ഇന്സ്റ്റഗ്രാം വീഡിയോയില് ജാതീയമായ പരാമര്ശം നടത്തിയെന്ന് പരാതി; മുന് ഇന്ഡ്യന് ക്രികെറ്റ് താരം യുവരാജ് സിങ്ങിനെ അറസ്റ്റ് ചെയ്ത് ജാമ്യത്തില് വിട്ടെന്ന് റിപോര്ട്
Oct 18, 2021, 08:31 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ഛണ്ഡീഗഢ്: (www.kvartha.com 18.10.2021) ജാതീയ പരാമര്ശം നടത്തിയെന്ന പരാതിയില് മുന് ഇന്ഡ്യന് ക്രികെറ്റ് താരം യുവരാജ് സിങ്ങിനെ അറസ്റ്റ് ചെയ്ത് ജാമ്യത്തില് വിട്ടെന്ന് റിപോര്ട്. ഇന്സ്റ്റഗ്രാം വീഡിയോയില് ഇന്ഡ്യന് താരം യൂസ്വേന്ദ്ര ചഹലിനെതിരെ ജാതീയ പരാമര്ശം നടത്തിയെന്നാണ് പരാതി. പരാതിയില് അന്വേഷണം പുരോഗമിക്കുകയാണെന്നും ഹരിയാന പൊലീസ് പറഞ്ഞു.
കോടതി ഉത്തരവിനെ തുടര്ന്ന് യുവരാജിനെ അറസ്റ്റ് ചെയ്തെന്നും ഇടക്കാല ജാമ്യത്തില് വിട്ടെന്നും ഹരിയാന സീനിയര് പൊലീസ് ഓഫിസര് നികിത ഗെഹ്ലോട് പറഞ്ഞു. യുവരാജ് സുരക്ഷാ ജീവനക്കാരടക്കമുള്ള സഹായികള്ക്കൊപ്പം ഹിസാര് പൊലീസിന് മുന്നില് ഹാജരായെന്ന് മാധ്യമങ്ങള് റിപോര്ട് ചെയ്തു. അതേസമയം, താരത്തെ അറസ്റ്റ് ചെയ്തിട്ടില്ലെന്നാണ് അദ്ദേഹത്തിന്റെ സഹായി ശസ്മീന് കാര പറയുന്നത്.
2020 ജൂണിലാണ് പരാതിക്കടിസ്ഥാനമായ സംഭവമുണ്ടായത്. ചഹലിന്റെ ടിക് ടോക് വീഡിയോകളെക്കുറിച്ച് ഇന്സ്റ്റഗ്രാമില് രോഹിത് ശര്മയും യുവരാജും സംസാരിക്കവെ യുവരാജ് ജാതീയ പരാമര്ശം നടത്തിയെന്നാണ് ആരോപണം. പരാമര്ശത്തില് യുവരാജ് നേരത്തെ ഖേദം പ്രകടിപ്പിച്ചിരുന്നു. അബദ്ധത്തില് സംഭവിച്ച പരാമര്ശമാണെന്നും ആര്ക്കെങ്കിലും വേദനയുണ്ടായെങ്കില് ക്ഷമ ചോദിക്കുന്നുവെന്നുമാണ് യുവരാജ് പറഞ്ഞത്.
സംഭവത്തില് ഹരിയാനയിലെ ദലിത് ആക്ടിവിസ്റ്റാണ് യുവരാജിനെതിരെ പരാതിയുമായി മുന്നോട്ടുപോയത്. തുടര്ന്ന് കേസില് എഫ് ഐ ആര് രെജിസ്റ്റര് ചെയ്തു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
