Rumor | നീരജ് ചോപ്രയും മനു ഭാക്കറും തമ്മിൽ വിവാഹിതരാകുമോ? ഗോസിപ്പുകൾക്ക് മറുപടിയുമായി കുടുംബാംഗങ്ങൾ 

ന്യൂഡൽഹി: (KVARTHA) പാരീസ് ഒളിമ്പിക്സിൽ മികച്ച പ്രകടനം കാഴ്ചവച്ചുകൊണ്ട് മെഡലുകൾ നേടി ഇന്ത്യയുടെ അഭിമാനമായി മാറിയിരിക്കുകയാണ് നീരജ് ചോപ്രയും മനു ഭാക്കറും. ഇപ്പോഴിതാ പാരീസ് ഒളിമ്പിക്സിന് ശേഷം, നീരജ് ചോപ്രയുമായി മനു ഭാക്കറിന്റെ അമ്മ സംസാരിക്കുന്ന ഒരു വീഡിയോ വൈറലായത് ഇരുവരുടെയും വിവാഹത്തെക്കുറിച്ചുള്ള ഗോസിപ്പുകൾക്ക് വഴിയൊരുക്കി. 

എന്നാൽ ഈ വാർത്തകൾ മനു ഭാക്കറിന്റെ പിതാവായ രാം കിഷൻ ഭാക്കർ തള്ളിക്കളഞ്ഞു. തന്റെ മകൾ ഇപ്പോൾ വളരെ ചെറുപ്പമാണെന്നും വിവാഹത്തെക്കുറിച്ച് ചിന്തിക്കുന്നില്ലെന്നും അദ്ദേഹം വ്യക്തമാക്കി. കൂടാതെ, നീരജ് ചോപ്രയെ മനുവിന്റെ അമ്മ തന്റെ മകനെപ്പോലെ കാണുന്നുവെന്നും അദ്ദേഹം പറഞ്ഞു.

ഇതിനു പുറമേ, നീരജ് ചോപ്രയുടെ അമ്മാവനും തന്റെ മരുമകന്റെ വിവാഹത്തെക്കുറിച്ചുള്ള ഗോസിപ്പുകൾക്ക് മറുപടി നൽകി. നീരജ് രാജ്യത്തിനായി ഒരു മെഡൽ നേടിയത് എല്ലാവർക്കും അറിയാമാണെന്നും, അതുപോലെ തന്നെ അവന്‍റെ വിവാഹവും എല്ലാവരും അറിഞ്ഞുകൊണ്ട് തന്നെയായിരിക്കുമെന്നാണ് അദ്ദേഹം പറഞ്ഞത്. 

വൈറലായ വീഡിയോയിൽ, മനുവിന്റെ അമ്മ സുധ, നീരജിന്റെ കൈ തന്റെ തലയിൽ വയ്ക്കുന്നതും, മനുവുമായി നീരജ് സംസാരിക്കുന്നതും കാണാം. ഈ സൗഹൃദപരമായ ഇടപഴകലാണ് സോഷ്യൽ മീഡിയയിൽ പലതരത്തിലുള്ള ഊഹാപോഹങ്ങൾക്ക് വഴിവെച്ചത്. നീരജ് ചോപ്രയും മനു ഭാക്കറും തമ്മിലുള്ള വിവാഹ ഗോസിപ്പുകൾ അടിസ്ഥാനരഹിതമാണെന്നാണ് ഇരുവരുടെയും കുടുംബങ്ങൾ ഇപ്പോൾ വ്യക്തമാക്കുന്നത്.

#NeerajChopra #ManuBhaker #IndianSports #Olympics #marriage #rumors #viral #debunked