കളിക്കളങ്ങൾ മുതൽ സ്റ്റേഡിയങ്ങൾ വരെ; കായിക മേഖലയിൽ റെക്കോർഡ് നേട്ടങ്ങളെന്ന് മന്ത്രി 

പഴയങ്ങാടി: (KVARTHA) സംസ്ഥാനത്തെ കായിക മേഖലയുടെ അടിസ്ഥാന സൗകര്യ വികസനത്തിനായി കഴിഞ്ഞ ഒൻപത് വർഷത്തിനിടെ 3500 കോടി രൂപ ചെലവഴിച്ചതായി കായിക മന്ത്രി വി. അബ്ദുറഹിമാൻ പറഞ്ഞു. 

മാടായി ബോയ്സ് വൊക്കേഷണൽ ഹയർ സെക്കൻഡറി സ്കൂളിലെ പുതിയ കളിക്കളത്തിന്‍റെ നിർമാണോദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.

കഴിഞ്ഞ ഒൻപത് വർഷത്തിനിടെ സംസ്ഥാനത്തെ കളിക്കളങ്ങളുടെയും സ്റ്റേഡിയങ്ങളുടെയും എണ്ണത്തിൽ വലിയ വർധനവുണ്ടായി. ജില്ലയിൽ മൂന്ന് സിന്തറ്റിക് സ്റ്റേഡിയങ്ങൾ നിർമിച്ചു. തലശ്ശേരിയിൽ മികച്ച കായിക സമുച്ചയം സജ്ജമാക്കുകയും മട്ടന്നൂരിലും കൂത്തുപറമ്പിലും സ്റ്റേഡിയങ്ങൾ പൂർത്തിയാക്കുകയും ചെയ്തു. 

കൂടാതെ, തളിപ്പറമ്പ് മണ്ഡലത്തിൽ 55 കോടിയുടെ പുതിയ സ്റ്റേഡിയം നിർമിക്കാൻ ഒരുങ്ങുകയാണെന്നും മന്ത്രി കൂട്ടിച്ചേർത്തു. കായിക പഠനം പാഠ്യപദ്ധതിയിൽ ഉൾപ്പെടുത്തി പരിശീലനം നൽകുന്നതിലൂടെ അന്താരാഷ്ട്ര നിലവാരമുള്ള കായിക താരങ്ങളെ വളർത്തിയെടുക്കുകയാണ് സർക്കാർ ലക്ഷ്യം. 

കായിക താരങ്ങളുടെ വിവരങ്ങൾ ഡിജിറ്റലായി സൂക്ഷിക്കുന്ന ഇ-സർട്ടിഫിക്കറ്റ് സംവിധാനം നടപ്പാക്കുന്നതോടെ കായിക മേഖലയിൽ കൂടുതൽ സുതാര്യത കൊണ്ടുവരാൻ കഴിയുമെന്നും മന്ത്രി പറഞ്ഞു.

കായിക വകുപ്പിന്റെ നേതൃത്വത്തിൽ 1.5 കോടി രൂപ ചെലവഴിച്ചാണ് മാടായി ഗവ. ബോയ്‌സ് ഹയർ സെക്കൻഡറി സ്കൂളിലെ പാളയം ഗ്രൗണ്ടിൽ ആധുനിക സ്റ്റേഡിയം നിർമിക്കുന്നത്.

എം. വിജിൻ എം.എൽ.എ അധ്യക്ഷനായി. ജില്ലാ പഞ്ചായത്ത് പ്രസിഡന്റ് അഡ്വ. കെ.കെ. രത്നകുമാരി മുഖ്യാതിഥിയായിരുന്നു. സ്പോർട്സ് കേരള ഫൗണ്ടേഷൻ എക്സിക്യൂട്ടീവ് എൻജിനീയർ എ.പി.എം. മുഹമ്മദ് അഷ്‌റഫ് റിപ്പോർട്ട് അവതരിപ്പിച്ചു. കല്യാശ്ശേരി ബ്ലോക്ക് പഞ്ചായത്ത് പ്രസിഡന്റ് പി.പി. ഷാജിർ, ഏഴോം പഞ്ചായത്ത് പ്രസിഡന്റ് പി. ഗോവിന്ദൻ, ജില്ലാപഞ്ചായത്ത് അംഗം സി.പി. ഷിജു, ഗ്രാമപഞ്ചായത്ത് അംഗം മണി പവിത്രൻ, ബി.പി.സി. എം.വി. വിനോദ് കുമാർ, മാടായി എ.ഇ.ഒ. ഡോ. കെ.കെ.പി. സംഗീത, പ്രിൻസിപ്പൽ ഡോ. പി. ഷീജ, പ്രൊഫ. ബി. മുഹമ്മദ് അഹമ്മദ്, ഇ.പി. ഹേമചന്ദ്രൻ, യു. സജിത്ത് കുമാർ, എച്ച്.എം.എം. ഹൈമ ടീച്ചർ, വി. വിനോദ്, എം.പി. ഉണ്ണികൃഷ്ണൻ, സ്കൂൾ ലീഡർ ഋതിക സജിത്ത്, ലിബിൻ അജയഘോഷ് എന്നിവർ സംസാരിച്ചു.

കേരളത്തിലെ കായിക വികസനത്തെക്കുറിച്ചുള്ള ഈ വാർത്ത നിങ്ങളുടെ കൂട്ടുകാരുമായി ഷെയർ ചെയ്ത് അഭിപ്രായം അറിയിക്കൂ.

Article Summary: Kerala government invests 3500 crore in sports infrastructure.

#KeralaSports #SportsDevelopment #KeralaGovernment #VAbdurahiman #Kannur #Madayi