ന്യൂസിലാന്‍ഡ് മുന്‍ ക്രികെറ്റ് താരം ക്രിസ് കെയിന്‍സ് ഗുരുതരാവസ്ഥയിലെന്ന് റിപോര്‍ട്
Aug 10, 2021, 19:26 IST
കാന്‍ബറ: (www.kvartha.com 10.08.2021) ന്യൂസിലാന്‍ഡ് മുന്‍ ക്രികെറ്റ് താരം ക്രിസ് കെയിന്‍സ് ഗുരുതരാവസ്ഥയിലെന്ന് റിപോര്‍ട്. ന്യൂസിലാന്‍ഡ് ഹെറാള്‍ഡ് ആണ് ഇതുസംബന്ധിച്ച വാര്‍ത്ത റിപോര്‍ട് ചെയ്തത്. ആസ്‌ട്രേലിയന്‍ തലസ്ഥാനമായ കാന്‍ബറയില്‍ വെച്ച് കഴിഞ്ഞ ആഴ്ചയില്‍ കെയിന്‍സ് കുഴഞ്ഞുവീഴുകയായിരുന്നുവെന്നും തുടര്‍ന്ന് ആസ്‌ട്രേലിയയിലെ ആശുപത്രിയില്‍ ഗുരുതരാവസ്ഥയില്‍ തുടരുകയാണെന്നും താരത്തെ ഉടന്‍ സിഡ്‌നിയിലെ സ്‌പെഷ്യല്‍ ആശുപത്രിയിലേക്ക് മാറ്റുമെന്നും റിപോര്‍ടില്‍ പറയുന്നു.
51കാരനായ ക്രിസ് കെയിന്‍സ് ഇതിനോടകം തന്നെ നിരവധി ശസ്ത്രക്രിയകള്‍ക്ക് വിധേയനായെങ്കിലും ചിക്തസയോട് അനുകൂലമായി പ്രതികരിക്കുന്നില്ലെന്നാണ് വിവരം. ഏകദിന ക്രികെറ്റിലെ എക്കാലത്തേയും മികച്ച ആള്‍റൗന്‍ഡര്‍മാരിലൊരാളായി കരുതുന്ന കെയിന്‍സ് 215 ഏകദിനങ്ങളിലും 62 ടെസ്റ്റുകളിലും ന്യൂസിലാന്‍ഡിനായി കളത്തിലിറങ്ങിയിട്ടുണ്ട്.
2006ലാണ് കെയിന്‍സ് വിരമിച്ചത്. തുടര്‍ന്ന് ഇന്‍ഡ്യന്‍ ക്രികെറ്റ് ലീഗില്‍ കളിച്ച കെയിന്‍സ് വാതുവെപ്പ് വിവാദത്തില്‍ അകപ്പെട്ടിരുന്നു. സാമ്പത്തികമായി ഏറെ ബുദ്ധിമുട്ടുകള്‍ നേരിട്ട കെയിന്‍സ് ബസ് ക്ലീനിങ് ജോലിചെയ്യുന്ന വാര്‍ത്തകള്‍ പുറത്ത് വന്നിരുന്നു.
Keywords: Chris Cairns on life support after collapsing in Australia: Report, Australia, News, Report, Cricket, Sports, Hospital, Treatment, World.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
