ലോകകപ്പ് 2026: തീപാറും ക്വാർട്ടർ പോരിന് കളമൊരുങ്ങുന്നു; മെസി x റൊണാൾഡോ പോരാട്ട സാധ്യത

ന്യൂയോർക്ക്: (KVARTHA) 2026ൽ അമേരിക്ക, കാനഡ, മെക്‌സിക്കോ എന്നീ രാജ്യങ്ങൾ സംയുക്തമായി ആതിഥേയത്വം വഹിക്കുന്ന ലോകകപ്പിൻ്റെ മത്സരക്രമം ഫിഫ പ്രഖ്യാപിച്ചു. വാഷിംഗ്‌ടണിലെ കെന്നഡി സെന്ററിൽ നടന്ന ചടങ്ങിലാണ് 12 ഗ്രൂപ്പുകളിലായി 48 ടീമുകൾ മാറ്റുരയ്ക്കുന്ന വിശ്വമേളയുടെ നറുക്കെടുപ്പ് പൂർത്തിയാക്കിയത്. ടൂർണമെൻ്റിലെ ആദ്യത്തെ വമ്പൻ മത്സരം ഗ്രൂപ്പ് സിയിലെ ബ്രസീൽ-മൊറോക്കോ പോരാട്ടമായിരിക്കും. അതേസമയം, ഇത്തവണത്തെ ലോകകപ്പിലെ ഏറ്റവും വലിയ ആകാംഷ, കാൽപന്തുകളിലെ ഇതിഹാസങ്ങളായ ലയണൽ മെസിയും ക്രിസ്റ്റ്യാനോ റൊണാൾഡോയും നേർക്കുനേർ വരുമോ എന്നതാണ്.

Argentina and Portugal could meet in the quarter-finals of the 2026 World Cup.

A final showdown for Lionel Messi and Cristiano Ronaldo on football's grandest stage?

[@will_jeanes] pic.twitter.com/krBxm2OglW

— The Athletic | Football (@TheAthleticFC) December 5, 2025

മെസി-റൊണാൾഡോ പോരാട്ട സാധ്യത

ക്വാർട്ടർ ഫൈനലിൽ നിലവിലെ ചാമ്പ്യൻമാരായ അർജൻ്റീനയും പോർച്ചുഗലും ഏറ്റുമുട്ടാനുള്ള സാധ്യതയാണ് മത്സരക്രമം നൽകുന്നത്. അർജൻ്റീന ഗ്രൂപ്പ് ജെ യിലാണ് ഉൾപ്പെട്ടത്. അൾജീരിയ, ഓസ്ട്രിയ, ആദ്യമായി ലോകകപ്പിനെത്തുന്ന ജോർദാൻ എന്നിവരാണ് ലയണൽ സ്കലോനിയുടെ സംഘത്തിൻ്റെ എതിരാളികൾ. ഗ്രൂപ്പ് ഘട്ടത്തിൽ വലിയ വെല്ലുവിളികളില്ലാത്തതിനാൽ ഗ്രൂപ്പ് ജേതാക്കളായി അടുത്ത റൗണ്ടുകളായ റൗണ്ട് ഓഫ് 32, പ്രീക്വാർട്ടർ എന്നിവയിലേക്ക് മുന്നേറാൻ അർജൻ്റീനയ്ക്ക് എല്ലാ സാധ്യതയുമുണ്ട്.

അതുപോലെ, ക്രിസ്റ്റ്യാനോ റൊണാൾഡോയുടെ പോർച്ചുഗൽ ഗ്രൂപ്പ് കെ യിലാണ് ഇടം നേടിയത്. കൊളംബിയ, ഉസ്ബെക്കിസ്ഥാൻ എന്നിവർക്ക് പുറമെ ഒരു പ്ലേഓഫ് ടീം കൂടിയാണ് പോർച്ചുഗലിൻ്റെ ഗ്രൂപ്പിലുള്ളത്. കോപ്പ അമേരിക്ക ഫൈനലിസ്റ്റുകളായ കൊളംബിയയാണ് പോർച്ചുഗലിൻ്റെ ഗ്രൂപ്പിലെ പ്രധാന വെല്ലുവിളി. എന്നാൽ, ഗ്രൂപ്പ് ചാമ്പ്യന്മാരായി മുന്നേറാൻ പോർച്ചുഗലിനും സാധ്യതകളേറെയാണ്. ഇത്തരത്തിൽ അർജൻ്റീനയും പോർച്ചുഗലും ഗ്രൂപ്പ് ഘട്ടം ഒന്നാമതായി അവസാനിപ്പിച്ച് നോക്കൗട്ട് മത്സരങ്ങളിലും വിജയം നേടിയാൽ, ക്വാർട്ടർ ഫൈനലിൽ ഇരുവരും ലോകകപ്പ് വേദിയിൽ ആദ്യമായി നേർക്കുനേർ വരും. ഇരുവരുടേയും കരിയറിലെ അവസാന ലോകകപ്പ് മത്സരം പോലും ഈ ക്വാർട്ടർ ഫൈനലായി മാറിയേക്കാം.

