റോക്കി എറണാകുളം

(KVARTHA) ധാരാളം കായിക വിനോദങ്ങൾ നമുക്ക് സുപരിചിതമാണ്. സ്കൂൾ, കോളേജ് കാലഘട്ടം തൊട്ടെ കായിക വിനോദങ്ങളെ നമ്മൾ പ്രോത്സാഹിപ്പിക്കുകയും ചെയ്യുന്നുണ്ട്. പലതരം കായിക വിനോദങ്ങൾ നമുക്കറിയാം. 

ബാഡ്മിന്റൺ, ക്രിക്കറ്റ്, ടെന്നീസ്, ഫുട്ബോൾ, ബാസ്കറ്റ്ബോൾ തുടങ്ങിയവയൊക്കെ കായിക വിനോദങ്ങളുടെ പട്ടികയിൽപ്പെടും. ഇവയൊക്കെ നമുക്ക് ഇഷ്ടമുള്ളതും സുപരിചിതങ്ങളുമാണ്. കുട്ടികൾ മുതൽ മുതിർന്നവർ വരെ ഈ കളികളൊക്കെ നന്നായി ആസ്വദിക്കുകയും ചെയ്യുന്നു. 

പല കളികളും പന്തുമായി ബന്ധപ്പെട്ടുള്ളതാണ്. ഇന്ന് കൂടുതൽ ആളുകളും ഇഷ്ടപ്പെടുന്നത് പന്തുമായി ബന്ധപ്പെട്ടുള്ള കളികൾ തന്നെയാണ്. എന്നാൽ പന്തുമായി ബന്ധപ്പെട്ട മറ്റൊരു കളിയാണ് 'പിക്കിൾ ബോൾ'. ഇത് കേരളത്തിൽ അത്ര പ്രചാരത്തിൽ വന്നിട്ടില്ല. ഇന്ത്യയിൽ ഇപ്പോൾ ഇത് പ്രചാരം നേടിവരുന്നുണ്ടെന്ന് വേണമെങ്കിൽ പറയാം. 

വിദേശ രാജ്യങ്ങളിലൊക്കെ ഈ കളി ജനപ്രിയമായി കഴിഞ്ഞിരിക്കുന്നു. 'പിക്കിൾ ബോൾ' എന്ന റാക്കറ്റ് കായിക വിനോദത്തെക്കുറിച്ചാണ് ഇവിടെ പറയുന്നത്. ഇത് കളിക്കുന്ന വിധവും ഇവിടെ വിശദമാക്കുന്നു. ശ്രദ്ധിക്കുക.

പിക്കിൾ ബോൾ

ഒരു റാക്കറ്റ് കായിക വിനോദമാണ് പിക്കിൾ ബോൾ. ടെന്നീസ്, ബാഡ്മിന്റൺ, പിംഗ്-പോംഗ് എന്നിവയുടെ ഘടകങ്ങൾ സംയോജിപ്പിക്കുന്നു. ഇത് ഒരു ചെറിയ കോർട്ടിൽ (ബാഡ്മിന്റൺ കോർട്ടിന്റെ വലുപ്പം) കളിക്കുന്നു. റാക്കറ്റുകളും (പാഡിലുകൾ), ദ്വാരങ്ങളുള്ള ലഘുവായ പന്തും (പിക്കിൾ ബോൾ) ഉപയോഗിക്കുന്നു. 

കോർട്ടിന് നടുവിൽ ഒരു വലയുണ്ട്. ടെന്നീസ് വലയേക്കാൾ അല്പം താഴ്ന്നതാണ് ഇതിന്റെ ഉയരം. ഒറ്റയ്ക്കോ (സിംഗിൾസ്) അല്ലെങ്കിൽ ഇരട്ടയ്ക്കോ (ഡബിൾസ്) കളിക്കാം. പന്ത് വലയ്ക്ക് മുകളിലൂടെ അടിച്ച് എതിരാളിയുടെ കോർട്ടിൽ ഇടണം. സാധാരണയായി 11 പോയിന്റിലേക്കാണ് കളി. എന്നാൽ 2 പോയിന്റിന്റെ വ്യത്യാസം വേണം. സെർവ് ചെയ്യുന്ന ടീമിന് മാത്രമേ പോയിന്റ് നേടാൻ കഴിയൂ. 

