ഡേവിഡ് ഫെറര്‍ ക്വാര്‍ട്ടര്‍ ഫൈനലില്‍

Channel Group

By KVARTHA Special Desk Sep 6, 2012, 10:27 IST

ന്യൂയോര്‍ക്ക്: സ്പാനിഷ് താരം ഡേവിഡ് ഫെറര്‍ യു എസ് ഓപ്പണിന്റെ ക്വാര്‍ട്ടര്‍ ഫൈനലില്‍ പ്രവേശിച്ചു.ഏഴ് മണിക്കൂറിലേറെ നീണ്ട പ്രീ ക്വാര്‍ട്ടറില്‍ റിച്ചാര്‍ഡ് ഗാസ്‌കറ്റിനെ 7-5, 7-6, 6-4ന് തോല്‍പിച്ചാണ് ഫെറര്‍ മുന്നേറിയത്. സ്പാനിഷ് താരത്തിന്റെ നാലാം ഗ്രാന്‍ഡ് സ്ലാം ക്വാര്‍ട്ടര്‍ പ്രവേശമാണിത്.

മുന്‍ ലോക ഒന്നാം നമ്പര്‍ താരം റഫേല്‍ നദാല്‍ പരുക്കിനെത്തുടര്‍ന്ന് പിന്മാറിയതോടെ യുഎസ് ഓപ്പണില്‍ സ്‌പെയ്‌നെ പ്രതിനിധീകരിക്കുന്ന ഏറ്റവും ഉയര്‍ന്ന റാങ്കുള്ള താരവുമാണ് ഫെറര്‍. ആകെ രണ്ട് മണിക്കൂര്‍ 54 മിനിറ്റായിരുന്നു മത്സരം. എന്നാല്‍ രണ്ട് തവണ മഴ മൂലം മത്സരം നിര്‍ത്തിവച്ചതോടെ ഏഴ് മണിക്കൂറിലേറെ സമയമെടുത്താണ് മത്സരം പൂര്‍ത്തിയാക്കിയത്.

സെര്‍ബിയന്‍ താരം യാങ്കൊ തിപ്‌സറെവിച്ചോ ഫിലിപ്പ് കൊഹില്‍ഷ്രീബറോ ആകും അടുത്ത ഫെററുടെ എതിരാളി. ഇരുവരും തമ്മിലുള്ള മത്സരം മഴയെത്തുടര്‍ന്ന് മാറ്റിവയ്ക്കുകയായിരുന്നു. 2007ല്‍ ഇവിടെ സെമിവരെയെത്തിയിട്ടുള്ള ഫെറര്‍ ഈ സീസണില്‍ മികച്ച ഫോമിലാണ്. ഫെറര്‍ ആകെ അഞ്ച് കിരീടങ്ങള്‍ നേടിയിട്ടുണ്ട് .

Keywords: Sports, Roger Federer, Tennis, Richard Gascat,

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

ഡേവിഡ് ഫെറര്‍ ക്വാര്‍ട്ടര്‍ ഫൈനലില്‍

Tags

Share this story

Featured

Recommended