്പുകളിലേക്ക് മാറ്റാനുള്ള നടപടികൾ സ്വീകരിച്ചിട്ടുണ്ട്.
തൃശൂർ: (KVARTHA) ജില്ലയിൽ അതിശക്തമായ മഴയെ തുടർന്ന് ജലനിരപ്പ് ഉയർന്നതോടെ നിരവധി ഡാമുകൾ തുറന്നിരിക്കുകയാണ്. പീച്ചി, വാഴാനി, പെരിങ്ങൽക്കുത്ത്, പൂമല, അസുരൻകുണ്ട്, പത്താഴക്കുണ്ട് എന്നീ ഡാമുകളിൽ നിന്ന് വെള്ളം പുറത്തേക്കൊഴുകുന്നുണ്ട്.
പീച്ചി ഡാമിലെ 4 സ്പിൽവേ ഷട്ടറുകൾ 155 സെന്റീമീറ്റർ വീതം തുറന്നിട്ടുണ്ട്. മഴ തീവ്രമായതോടെ ഘട്ടം ഘട്ടമായാണ് ഷട്ടറുകൾ ഉയർത്തിയത്. വാഴാനി ഡാമിലെ നാലു ഷട്ടറുകൾ 70 സെന്റീമീറ്റർ വീതവും, പൂമല ഡാമിലെ നാലു ഷട്ടറുകൾ 15 സെന്റീമീറ്റർ വീതവും, പത്താഴക്കുണ്ട് ഡാമിലെ നാലു ഷട്ടറുകൾ 6 സെന്റീമീറ്റർ വീതവും തുറന്നിരിക്കുന്നു.
പെരിങ്ങൽക്കുത്ത് ഡാമിന്റെ 7 ഷട്ടറുകളും ഒരു സ്ല്യൂസ് ഗേറ്റും തുറന്നിട്ടുണ്ട്. തുണക്കടവ് ഡാം തുറന്നു വെള്ളം പെരിങ്ങൽക്കുത്തിലേക്കും, തമിഴ്നാട് ഷോളയാർ ഡാം തുറന്നു വെള്ളം കേരള ഷോളയാറിലേക്കും ഒഴുകുന്നുണ്ട്.
ഈ സാഹചര്യത്തിൽ ചാലക്കുടി പുഴയുടെ താഴ്ന്ന പ്രദേശങ്ങളിൽ വെള്ളം കയറാൻ സാധ്യതയുള്ളതിനാൽ ജാഗ്രത നിർദേശം നൽകിയിട്ടുണ്ട്. അധികൃതർ വെള്ളം കയറാൻ സാധ്യതയുള്ള പ്രദേശങ്ങളിൽ നിന്നുള്ള ആളുകളെ ക്യാമ്പുകളിലേക്ക് മാറ്റാനുള്ള നടപടികൾ സ്വീകരിച്ചിട്ടുണ്ട്.
