ബ്ലാസ്റ്റേര്‍സില്‍ അരങ്ങേറ്റം കെങ്കേമമാക്കി നേഗി; ഇന്ത്യന്‍ ഫുട്‌ബോളിന്റെ പുതിയ പ്രതീക്ഷ

കൊച്ചി: (www.kvartha.com 28.01.2018) കേരളാ ബ്ലാസ്റ്റേര്‍സില്‍ തന്റെ അരങ്ങേറ്റം കെങ്കേമമാക്കി ദീപേന്ദ്ര സിംഗ് നേഗി. ഡല്‍ഹിക്കെതിരായ മത്സരത്തില്‍ രണ്ടാം പകുതിയില്‍ ഒരു ഗോളടിച്ച് ബ്ലാസ്റ്റേര്‍സിനെ ഡല്‍ഹിക്കൊപ്പമെത്തിച്ച നേഗി വൈകാതെ ഒരു പെനാല്‍ട്ടിയും നേടിയെടുത്തു. അനായാസം ഹ്യൂം പെനാല്‍ട്ടി സ്‌കോര്‍ ചെയ്തതോടെ നേഗി കളിയില്‍ ബ്ലാസ്‌റ്റേര്‍സിന്റെ കപ്പിത്താനായി മാറി. കളിയിലെ 'ഹീറോ ഓഫ് ദി മാച്ച്' പുരസ്‌കാരവും നേഗിക്കായിരുന്നു.

രണ്ട് വര്‍ഷം മുമ്പ് സ്പാനിഷ് സെഗുണ്ടാ ഡിവിഷനില്‍ സി എഫ് റിയൂസ് എന്ന ക്ലബ്ബിനുവേണ്ടി പന്തുതട്ടിയ ഈ 19കാരന്‍ അണ്ടര്‍-17 ഇന്ത്യന്‍ ടീമിന്റെ ക്യാപ്റ്റന്‍ കൂടിയായിരുന്നു. ഉത്തരാഖണ്ഡിലെ ഒരു ദരിദ്ര കുടുംബത്തിലാണ് നേഗി ജനിച്ചുവളര്‍ന്നത്. കളിയില്‍ മികച്ച നിലവാരം പുലര്‍ത്തുന്ന നേഗി ഇന്ത്യന്‍ ഫുട്‌ബോളിന്റെ ഭാവി വാഗ്ദാനമായി മാറുമെന്ന കാര്യത്തില്‍ സംശയമില്ല.