വലയ്ക്ക് സമീപമുള്ള ‘കിച്ചൻ’ എന്നറിയപ്പെടുന്ന ഒരു പ്രദേശത്ത് വോളി (പന്ത് നിലത്ത് തട്ടാതെ അടിക്കൽ) അനുവദനീയമല്ല. അണ്ടർഹാൻഡ് ആയി കോർട്ടിന്റെ ഡയഗണൽ ഭാഗത്തേക്ക് സെർവ് ചെയ്യണം. 1965-ൽ അമേരിക്കയിൽ ജോയൽ പ്രിച്ചാർഡും, സുഹൃത്തുക്കളും ചേർന്ന് കണ്ടുപിടിച്ച കളിയാണിത്. അവരുടെ നായയുടെ പേരായ ‘പിക്കിൾ’ എന്നതിൽ നിന്നാണ് ഈ കളിക്ക് പേര് വന്നത് എന്ന് പറയപ്പെടുന്നു. 

എല്ലാ പ്രായത്തിലുള്ളവർക്കും കളിക്കാൻ എളുപ്പമായതിനാൽ, പ്രത്യേകിച്ച് അമേരിക്കയിൽ, പിക്കിൾബോൾ വളരെ ജനപ്രിയമാണ്. ഇന്ത്യയിലും ഇപ്പോൾ ഇത് പ്രചാരം നേടുന്നുണ്ട്.

ഏത് പ്രായത്തിലുള്ളവർക്കും ഇത് കളിക്കാൻ എളുപ്പമാണെന്നാണ് ഇവിടെ സൂചിപ്പിച്ചിരിക്കുന്നത്. ആയതിനാൽ ഭാവിയിൽ ഈ കളി ഇവിടെ ജനപ്രിയമായികൂടെന്നില്ല. പണ്ടൊക്കെ കേരളത്തിൽ കുട്ടികൾക്ക് വേണ്ടിയായിരുന്നു ഓരോ കളിയെങ്കിൽ ഇന്ന് പ്രായമായവർ കൂടുതൽ ഒറ്റയ്ക്ക് താമസിക്കുന്നതിനാൽ അവരുടെ മാനസികമായ സന്തോഷത്തിന് ഉതകുംവിധം പല കളികളും പ്രോത്സാഹിപ്പിക്കുന്നുണ്ട്. 

അവർക്ക് വളരെ ഈസിയായി ഇത് കളിക്കാൻ പറ്റുമെന്നതിനാൽ ഇവിടേയ്ക്കും 'പിക്കിൾ ബോൾ' അധികം വൈകാതെ എത്തുമെന്ന് പ്രതീക്ഷിക്കാം. അങ്ങനെ വന്നാൽ ഈ കളി മലയാളികളുടെ ഇടയിൽ കൂടുതൽ ജനപ്രിയമായിത്തീരുകയും ചെയ്യും.

'പിക്കിൾ ബോൾ' എന്ന പുതിയ കായിക വിനോദത്തെക്കുറിച്ച് കൂടുതൽ അറിയാനും ഇത് നിങ്ങളുടെ സുഹൃത്തുക്കളുമായി പങ്കുവെക്കാനും മറക്കരുത്!

Summary: Pickleball, a racket sport combining elements of tennis, badminton, and ping-pong, is played on a small court with paddles and a perforated ball. Popular in America due to its ease of play for all ages, it is now gaining traction in India and might soon become popular in Kerala as well.

#Pickleball, #Sports, #India, #America, #NewSport, #Kerala