ഇന്‍ഡ്യന്‍ ക്രികെറ്റ് താരം ജൂലന്‍ ഗോസ്വാമിയാകാനൊരുങ്ങി അനുഷ്‌ക ശര്‍മ; 'ഛക്ദ എക്‌സ്പ്രസ്'നുവേണ്ടി തയ്യാറെടുപ്പുകള്‍ തുടങ്ങി താരം
Feb 25, 2022, 19:49 IST
മുംബൈ: (www.kvartha.com 25.02.2022) ഇന്‍ഡ്യന്‍ വനിതാ ക്രികറ്റ് ടീം ക്യാപ്റ്റന്‍ മിതാലി രാജിന്റെ ജീവിതത്തിന് പുറമെ ഇന്‍ഡ്യന്‍ ക്രികെറ്റ് താരം ജൂലന്‍ ഗോസ്വാമിയുടെ ജീവിതവും സിനിമയായി വെള്ളിത്തിരയിലേക്ക് എത്തുന്നു. ഒരിടവേളയ്ക്ക് ശേഷം മികച്ച കഥാപാത്രമായി തിരിച്ചെത്തുകയാണ് അനുഷ്‌ക ശര്‍മ. ജൂലന്‍ ഗോസ്വാമിയായി അഭിനയിക്കുന്നത് അനുഷ്‌ക ശര്‍മയാണ്.
ഗോസ്വാമിയുടെ ജീവിത കഥ പറയുന്ന 'ഛക്ദ എക്‌സ്പ്രസ്' എന്ന സിനിമയ്ക്കായി തയ്യാറെടുപ്പുകള്‍ തുടങ്ങിയിരിക്കുകയാണ് അനുഷ്‌ക ശര്‍മ. ഇപ്പോഴിതാ ക്രികറ്റ് പന്ത് എറിയുന്നതിന്റെ ഫോടോ പങ്കുവച്ചിരിക്കുകയാണ് താരം.
തയ്യാറെടുപ്പുകള്‍ നടത്തുകയാണ് എന്ന് ഫോടോയ്ക്ക് ക്യാപ്ഷനും എഴുതിയിരിക്കുന്നു. പ്രോസിത് റോയ് ആണ് ചിത്രം സംവിധാനം ചെയ്യുന്നത്. കര്‍ണേഷ് ശര്‍മ നിര്‍മിക്കുന്ന ചിത്രത്തിന്റെ തിരക്കഥ എഴുതുന്നത് അഭിഷേക് ബാനര്‍ജി ആണ്.
'ഛക്ദ എക്‌സ്പ്രസ്' എന്ന സിനിമ പ്രഖ്യാപിച്ചതിന് പിന്നാലെ അനുഷ്‌ക ഒരു വീഡിയോ പുറത്തുവിട്ടിരുന്നു. ഇന്‍ഡ്യന്‍ ക്രികറ്റ് താരം ജൂലന്‍ ഗോസ്വാമിയായി അനുഷ്‌ക ശര്‍മയെ വീഡിയോയില്‍ കാണാമായിരുന്നു. കൂടുതല്‍ വിവരങ്ങളും ചിത്രത്തിന്റേതായി വൈകാതെ പ്രഖ്യാപിക്കുമെന്നുമായിരുന്നു അറിയിച്ചിരുന്നത്.
ജൂലന്‍ ഗോസ്വാമി ലോക ക്രികറ്റിലെ ഏറ്റവും മികച്ച വനിതാ ഫാസ്റ്റ് ബൗളറായിട്ടാണ് അറിയപ്പെട്ടിരുന്നത്. ഐസിസിയുടെ മികച്ച വനിതാ ക്രികറ്റ് താരത്തിനുള്ള അവാര്‍ഡ് ജൂലന്‍ ഗോസ്വാമിക്ക് ലഭിച്ചിട്ടുണ്ട്. ഐസിസിയുടെ വനിതാ ഏകദിന ക്രികറ്റിലെ ബൗളിംഗ് റാങ്കിംഗില്‍ ജൂലന്‍ ഗോസ്വാമി ഒന്നാം സ്ഥാനത്തുമെത്തിയിട്ടുണ്ട്.
മിതാലി രാജായി 'സബാഷ് മിതു' എന്ന ചിത്രത്തില്‍ തപ്‌സിയാണ് നായിക. ശ്രീജിത്ത് മുഖര്‍ജിയാണ് ചിത്രം സംവിധാനം ചെയ്യുന്നത്. സിര്‍ഷ റേ ചിത്രത്തിന്റെ ഛായാഗ്രാഹണം നിര്‍വഹിക്കുന്നു. മിതാലിയുടെ ജീവചരിത്ര സിനിമയില്‍ മറ്റാരൊക്കെ ഏതൊക്കെ കഥാപാത്രകളായിട്ടാണ് എത്തുക എന്ന് വെളിപ്പെടുത്തിയിട്ടില്ല.
വനിതാ ഏകദിന ടെസ്റ്റ് ടീമുകളുടെ ക്യാപ്റ്റനായ മിതാലി രാജ് ഒരുപാട് ആരാധകരുള്ള താരമാണ്. നിലവില്‍ ഇന്‍ഡ്യന്‍ ടീമിന്റെ നെടുംതൂണായ മിതാലി രാജ് അന്താരാഷ്ട്ര വനിതാ ക്രികറ്റില്‍ ഏറ്റവും കൂടുതല്‍ റണ്‍ നേടിയ താരമാണ്. ഏഴായിരം റണ്‍സ് മറികടന്ന അന്താരാഷ്ട്ര ക്രികറ്റിലെ ഒരേയൊരു വനിതാ ക്രികറ്റ് താരവുമാണ് മിതാലി രാജ്.
Keywords: News, National, India, Mumbai, Actress, Sports, Entertainment, Cinema, Anushka Sharma starts prep for 'Chakda Xpress', film based on former Indian cricket captain Jhulan Goswami
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
