സുമിത് മാലികിന് പിന്നാലെ ഇന്ത്യന്‍ വനിത ഗുസ്തിതാരം സീമ ബിസ്‌ലക്ക് ടോകിയോ ഒളിമ്പിക്‌സിലേക്ക് യോഗ്യത
May 8, 2021, 09:42 IST
സോഫിയ: (www.kvartha.com 08.05.2021) സുമിത് മാലികിന് പിന്നാലെ ടോകിയോ ഒളിമ്പിക്‌സിലേക്ക് യോഗ്യത നേടി ഇന്ത്യന്‍ വനിത ഗുസ്തിതാരം സീമ ബിസ് ല. ബള്‍ഗേറിയയില്‍ നടന്ന ലോക ഗുസ്തി യോഗ്യതാ മത്സരം ഫൈനലില്‍ 50 കിലോ വിഭാഗത്തിലാണ് സീമ നേട്ടം കൈവരിച്ചത്. സ്‌പോര്‍ട്‌സ് അതോറിറ്റി ഓഫ് ഇന്ത്യ (സായ്) ഔദ്യോഗിക ട്വീറ്റിലൂടെയാണ് വാര്‍ത്ത പുറത്തുവിട്ടത്.
ഒളിമ്പിക്‌സ് യോഗ്യത നേടുന്ന നാലാമത്തെ വനിതാ താരവും എട്ടാമത്തെ ഇന്ത്യന്‍ താരവുമാണ് സീമ ബിസ് ല. കഴിഞ്ഞ ദിവസം കോമണ്‍വെല്‍ത് ഗെയിംസ് ചാമ്പ്യനും ഏഷ്യന്‍ ചാമ്പ്യന്‍ഷിപ് വെള്ളി മെഡല്‍ ജേതാവുമായ സുമിത് മാലിക് ഒളിമ്പിക്‌സ് യോഗ്യത നേടിയിരുന്നു. 28കാരനായ സുമിത് 125 കിലോ വിഭാഗത്തിലാണ് മത്സരിക്കുന്നത്.
സുമിത് മാലികിനെ കൂടാതെ രവി കുമാര്‍ ദഹിയ (57 കിലോ), ബജ്‌റങ് പുനിയ (65 കിലോ), ദീപക് പുനിയ (86 കിലോ), വിനേഷ് ഭോഗത് (53 കിലോ), അന്‍ഷു മാലിക് (57 കിലോ), സോനം മാലിക് (62 കിലോ) എന്നീ പുരുഷ-വനിത താരങ്ങളും ഒളിമ്പിക്‌സ് യോഗ്യത നേടിയിട്ടുണ്ട്.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
