കണ്ണൂർ ബീച്ച് റൺ ഞായറാഴ്ച; പയ്യാമ്പലത്ത് കായിക മാമാങ്കം

കണ്ണൂർ: (KVARTHA) നോർത്ത് മലബാർ ചേംബർ ഓഫ് കോമേഴ്‌സ് സംഘടിപ്പിക്കുന്ന ഒൻപതാമത് കണ്ണൂർ ബീച്ച് റൺ ഫെബ്രുവരി ഒന്നിന് നടക്കുമെന്ന് സംഘാടകർ കണ്ണൂർ പ്രസ് ക്ലബ്ബിൽ വാർത്താസമ്മേളനത്തിൽ അറിയിച്ചു. ഞായറാഴ്‌ച്ച രാവിലെ അഞ്ചുമണിക്ക് പയ്യാമ്പലം പാർക്കിൽ നിന്ന് ആരംഭിക്കുന്ന ബീച്ച് റൺ തിരിച്ച് പാർക്കിൽ തന്നെ സമാപിക്കും.

നാല് കാറ്റഗറികളിലായാണ് ബീച്ച് റൺ സംഘടിപ്പിക്കുന്നത്. ഒളിമ്പ്യനും 1500 മീറ്റർ ഓട്ടത്തിൽ ദേശീയ റെക്കോർഡ് ജേതാവുമായ ഇന്ത്യൻ അത്‌ലറ്റ് ജിൻസൺ ജോൺസനാണ് ഈ വർഷത്തെ കണ്ണൂർ ബീച്ച് റണ്ണിന്റെ ബ്രാൻഡ് അംബാസിഡർ.

സമ്മാനത്തുകകൾ 

വിജയികൾക്ക് ആകർഷകമായ സമ്മാനങ്ങളാണ് ഏർപ്പെടുത്തിയിരിക്കുന്നത്.

● 21 കി.മീറ്റർ വിഭാഗം: ഒന്നാം സ്ഥാനം: 1,30,000 രൂപ, രണ്ടാം സ്ഥാനം: 85,000 രൂപ, മൂന്നാം സ്ഥാനം: 40,000 രൂപ.

● വെറ്ററൻ വിഭാഗം: ഒന്നാം സ്ഥാനം: 20,000 രൂപ, രണ്ടാം സ്ഥാനം: 10,000 രൂപ.

പരിപാടിയോടനുബന്ധിച്ച് ഡൽഹി സാൽസ ക്ലബ്ബിലെ സമീർ സദേവ നയിക്കുന്ന സൂംബാ ഡാൻസ് രാവിലെ 5.15-ന് ഡി.ടി.പി.സി പാർക്കിൽ നടക്കും.

വാർത്താസമ്മേളനത്തിൽ നോർത്ത് മലബാർ ചേംബർ ഓഫ് കോമേഴ്‌സ് പ്രസിഡൻ്റ് സച്ചിൻ സൂര്യകാന്ത്, വൈസ് പ്രസിഡന്റ് ഹനീഷ് കെ. വാണിയങ്കണ്ടി, ഓണററി സെക്രട്ടറി സി. അനിൽ കുമാർ, ജോയിന്റ് സെക്രട്ടറി എ.കെ റഫീഖ്, കെ. നാരായണൻ കുട്ടി എന്നിവർ പങ്കെടുത്തു.

ഈ വാർത്ത വാട്സ്ആപ്പ് ഗ്രൂപ്പുകളിലും ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: The 9th Kannur Beach Run organized by the North Malabar Chamber of Commerce will be held on Sunday, February 1, starting from Payyambalam Park. Olympian Jinson Johnson is the brand ambassador.

#KannurBeachRun #Kannur #Marathon #JinsonJohnson #Fitness #KeralaSports #Payyambalam