ഇന്ത്യാവിഷന്‍ സംഘത്തിനെതിരെ അക്രമണം: പോലീസുകാര്‍ക്കെതിരെ കേസെടുത്തു

കാസര്‍കോട്: ഇന്ത്യാവിഷന്‍ ചാനല്‍ സംഘത്തെ അക്രമിച്ച സംഭവത്തില്‍ പോലീസുകാര്‍ക്കെതിരെ കേസെടുത്തു. ഇന്ത്യാവിഷന്‍ റിപ്പോട്ടര്‍ ഫൗസിയ മുസ്തഫയുടെ പരാതിയിലാണ് കണ്ടാലറിയാവുന്ന 30ഓളം പോലീസുകാര്‍ക്കെതികെ കേസെടുത്തത്. കഴിഞ്ഞ ദിവസം പാറക്കട്ട എ.ആര്‍ ക്യാമ്പിന് സമീപമാണ് സംഭവം. എ.ആര്‍ ക്യാമ്പിലെ പോലീസുകാര്‍ കുട്ടികളെ സ്‌കൂളില്‍ കൊണ്ടുപോകാന്‍ പോലീസ് വാഹനം ദുരുപയോഗം ചെയ്യുന്നത് ചിത്രീകരിക്കുന്നതില്‍ പ്രകോപിതരായാണ് ചാനല്‍ സംഘത്തെ പോലീസ് അക്രമിച്ചത്. തുടര്‍ന്ന് നഗരത്തില്‍ മാധ്യമപ്രവര്‍ത്തകരുടെ പ്രതിഷേധ പ്രകടനം നടന്നിരുന്നു. ജനറല്‍ ആശുപത്രിയില്‍ കഴിയുന്ന ഫൗസിയെയും ക്യാമറാമാന്‍ സുബിത്തിനെയും ഡ്രൈവര്‍ സലാമിനെയും മന്ത്രി കെ.പി മോഹനന്‍, എന്‍.എ നെല്ലിക്കുന്ന് എം.എല്‍.എ, പി.കരുണാകരന്‍ എം.പി, ജില്ലാ പഞ്ചായത്ത് പ്രസിഡന്റ് പി.പി ശ്യാമളാദേവി,  പ്രമുഖ എഴുത്തുകാരന്‍ റഹ്മാന്‍ തായലങ്ങാടി, മുന്‍ എം.എല്‍.എ സി.എച്ച് കുഞ്ഞമ്പു  തുടങ്ങിയവര്‍ സന്ദര്‍ശിച്ചു. പോലീസ് മര്‍ദ്ദനത്തെ കുറിച്ച് മുഖ്യമന്ത്രി ഉമ്മന്‍ചാണ്ടി ഐ.ജിയുടെ റിപ്പോര്‍ട്ട് ആവശ്യപ്പെട്ടു.