Hacked | 'വിരസമായ കുരങ്ങന്മാരുടെ യാച് ക്ലബ്'; റോയല്‍ ചലന്‍ജേഴ്സ് ബെംഗ്‌ളൂറിന്റെ ട്വിറ്റര്‍ അകൗണ്ട് ഹാക് ചെയ്ത് പുനര്‍നാമകരണം ചെയ്തു
Jan 21, 2023, 16:12 IST
ADVERTISEMENT
ന്യൂഡെല്‍ഹി: (www.kvartha.com) ഇന്‍ഡ്യന്‍ പ്രീമിയര്‍ ലീഗ് ഫ്രാഞ്ചൈസി റോയല്‍ ചലന്‍ജേഴ്സ് ബെംഗ്‌ളൂറിന്റെ ഔദ്യോഗിക ട്വിറ്റര്‍ അകൗണ്ട് ഹാക് ചെയ്യപ്പെട്ടു. പുലര്‍ചെ 4 മണിയോടെയാണ് ആര്‍സിബിയുടെ ട്വിറ്റര്‍ ഹാന്‍ഡില്‍ ഹാക് ചെയ്യപ്പെട്ടത്. അകൗണ്ടിന്റെ നിയന്ത്രണം വീണ്ടെടുക്കാനും അനാവശ്യ ഉള്ളടക്കം നീക്കം ചെയ്യാനും ആര്‍സിബിക്ക് ഇതുവരെ കഴിഞ്ഞിട്ടില്ല.
ഹാകര്‍മാര്‍ 'Bored Ape Yacht Club'(വിരസമായ കുരങ്ങന്മാരുടെ യാച് ക്ലബ്) എന്ന് പുനര്‍നാമകരണം ചെയ്യുകയും നോണ്‍-ഫംഗബിള്‍ ടോകണുമായി (NFT) ബന്ധപ്പെട്ട ട്വീറ്റുകള്‍ പോസ്റ്റ് ചെയ്യുകയും ചെയ്തു. ട്വിറ്റര്‍ നിര്‍ദേശിച്ച സുരക്ഷാ നടപടികളും സ്വീകരിച്ചിട്ടും അകൗണ്ട് ഹാക് ചെയ്യപ്പെട്ടത് ദൗര്‍ഭാഗ്യകരമായ സംഭവമാണെന്ന് ആര്‍സിബി അറിയിച്ചു. 2009-ല്‍ സൃഷ്ടിച്ച ആര്‍സിബിയുടെ ട്വിറ്റര്‍ അകൗണ്ടിന് 6.4 ദശലക്ഷം ഫോളോവേഴ്സ് ഉണ്ട്.
'ഹാന്‍ഡിലില്‍ പ്രത്യക്ഷപ്പെട്ട ട്വീറ്റുകളുമായി ബന്ധമില്ല, ആരാധകര്‍ക്ക് ഉണ്ടായ അസൗകര്യത്തില്‍ ഖേദിക്കുന്നു. പ്രശ്‌നം എത്രയും വേഗം പരിഹരിക്കാന്‍ ട്വിറ്റര്‍ സപോര്‍ട് ടീമുമായി ചേര്‍ന്ന് പ്രവര്‍ത്തിക്കുന്നുണ്ട്. ഞങ്ങള്‍ ഉടന്‍ മടങ്ങിയെത്തും'- ആര്‍സിബി ഔദ്യോഗിക ഇന്‍സ്റ്റാഗ്രാം അകൗണ്ടില്‍ കുറിച്ചു.
Rcb Twitter account hacked 😢 pic.twitter.com/fKvmQ8XN5y
— ಕರ್ಣ (@shodhan_ak) January 21, 2023
Keywords: News,National,New Delhi,Twitter,Social-Media,Hackers,Sports,Royal Challengers,Top-Headlines,Latest-News, RCB's Twitter account hacked for second time, renamed to ‘Bored Ape Yacht Club'
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
