Lionel Messi | ലയണൽ മെസി വിടചൊല്ലിയതിന് പിന്നാലെ സോഷ്യൽ മീഡിയയിൽ പിഎസ്ജിക്ക് ഒരു ദശലക്ഷത്തിലധികം ഫോളോവേഴ്‌സ് നഷ്ടമായി; താരം ഇനി എങ്ങോട്ട്?

ഫ്രഞ്ച് ലീഗ് സീസണിൽ ശനിയാഴ്ച നടന്ന പിഎസ്ജിയുടെ അവസാന മത്സരത്തിന് പിന്നാലെയാണ് മെസി സംഭവബഹുലമായ രണ്ട് വർഷത്തെ പി എസ് ജിയിലെ കരിയറിന് വിരാമമിട്ടത്. അവസാന മത്സരത്തിൽ ക്ലെർമണ്ടിനെതിരെ പിഎസ്ജി 3–2നു തോൽക്കുകയും ചെയ്തു. പിഎസ്ജിയുടെ ഹോം ഗ്രൗണ്ടായ പാർക് ദെ പ്രിൻസസിൽ കിക്കോഫിനു മുൻപ് മെസിയുടെ പേരു വിളിച്ചപ്പോൾ താരത്തിന് കയ്യടികൾക്കൊപ്പം കൂവലും കേൾക്കേണ്ടി വന്നു.

'ക്ലബിനും പാരീസ് നഗരത്തിനും അതിലെ ജനങ്ങൾക്കും നന്ദി പറയുന്നു. ഭാവിയിൽ നിങ്ങൾക്ക് എല്ലാ ആശംസകളും നേരുന്നു', മെസ്സി ക്ലബ് വെബ്‌സൈറ്റിനോട് പറഞ്ഞു. പിഎസ്ജിയിലെ രണ്ട് സീസണുകളിലായി, രണ്ട് ഫ്രഞ്ച് ലീഗുകളും ഫ്രഞ്ച് ചാമ്പ്യൻസ് ട്രോഫിയും നേടിയ മെസി എല്ലാ മത്സരങ്ങളിൽ നിന്നും 32 ഗോളുകളും 35 അസിസ്റ്റുകളും നേടി.

അർജന്റീനയെ ലോകകപ്പ് നേടാൻ സഹായിച്ചതിന് ശേഷം മെസിയുടെ ഫോം കുറഞ്ഞപ്പോൾ പിഎസ്ജി ആരാധകരിൽ ചിലർ കഴിഞ്ഞ രണ്ട് മാസങ്ങളായി മെസിയെ പരിഹസിച്ചിരുന്നു. കഴിഞ്ഞ മാസം സൗദി അറേബ്യയിലേക്കുള്ള യാത്രയ്ക്ക് ശേഷം മെസിയെ പിഎസ്ജി സസ്‌പെൻഡ് ചെയ്തതോടെ ക്ലബുമായുള്ള ബന്ധം വഷളായി. ഇനി മെസി എങ്ങോട്ട് പോകുമെന്നാണ് കായിക പ്രേമികൾ ഉറ്റുനോക്കുന്നത്. സൗദി പ്രോ ലീഗ് ക്ലബായ അൽ ഹിലാലാണ് വൻതുക നൽകി മെസിയെ സ്വന്തമാക്കാൻ ഇപ്പോൾ രംഗത്തുള്ളത്. ജൂണ്‍ ആറിന് ഇത് സംബന്ധിച്ച പ്രഖ്യാപനം അല്‍ ഹിലാലില്‍ നിന്ന് എത്തുമെന്നും സൂചനയുണ്ട്. അൽ ഹിലാലിൽ നിന്നുള്ള മുതിർന്ന ഉദ്യോഗസ്ഥർ മെസിയുമായി കരാർ ഒപ്പിടാൻ ഫ്രാൻസിലേക്ക് പറന്നതായും റിപ്പോർട്ടുണ്ട്.

Keywords: News, World, Paris, Social Media, PSG, Followers, Lionel Messi, Football, Sports,   PSG Lose More Than A Million Followers on Social Media After Lionel Messi's Exit.
< !- START disable copy paste -->