Football | ലയണൽ മെസി ചരിത്രം സൃഷ്ടിച്ചു; 800 ഗോളുകൾ മാത്രമല്ല, ക്രിസ്റ്റ്യാനോ റൊണാൾഡോയുടെ ഈ ലോക റെക്കോർഡും തകർത്തു! വീഡിയോ

 


ADVERTISEMENT

ബ്യൂണസ് അയേഴ്സ്: (www.kvartha.com) വ്യാഴാഴ്ച രാത്രി പനാമയ്ക്കെതിരായ സൗഹൃദ മത്സരത്തിൽ അർജൻ്റീന മികച്ച വിജയമാണ് നേടിയത്. എതിരില്ലാത്ത രണ്ടു ഗോളുകൾക്കായിരുന്നു അർജൻ്റീനയുടെ ജയം. തിയാഗോ അൽമാഡോ, ലയണൽ മെസി എന്നിവരാണ് അർജൻ്റീനയ്ക്ക് വേണ്ടി ഗോളടിച്ചത്. ഈ ഒരു ഗോളോടെ ലയണൽ മെസി ചരിത്രവും സൃഷ്ടിച്ചു. ഇത് താരത്തിന്റെ കരിയറിലെ 800-ാം ഗോളായിരുന്നു.

Football | ലയണൽ മെസി ചരിത്രം സൃഷ്ടിച്ചു; 800 ഗോളുകൾ മാത്രമല്ല, ക്രിസ്റ്റ്യാനോ റൊണാൾഡോയുടെ ഈ ലോക റെക്കോർഡും തകർത്തു! വീഡിയോ

ഇതുവരെ ഏറ്റവും വേഗത്തിൽ ഈ നേട്ടം കൈവരിക്കുന്ന ഫുട്‌ബോൾ താരമെന്ന റെക്കോർഡ് പോർച്ചുഗലിന്റെ ക്രിസ്റ്റ്യാനോ റൊണാൾഡോയുടെ കയ്യിലായിരുന്നു. റൊണാൾഡോ തന്റെ 800-ാം ഗോൾ നേടിയത് 1095 മത്സരങ്ങളിൽ നിന്നാണ്. എന്നാൽ മെസിക്ക് റൊണാൾഡോയെക്കാൾ 77 മത്സരങ്ങൾ കുറവിൽ ഈ നേട്ടം കൈവരിക്കാനായി. 1018-ാം മത്സരത്തിലാണ് മെസി ചരിത്രം തിരുത്തിയത്.

അർജന്റീനയ്ക്ക് വേണ്ടി ഇത് മെസിയുടെ 99-ാം ഗോളായിരുന്നു. തന്റെ മുൻ ക്ലബായ ബാഴ്‌സലോണയ്ക്ക് വേണ്ടിയാണ് താരം ഏറ്റവും കൂടുതൽ ഗോളുകൾ നേടിയത്, 672 ഗോളുകൾ. പിഎസ്ജിക്ക് വേണ്ടി 29 ഗോളുകളും നേടിയിട്ടുണ്ട്. പനാമയ്‌ക്കെതിരെ 89-ാം മിനിറ്റിൽ ഫ്രീ കിക്കിലൂടെയാണ് മെസി തന്റെ 800-ാം ഗോൾ പൂര്‍ത്തിയാക്കിയത്.


ഫിഫ ലോകകപ്പ് നേടിയതിന് ശേഷമുള്ള അർജന്റീനയുടെ ആദ്യ അന്താരാഷ്ട്ര മത്സരമായിരുന്നു ഇത്. ബ്യൂണസ് അയേഴ്സിലെ 84000 പേരെ ഉൾക്കൊള്ളാവുന്ന സ്റ്റേഡിയം കാണികളെക്കൊണ്ട് നിറഞ്ഞിരുന്നു. ലോകകപ്പ് ട്രോഫി കാണിച്ച് അർജന്റീനയും ആരാധകരെ അഭിവാദ്യം ചെയ്തു.

Keywords: Lionel Messi, Cristiano Ronaldo, Record, Football, Football Player, Sports, Entertainment, Argentina, World Cup, International, World, News, Top-Headlines,  Lionel Messi breaks Cristiano Ronaldo record.
< !- START disable copy paste -->
Aster_MIMS
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം. അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന നിയമനടപടികൾ നേരിടേണ്ടിവന്നേക്കാം.
Web Desk Hub
Web Desk Hub

154168 Articles

Tags

Share this story

wellfitindia