World Cup | ടി20 ലോകകപ്: ഇന്‍ഡ്യയ്ക്ക് തകര്‍പ്പന്‍ ജയം; സിംബാബ്‌വെയെ 71 റണ്‍സിന് തറപറ്റിച്ചു

             
തുടക്കത്തില്‍ കെഎല്‍ രാഹുലും അവസാനം സൂര്യകുമാര്‍ യാദവും ഇന്‍ഡ്യയ്ക്കായി മികച്ച പ്രകടനമാണ് പുറത്തെടുത്തത്. ഇരുവരും അര്‍ധ സെഞ്ച്വറി നേടി. രാഹുല്‍ 35 പന്തില്‍ 51 റണ്‍സെടുത്തു. അതേസമയം സൂര്യകുമാര്‍ 25 പന്തില്‍ 61 റണ്‍സ് നേടി പുറത്താകാതെ നിന്നു. മത്സരത്തിന്റെ അവസാനം അവിശ്വസനീയമായ നിരവധി ഷോടുകളാണ് അദ്ദേഹം അടിച്ചത്. ആറ് ഫോറും നാല് സിക്‌സും സൂര്യകുമാര്‍ പറത്തി.
           
കോഹ്ലി 25 പന്തില്‍ 26 റണ്‍സെടുത്തു. കോഹ്ലിയും രാഹുലും ചേര്‍ന്ന് 48 പന്തില്‍ 60 റണ്‌സിന്റെ കൂട്ടുകെട്ട് പടുത്തുയര്‍ത്തി. 187 റണ്‍സ് വിജയലക്ഷ്യം പിന്തുടര്‍ന്ന സിംബാബ്വെയുടെ ആദ്യ വികറ്റ് ആദ്യ പന്തില്‍ തന്നെ വീണു. പിന്നീട് തുടര്‍ചയായ ഇടവേളകളില്‍ വികറ്റ് വീണുകൊണ്ടേയിരുന്നു. 17.2 ഓവറിൽ 115 റൺസിന്  എല്ലാവരും പുറത്തായി. 35 റൺസെടുത്ത റയാൻ ബർളാണ് ടോപ് സ്കോറർ. സികന്ദർ റാസ 34 റൺസ് നേടി.