ഫുട്‍ബോൾ പ്രേമികളിൽ ആവേശം; 'ജൂനിയർ ക്രിസ്റ്റ്യാനോ റൊണാള്‍ഡോ' മാഞ്ചസ്റ്റര്‍ യുനൈറ്റഡില്‍; ഏഴാം നമ്പര്‍ ജേഴ്സി സ്വന്തമാക്കി
Feb 12, 2022, 15:51 IST
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്‍ഹി: (www.kvartha.com 12.02.2022) ക്രിസ്റ്റ്യാനോ റൊണാള്‍ഡോയുടെ മകന്‍ ക്രിസ്റ്റ്യാനോ ജൂനിയര്‍ മാഞ്ചസ്റ്റര്‍ യുണൈറ്റഡുമായി കരാര്‍ ഒപ്പിട്ടു. പിതാവിനെ പോലെ ഏഴാം നമ്പര്‍ കുപ്പായം 11 വയസുള്ള മകനും സ്വന്തമാക്കി. ക്രിസ്റ്റ്യാനോ ജൂനിയര്‍ കരാര്‍ ഒപ്പിട്ട വിവരം ക്രിസ്റ്റ്യാനോ റൊണാള്‍ഡോയുടെ കാമുകി ജോര്‍ജിന റോഡ്രിഗസ് ഇന്‍സ്റ്റാഗ്രാമിലൂടെയാണ് അറിയിച്ചത്. പിതാവ് സീരീസിനായി കളിക്കുമ്പോള്‍ യുവന്റസിന്റെ അകാഡെമി സംവിധാനത്തില്‍ രണ്ട് വര്‍ഷം പരിശീലനം പൂര്‍ത്തിയാക്കിയതിന് ശേഷമാണ് 11 വയസുകാരന്‍ മാഞ്ചസ്റ്റര്‍ യുനൈറ്റഡുമായി കരാര്‍ ഒപ്പിട്ടത്.
റൊണാള്‍ഡോയുടെ മകന്‍ ഈ സീസണില്‍ റെഡ് ഡെവിള്‍സിന്റെ യൂത് ടീമുകളില്‍ കളിക്കും, നെമഞ്ജ മാറ്റികിന്റെ മകനോടൊപ്പം പരിശീലനത്തിലാണ്. റോഡ്രിഗസ് തന്റെ സാമൂഹ്യ മാധ്യമ അകൗണ്ടുകളില്‍ (പോര്‍ചുഗീസില്‍) 'നമ്മുടെ സ്വപ്നങ്ങള്‍ ഒരുമിച്ച് പിന്തുടരുന്നു. അമ്മ നിന്നെ സ്‌നേഹിക്കുന്നു' എന്ന അടിക്കുറിപ്പോടെ കരാര്‍ സ്ഥിരീകരിച്ചു.
'ഞാന്‍ ഒരിക്കലും അവനെ സമ്മര്‍ദത്തിലാക്കില്ല, അവന്‍ ആഗ്രഹിക്കുന്നത് അവന്‍ ചെയ്യും. മക്കള്‍ ആഗ്രഹിക്കുന്നത് അവര്‍ തെരഞ്ഞെടുക്കണം എന്നതാണ്. ഞാന്‍ അവരെ പിന്തുണയ്ക്കും. കൂടാതെ ക്രിസ്റ്റ്യാനോയും മറ്റെല്ലാവരും സന്തുഷ്ടരായിരിക്കാനാണ് ഞാന്‍ ഏറ്റവും കൂടുതല്‍ ആഗ്രഹിക്കുന്നത്' Netflix ഡോക്യു-സീരീസായ ഐആം ജോര്‍ജിനയില്‍ ക്രിസ്റ്റ്യാനോ റൊണാള്‍ഡോ പറഞ്ഞു,
ഏഴാം നമ്പര്‍ ടി ഷര്‍ട് എടുക്കുന്നതിലൂടെ, ക്രിസ്റ്റ്യാനോ റൊണാള്‍ഡോ ജൂനിയര്‍ തന്റെ പിതാവ് ഉള്‍പെടെ നിരവധി മാഞ്ചസ്റ്റര്‍ യുണൈറ്റഡ് ഇതിഹാസങ്ങളുടെ പ്രകടനം ആവര്‍ത്തിക്കുമെന്ന് പ്രതീക്ഷിക്കുന്നു. ജോര്‍ജ് ബെസ്റ്റ്, ബ്രയാന്‍ റോബ്സണ്‍, എറിക് കന്റോണ, ഡേവിഡ് ബെക്കാം എന്നിവരുള്‍പെടെ മികച്ച താരങ്ങള്‍ ഐകണിക് ജേഴ്സി ധരിച്ചിട്ടുണ്ട്.
ഇൻഗ്ലണ്ട്, സ്‌പെയിന്‍, ഇറ്റലി എന്നിവിടങ്ങളില്‍ നിരവധി കിരീടങ്ങള്‍ നേടിയതിനൊപ്പം അഞ്ച് ബാലണ്‍ ഡി ഓറുകളും നേടിയാണ് ലോകത്തിലെ ഏറ്റവും മികച്ച കളിക്കാരില്‍ ഒരാളായി റൊണാള്‍ഡോ തന്റെ പാരമ്പര്യം ഉറപ്പിച്ചത്. മാത്രമല്ല, പോര്‍ചുഗല്‍ ദേശീയ ടീമിനൊപ്പം യൂറോയും നേടി. മകന്‍ ഇപ്പോള്‍ തന്റെ ഫുട്‌ബോള്‍ കരിയറിലെ ആദ്യത്തെ വലിയ ചുവടുവെപ്പ് നടത്തിയതായി താരത്തിന് തോന്നുന്നു.
Keywords: National,newdelhi,News,Top-Headlines,Cristiano Ronaldo,Sports,instagram,England, Spain, Italy, Portugal, Cristiano Ronaldo Jr. Follows Dad's Footsteps, Joins Manchester United & Dons No.7 Shirt.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
