Yellow Alert | ബംഗാള് ഉള്കടലില് രൂപപ്പെട്ട ന്യൂനമര്ദം അടുത്ത 24 മണിക്കൂറിനുള്ളില് ശക്തി പ്രാപിക്കാന് സാധ്യത; കേരളത്തില് അടുത്ത 5 ദിവസം ശക്തമായ മഴ മുന്നറിയിപ്പ്
Jun 9, 2023, 17:18 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) വടക്ക് -കിഴക്കന് ബംഗാള് ഉള്കടലില് ന്യൂനമര്ദം രൂപപ്പെട്ടു. അടുത്ത 24 മണിക്കൂറിനുള്ളില് ശക്തി പ്രാപിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ അറിയിപ്പില് പറയുന്നു.
കേരളത്തില് അടുത്ത അഞ്ച് ദിവസം വ്യാപകമായി ഇടി/മിന്നല്/കാറ്റോട് കൂടിയ മഴയ്ക്കു സാധ്യതയുണ്ട്. ജൂണ് 9 മുതല് 11 വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അടുത്ത അഞ്ച് ദിവസത്തേക്ക് സംസ്ഥാനത്തെ വിവിധ ജില്ലകളില് മഞ്ഞ ജാഗ്രത പ്രഖ്യാപിച്ചു. വെള്ളിയാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട്, കണ്ണൂര് ജില്ലകളിലും ശനിയാഴ്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലും ഞായറാഴ്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലുമാണ് മഞ്ഞ ജാഗ്രത പ്രഖ്യാപിച്ചത്. 24 മണിക്കൂറില് 64.5 മിലിമീറ്റര് മുതല് 115.5 മിലിമീറ്റര് വരെ മഴ ലഭിക്കുമെന്നാണ് അറിയിപ്പ്.
മധ്യകിഴക്കന് അറബിക്കടലിനു മുകളില് അതിതീവ്ര ചുഴലിക്കാറ്റായി സ്ഥിതി ചെയ്യുന്ന ബിപോര്ജോയ് അടുത്ത 36 മണിക്കൂറില് വീണ്ടും ശക്തി പ്രാപിച്ച് വടക്ക്- കിഴക്ക് ദിശയിലും തുടര്ന്നുള്ള 3 ദിവസം വടക്ക് പടിഞ്ഞാറു ദിശയിലും സഞ്ചരിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
Keywords: News, Kerala, Kerala-News, Thiruvananthapuram-News, Heavy Rain, Low Pressure, Kerala, Districts, Weather Aletrs, Biparjoy, Weather, Weather-News, Low Pressure at Bay of Bengal; Kerala expects heavy rain.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
