Second T20 | ന്യൂസിലന്‍ഡിനെതിരെ രണ്ടാം ടി20യില്‍ ഇന്‍ഡ്യക്ക് മികച്ച സ്‌കോര്‍; സൂര്യകുമാര്‍ യാദവിന് സെഞ്ചുറി

മഴ ഇടയ്ക്ക് തടസപ്പെടുത്തിയ മത്സരത്തില്‍ പതിഞ്ഞ തുടക്കമാണ് ഇന്‍ഡ്യക്ക് ലഭിച്ചത്. ഓപണറായെത്തിയ റിഷഭ് പന്തിന്റെ (6) വികറ്റാണ് ആദ്യം ഇന്‍ഡ്യക്ക് നഷ്ടമായത്. ലോകി ഫെര്‍ഗൂസണാണ് വികറ്റ്. പന്ത് തുടക്കം മുതല്‍ താളം കണ്ടെത്താന്‍ വിഷമിച്ചു. 13 പന്തുകളാണ് താരം നേരിട്ടത്. ഇതില്‍ ഒരു ബൗണ്ടറി മാത്രമാണ് ഇന്‍ഡ്യന്‍ വൈസ് ക്യാപ്റ്റന് നേടാനായത്. ലോകിയെ പുള്‍ ചെയ്യാനുള്ള ശ്രമത്തിലാണ് റിഷഭ് മടങ്ങുന്നത്. പിന്നാലെ സൂര്യകുമാര്‍ ക്രീസിലേക്ക്.

ഇതിനിടെ ഇഷാന്‍ കിഷനും (36) ഭേദപ്പെട്ട പ്രകടനം പുറത്തെടുത്ത് മടങ്ങി. 31 പന്തില്‍ ഒരു സിക്സും അഞ്ച് ഫോറും ഉള്‍പെടുന്നതായിരുന്നു ഇഷാന്റെ ഇന്നിംഗ്സ്. ഇഷ് സോധിയുടെ പന്തില്‍ ടിം സൗതിക്ക് ക്യാച്. നാലാമനായി ക്രീസിലെത്തിയ ശ്രേയസ് അയ്യര്‍ക്കും (13) അധികം ആയുസുണ്ടായിരുന്നില്ല. ലോകിയുടെ പന്തില്‍ ഹിറ്റ് വികറ്റാവുകയായിരുന്നു താരം. എന്നാല്‍ ഒരറ്റത്ത് സൂര്യ പിടിച്ചുനിന്നു. ഏഴ് സിക്സും 11 ഫോറും ഉള്‍പെടുന്നതായിരുന്നു സൂര്യയുടെ ഇന്നിംഗ്സ്.

ഹാര്‍ദിക് പാണ്ഡ്യ (13) പിന്തുണ നല്‍കി. അവസാന ഓവറില്‍ പാണ്ഡ്യ, ദീപക് ഹൂഡ (0), വാഷിംഗ്ടന്‍ സുന്ദര്‍ (0) എന്നിവരെ പുറത്താക്കി സൗതി ഹാട്രിക് പൂര്‍ത്തിയാക്കി. സൂര്യക്കൊപ്പം ഭുവനേശ്വര്‍ കുമാര്‍ (1) പുറത്താവാതെ നിന്നു.

ഇന്‍ഡ്യ: ഇഷാന്‍ കിഷന്‍, റിഷഭ് പന്ത്, സൂര്യകുമാര്‍ യാദവ്, ശ്രേയസ് അയ്യര്‍, ദീപക് ഹൂഡ, ഹാര്‍ദിക് പാണ്ഡ്യ, വാഷിംഗ്ടന്‍ സുന്ദര്‍, ഭുവനേശ്വര്‍ കുമാര്‍, അര്‍ഷ്ദീപ് സിംഗ്, മുഹമ്മദ് സിറാജ്, യൂസ്വേന്ദ്ര ചാഹല്‍.

ന്യൂസിലന്‍ഡ്: ഫിന്‍ അലന്‍, ഡെവോണ്‍ കോണ്‍വെ, കെയ്ന്‍ വില്യംസണ്‍, ഗ്ലെന്‍ ഫിലിപ്സ്, ഡാരില്‍ മിചല്‍, ജയിംസ് നീഷം, മിചല്‍ സാന്റ്നര്‍, ഇഷ് സോഥി, ടിം സൗതി, ആഡം മില്‍നെ, ലോകി ഫെര്‍ഗൂസന്‍.

Keywords: India vs New Zealand: Sensational Suryakumar Yadav smashes second T20 hundred to take India to 191/6, Twenty-20, News, Cricket, Sports, Trending, World.