ദേശീയ വനിതാ ബോക്സിംഗ് ചാമ്പ്യന്‍ഷിപ്: തീം സോംഗ് പുറത്തിറക്കി

കണ്ണൂര്‍: (www.kvartha.com 25.11.2019) സംസ്ഥാന സ്പോര്‍ട്സ് കൗണ്‍സിലിന്റെ സഹകരണത്തോടെ കേരള സ്റ്റേറ്റ് അമേച്വര്‍ ബോക്സിംഗ് അസോസിയേഷന്‍ കണ്ണൂര്‍ മുണ്ടയാട് ഇന്‍ഡോര്‍ സ്റ്റേഡിയത്തില്‍ നടത്തുന്ന ദേശീയ വനിതാ (സീനിയര്‍) ബോക്സിംഗ് ചാമ്പ്യന്‍ഷിപ്പിന്റെ തീം സോംഗ് പുറത്തിറക്കി. ഡിസംബര്‍ രണ്ട് മുതല്‍ എട്ട് വരെയാണ് ചാമ്പ്യന്‍ഷിപ്.

ലോക ചാമ്പ്യന്‍ മേരികോം ഉള്‍പ്പെടെയുള്ളവര്‍ പങ്കെടുക്കുന്ന ടൂര്‍ണമെന്റില്‍ രാജ്യത്തിന്റെ വിവിധ ഭാഗങ്ങളില്‍നിന്നായി 286 കായികപ്രതിഭകള്‍ മാറ്റുരയ്ക്കും.

ചാമ്പ്യന്‍ഷിപ്പിന്റെ പ്രചാരണാര്‍ത്ഥം ഒരുക്കിയ തീം സോംഗിന്റെ സ്വിച്ച്ഓണ്‍ കര്‍മം പയ്യാമ്പലത്ത് കോര്‍ണിഷ് റിസോര്‍ട്ടില്‍ നടന്നു. ഒളിമ്പ്യന്‍ ടിന്റു ലൂക്ക, മുന്‍ എംപി പി കെ ശ്രീമതി എന്നിവര്‍ ചേര്‍ന്ന് പ്രകാശനം നിര്‍വഹിച്ചു.

ജില്ലാ പഞ്ചായത്ത് പ്രസിഡന്റ് കെ വി സുമേഷ്, സ്പോര്‍ട്സ് കൗണ്‍സില്‍ സംസ്ഥാന വൈസ് പ്രസിഡന്റ് ഒ കെ വിനീഷ്, കേരള സ്റ്റേറ്റ് അമേച്വര്‍ ബോക്സിംഗ് അസോസിയേഷന്‍ സംസ്ഥാന പ്രസിഡന്റ് ഡോ. എന്‍ കെ സൂരജ് തുടങ്ങിയവര്‍ ചടങ്ങില്‍ പങ്കെടുത്തു.


(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം  )

Keywords:  Kerala, News, Kannur, Boxing, National, World, Sports, National Women Boxing Championship: Theme Song released