ആറാം ലോകകപ്പിനിറങ്ങാൻ റൊണാൾഡോ; ഹൂസ്റ്റൺ സ്റ്റേഡിയത്തിൽ പോർച്ചുഗലിന് ആദ്യ എതിരാളികൾ കോംഗോ

ഹൂസ്റ്റൺ: (KVARTHA) കിരീട പ്രതീക്ഷയുമായി പറങ്കികൾ തങ്ങളുടെ ആദ്യ മത്സരത്തിന് ഇറങ്ങുന്നു. ഹൂസ്റ്റൺ സ്റ്റേഡിയത്തിൽ അരങ്ങേറുന്ന മത്സരത്തിൽ ഗ്രൂപ്പ് കെയിൽ കോംഗോയാണ് പോർച്ചുഗലിന്റെ എതിരാളികൾ. ജൂൺ 17 ബുധനാഴ്ച രാത്രി 10:30-നാണ് മത്സരം നടക്കുന്നത്. ലോകത്തെമ്പാടുമുള്ള ക്രിസ്റ്റ്യാനോ റൊണാൾഡോ ആരാധകർ വലിയ പ്രതീക്ഷയിലാണ് ഈ ലോകകപ്പിനെ കാണുന്നത്. മികച്ച സ്ക്വാഡുമായാണ് റൊണാൾഡോയും സംഘവും ഇത്തവണ ലോകകപ്പിനെത്തുന്നത്. പ്രായം തളർത്തിയെങ്കിലും റൊണാൾഡോയിൽ ഒരങ്കത്തിന് കൂടിയുള്ള ബാല്യം ബാക്കിയുണ്ടെന്ന് തന്നെയാണ് ഫുട്ബോൾ നിരീക്ഷകർ അഭിപ്രായപ്പെടുന്നത്. തന്റെ ആറാം ലോകകപ്പിനാണ് അദ്ദേഹം ഇറങ്ങുന്നത്.

എതിരാളികളായി ദുർബലരായ കോംഗോ ആണെന്നുള്ളത് പോർച്ചുഗൽ ആരാധകർക്ക് ആത്മവിശ്വാസം പകരുന്നുണ്ട്. മുൻ മത്സരങ്ങളിൽ കുഞ്ഞൻ ടീമുകളുടെ മികച്ച പ്രതിരോധം ഈ ലോകകപ്പിൽ കണ്ടുവെന്നത് ശ്രദ്ധേയമായ കാര്യമാണ്. ഗ്രൂപ്പ് കെയിൽ ഉസ്ബെക്കിസ്ഥാൻ, കൊളംബിയ തുടങ്ങിയവരാണ് പോർച്ചുഗലിന്റെ മറ്റ് എതിരാളികൾ. ശക്തമായ മധ്യനിരയാണ് പോർച്ചുഗലിന്റെ ഏറ്റവും വലിയ കരുത്ത്. ഈ ടൂർണമെന്റിലെ ഏറ്റവും മികച്ച മധ്യനിരയുള്ള ടീമുമായാണ് പോർച്ചുഗൽ കളിക്കാനിറങ്ങുന്നത്. വിറ്റിഞ്ഞ, ബ്രൂണോ ഫെർണാണ്ടസ്, ജാവോ നെവെസ്, ബെർണാർഡോ സിൽവ അടങ്ങിയ മധ്യനിര വളരെ കരുത്തുറ്റതാണ്. ഫ്രഞ്ച് വമ്പന്മാരായ പിഎസ്ജിയെ ചാമ്പ്യൻസ് ലീഗ് വിജയികളാക്കിയാണ് വിറ്റിഞ്ഞയും ജാവോ നെവെസും എത്തുന്നത്.

മിഡ്ഫീൽഡിൽ എണ്ണയിട്ട യന്ത്രം പോലെ പ്രവർത്തിക്കുന്ന വിറ്റിഞ്ഞ തന്നെയായിരുന്നു ചാമ്പ്യൻസ് ലീഗ് ഫൈനലിലെ പ്ലെയർ ഓഫ് ദി മാച്ച്. പിഎസ്ജി താരം ജാവോ നെവെസും ഗംഭീര സീസണിന് പിന്നാലെയാണ് ലോകകപ്പിനിറങ്ങുന്നത്. പ്രീമിയർ ലീഗിൽ ഒരു സീസണിലെ ഏറ്റവും കൂടുതൽ അസിസ്റ്റുകളും പ്ലെയർ ഓഫ് ദി സീസൺ പുരസ്കാരവും നേടി ബ്രൂണോ ഫെർണാണ്ടസ് ഇത്തവണ മിന്നും ഫോമിലാണ്. ഇതിനൊപ്പം ബെർണാർഡോ സിൽവയുമുണ്ട്. തോറ്റുനിൽക്കുന്ന കളികളിൽ പോലും അയാൾക്കുള്ള ടീം സ്പിരിറ്റും വിന്നിങ് മെന്റാലിറ്റിയും ടീമിന് തീർച്ചയായും ഗുണം ചെയ്യും.

ഇതിന് പുറമെ ഫുൾ ബാക്ക് നുനോ മെൻഡസിന്റെ സാന്നിധ്യവും ടീമിന് നൽകുന്ന പ്രതീക്ഷ ചെറുതല്ല. റൊണാൾഡോയ്ക്ക് കൃത്യമായ പാസുകളിലൂടെ പന്തെത്തിക്കാനായാൽ പോർച്ചുഗൽ വലിയ മുന്നേറ്റം തന്നെ ഇത്തവണ സൃഷ്ടിക്കുമെന്ന് ഉറപ്പാണ്. അവസരങ്ങൾ തുലയ്ക്കാതെ രാജ്യത്തിന് വേണ്ടി റൊണാൾഡോ ഫോമിലേക്ക് ഉയരും എന്ന് തന്നെയാണ് ആരാധകർ പ്രതീക്ഷിക്കുന്നത്.

കായിക ലോകത്തെ വാർത്തകളും വിശേഷങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ  ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: Portugal, led by Cristiano Ronaldo in his sixth World Cup, faces Congo in their Group K opener at Houston Stadium on Wednesday night. Boasting a formidable midfield including Vitinha, Bruno Fernandes, Joao Neves, and Bernardo Silva, the team aims to capitalize on their strong squad and secure a powerful start to the tournament.

#CristianoRonaldo #PortugalFootball #WorldCup2026 #GroupK #HoustonStadium #MalayalamSportsNews #AnjanaNews