തമിഴ് നാട്ടില് കനത്തമഴ; 3 മരണം; 4 ജില്ലകളിലെ വിദ്യാഭ്യാസ സ്ഥാപനങ്ങള്ക്കും സര്കാര് ഓഫിസുകള്ക്കും അവധി; ജനങ്ങള് ജാഗ്രത പാലിക്കണമെന്ന് നിര്ദേശം
Dec 31, 2021, 12:45 IST
ADVERTISEMENT
ചെന്നൈ: (www.kvartha.com 31.12.2021) തമിഴ്നാട്ടില് കനത്ത മഴയെത്തുടര്ന്ന് നാല് ജില്ലകളിലെ വിദ്യാഭ്യാസ സ്ഥാപനങ്ങള്ക്കും സര്കാര് ഓഫിസുകള്ക്കും അവധി പ്രഖ്യാപിച്ചു. കനത്ത മഴയില് ഷോകേറ്റ് മൂന്നു പേര് മരിച്ചു. കാഞ്ചീപുരം, ചെങ്കല്പട്, ചെന്നൈ എന്നിവിടങ്ങളിലാണ് അപകടമുണ്ടായത്. മഴക്കെടുതി രൂക്ഷമായ ചെന്നൈ, ചെങ്കല് പേട്ട്, കാഞ്ചിപുരം, തിരുവള്ളൂര് ജില്ലകളിലെ വിദ്യാഭ്യാസ സ്ഥാപനങ്ങള്ക്കും സര്കാര് സ്ഥാപനങ്ങള്ക്കുമാണ് അവധി പ്രഖ്യാപിച്ചിരിക്കുന്നത്. 10 ജില്ലകളില് മഴ മുന്നറിയിപ്പും നല്കിയിട്ടുണ്ട്. ജനങ്ങള് ജാഗ്രത പാലിക്കണമെന്നും നിര്ദേശം നല്കിയിട്ടുണ്ട്.
ചെന്നൈയിലുടനീളവും മറീന ബീച്, പടിനപാക്കം, എംആര്സി നഗര്, നന്ദനം, മൈലാപ്പൂര്, ഉള്പെടെയുള്ള പ്രദേശങ്ങളിലാണ് ശക്തമായ മഴ പെയ്തത്. പല റോഡുകളും വെള്ളത്തിനടിയിലായതിനാല് നഗരത്തില് രൂക്ഷമായ ഗതാഗതക്കുരുക്കും അനുഭവപ്പെട്ടു. ചെന്നൈ, തിരുവള്ളൂര്, കാഞ്ചീപുരം, ചെങ്കല്പേട്ട് ജില്ലകളില് അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് പ്രവചിച്ചിരുന്നു.
പത്ത് ജില്ലകളില് കൂടി സംസ്ഥാനത്ത് മഴ മുന്നറിയിപ്പ് നല്കിയിട്ടുണ്ട്. ഇടിയോട് കൂടിയുള്ള മഴയായിരിക്കും ഉണ്ടാവുക, എന്നാല് ഇത് അതിതീവ്രമാകില്ല എന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നത്. ദുരിതബാധിത പ്രദേശങ്ങള് മുഖ്യമന്ത്രി എംകെ സ്റ്റാലിന് സന്ദര്ശിച്ചു.
Keywords: 3 Deaths After Heavy Rain In Tamil Nadu; Schools, Offices In Chennai Shut, Chennai, News, Rain, Dead, Warning, Holidays, Education, National.கனமழையால் சென்னை மாநகரில் ஏற்பட்டுள்ள வெள்ள பாதிப்புகள் மற்றும் மேற்கொள்ளப்பட்டு வரும் முன்னேற்பாடு பணிகள் குறித்து, சென்னை ரிப்பன் மாளிகை, பெருநகர சென்னை மாநகராட்சி தலைமை அலுவலகத்தில் மாண்புமிகு முதலமைச்சர் @mkstalin அவர்கள் ஆய்வு மேற்கொண்டார். pic.twitter.com/8aQmtjY2GE
— CMOTamilNadu (@CMOTamilnadu) December 30, 2021
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
