സൗരവ് ഗാംഗുലി ബംഗാള്‍ ക്രിക്കറ്റ് അസോസിയേഷന്‍ പ്രസിഡന്റ്

കൊല്‍ക്കത്ത: (www.kvartha.com 25.09.2015) മുന്‍ ഇന്ത്യന്‍ ക്രിക്കറ്റ് ടീം നായകന്‍ സൗരവ് ഗാംഗുലിയെ ബംഗാള്‍ ക്രിക്കറ്റ് അസോസിയേഷന്‍ പ്രസിഡന്റായി നിയമിച്ചു. ബിസിസിഐ അധ്യക്ഷനും ബംഗാള്‍ ക്രിക്കറ്റ് അസോസിയേഷന്‍ പ്രസിഡന്റുമായിരുന്ന ജഗ്‌മോഹന്‍ ഡാല്‍മിയയുടെ മരണത്തെത്തുടര്‍ന്നാണ് സൗരവ് ഗാംഗുലിയെ ബംഗാള്‍ ക്രിക്കറ്റിന്റെ തലപ്പത്തേക്കു കൊണ്ടുവന്നത്.

 ബംഗാള്‍ ക്രിക്കറ്റ് അസോസിയേഷന്‍ പ്രസിഡന്റാകാന്‍ നിരവധിപ്പേര്‍ രംഗത്തുണ്ടായിരുന്നെങ്കിലും ബംഗാള്‍ മുഖ്യമന്ത്രി മമതാ ബാനര്‍ജിയുടെ പിന്തുണ ഗാംഗുലിക്കായിരുന്നു.

ഗാംഗുലിയുടെ സ്ഥാനാരോഹണം ചോദ്യം ചെയ്യാനും ആരും മുന്നോട്ടുവന്നില്ല എന്നതും ശ്രദ്ധേയം. ബംഗാള്‍ ക്രിക്കറ്റിന്റെ ഉന്നതിക്കുവേണ്ടി തനിക്കു കഴിയുംവിധം പ്രവര്‍ത്തിക്കുമെന്നും ഗാംഗുലി പറഞ്ഞു.
     
SUMMARY: The decks have been cleared for Sourav Ganguly to take charge of the Cricket Association of Bengal, with the state's chief minister, Mamata Banerjee, announcing on Thursday that the association's senior officials had taken the decision. He will replace Jagmohan Dalmiya, who died on Sunday, and whose son Avishek will succeed Ganguly as secretary.