The World Cup draw for Messi and Ronaldo 🐐🐐

And if they both win their groups, they could be on a collision course to meet in the quarterfinals... pic.twitter.com/INiN8RvnKj

— B/R Football (@brfootball) December 5, 2025

മറ്റു ഗ്രൂപ്പുകളിലെ തീപാറും പോരാട്ടങ്ങൾ

നിലവിൽ മരണഗ്രൂപ്പ് എന്ന് പറയാൻ പാകത്തിലൊന്നില്ലെങ്കിലും ചില ഗ്രൂപ്പുകളിലെ പോരാട്ടങ്ങൾ കടുപ്പമേറിയതാകും. ഖത്തർ ലോകകപ്പിലെ മൊറോക്കോയുടെ പ്രകടനം വിസ്മരിക്കാനാവില്ല; അതുകൊണ്ട് തന്നെ ഗ്രൂപ്പ് സി യിൽ ബ്രസീൽ, മൊറോക്കോ, സ്കോട്ട്ലൻഡ്, ഹെയ്തി എന്നിവർ തമ്മിലുള്ള പോര് ശക്തമായിരിക്കും. നേഷൻസ് ലീഗിൽ പോർച്ചുഗലിനെ സമനിലയിൽ തളച്ച സ്കോട്ട്ലൻഡ് ബ്രസീലിനും വെല്ലുവിളിയാകാൻ സാധ്യതയുണ്ട്.

തുടർച്ചയായ മൂന്നാം ഫൈനൽ ലക്ഷ്യമിട്ടാണ് ഫ്രാൻസ് എത്തുക. 2002 ഗ്രൂപ്പ് ഘട്ടത്തിൽ ഫ്രാൻസിനെ അട്ടിമറിച്ച സെനഗൽ, നോർവെ എന്നിവർ ഉൾപ്പെട്ട ഗ്രൂപ്പ് ഐ (I) പോരാട്ടങ്ങൾ കടുപ്പമുള്ളതാക്കും. 2018 സെമി ഫൈനലിൻ്റെ ആവർത്തനമായി ഗ്രൂപ്പ് എൽ (L) ഇംഗ്ലണ്ടും ക്രൊയേഷ്യയും തമ്മിലുള്ള സൂപ്പർ പോരാട്ടത്തിന് വേദിയാകും. ഒന്നിനെതിരെ രണ്ട് ഗോളുകൾക്കായിരുന്നു അന്ന് ക്രൊയേഷ്യ ഇംഗ്ലണ്ടിനെ പരാജയപ്പെടുത്തിയത്. ജർമനിക്ക് ഐവറി കോസ്റ്റിനേയും ഇക്വഡോറിനേയും മറികടക്കേണ്ടതുണ്ട്.

ഗ്രൂപ്പുകൾ ഒറ്റനോട്ടത്തിൽ

• ഗ്രൂപ്പ് A: മെക്സിക്കോ, സൗത്ത് കൊറിയ, സൗത്ത് ആഫ്രിക്ക, യുവേഫ പ്ലേഓഫ് D
• ഗ്രൂപ്പ് B: കാനഡ, സ്വിറ്റ്സർലൻഡ്, ഖത്തർ, യുവേഫ പ്ലേഓഫ് A
• ഗ്രൂപ്പ് C: ബ്രസീൽ, മൊറോക്കോ, സ്കോട്ട്ലൻഡ്, ഹെയ്തി
• ഗ്രൂപ്പ് D: യുണൈറ്റഡ് സ്റ്റേറ്റ്സ്, ഓസ്ട്രേലിയ, പരാഗ്വേ, യുവേഫ പ്ലേഓഫ് C
• ഗ്രൂപ്പ് E: ജർമ്മനി, ഇക്വഡോർ, ഐവറി കോസ്റ്റ്, കുറക്കാവോ
• ഗ്രൂപ്പ് F: നെതർലാൻഡ്സ്, ജപ്പാൻ, ടുണീഷ്യ, യുവേഫ പ്ലേഓഫ് B
• ഗ്രൂപ്പ് G: ബെൽജിയം, ഇറാൻ, ഈജിപ്ത്, ന്യൂസിലാൻഡ്
• ഗ്രൂപ്പ് H: സ്പെയിൻ, ഉറൂഗ്വേ, സൗദി അറേബ്യ, കേപ് വെർഡെ
• ഗ്രൂപ്പ് I: ഫ്രാൻസ്, സെനഗൽ, നോർവേ, ഫിഫ 2
• ഗ്രൂപ്പ് J: അർജന്റീന, അൾജീരിയ, ഓസ്ട്രിയ, ജോർദാൻ
• ഗ്രൂപ്പ് K: പോർച്ചുഗൽ, കൊളംബിയ, ഉസ്ബെക്കിസ്ഥാൻ, ഫിഫ 1
• ഗ്രൂപ്പ് L: ഇംഗ്ലണ്ട്, ക്രൊയേഷ്യ, പനാമ, ഘാന

ഫിഫ സമാധാന പുരസ്‌കാരം

മത്സരക്രമം പ്രഖ്യാപിച്ച ചടങ്ങിൽ വെച്ച് അമേരിക്കൻ പ്രസിഡൻ്റ് ഡൊണാൾഡ് ട്രംപിന് പ്രഥമ ഫിഫ സമാധാന പുരസ്‌കാരം സമ്മാനിച്ചു.

ഈ ലോകകപ്പിൽ നിങ്ങൾ ഏറ്റവും കൂടുതൽ കാത്തിരിക്കുന്ന മത്സരം ഏതാണ്? കമൻ്റ് ചെയ്ത് സുഹൃത്തുക്കളുമായി പങ്കുവെക്കുക.

Article Summary: FIFA World Cup 2026 draw sets up a potential Messi-Ronaldo quarter-final clash.

#MessiRonaldo #WorldCup2026 #FIFAWorldCup #Argentina #Portugal #Brazil