എഐ നിർമ്മിത ശബ്ദം; വിവാദ വാട്‌സ്ആപ്പ് കോളിൽ പ്രതികരിച്ച് നടൻ അജ്മൽ അമീർ

കൊച്ചി: (KVARTHA) മലയാളത്തിലും തമിഴിലുമായി ഒട്ടേറെ സിനിമകളിൽ അഭിനയിച്ച് ശ്രദ്ധ നേടിയ നടനാണ് അജ്മൽ അമീർ. തൻ്റേതെന്ന പേരിൽ സമൂഹ മാധ്യമങ്ങളിൽ പ്രചരിച്ച വിവാദ വോയിസ് ചാറ്റ് വ്യാജമാണെന്നും ശബ്ദം എഐ ഉപയോഗിച്ച് നിർമ്മിച്ചതാണെന്നും നടൻ അജ്മൽ അമീർ പ്രതികരിച്ചു. പുറത്തുവന്നത് ഫാബ്രിക്കേറ്റഡ് കഥകളും എഐ വോയ്‌സ് ഇമിറ്റേഷനും ആണെന്നാണ് നടൻ്റെ വിശദീകരണം.

ഒരു പെൺകുട്ടിയുമായി ലൈംഗിക ചുവയോടെ സംസാരിക്കുന്ന രീതിയിലുള്ള ശബ്ദരേഖയാണ് കഴിഞ്ഞ രണ്ട് ദിവസങ്ങളായി സമൂഹ മാധ്യമങ്ങളിൽ വലിയ ചർച്ചയ്ക്ക് വഴിതുറന്നത്. 'എൻ്റെ കാസറ്റ്' എന്ന് പറയുന്ന ഒരു ഇൻസ്റ്റാഗ്രാം പേജിലൂടെയാണ് ഈ വീഡിയോ കോൾ സംഭാഷണം പുറത്തുവന്നത്. ഇതിനെത്തുടർന്ന് അജ്മലിനെ അനുകൂലിച്ചും പ്രതികൂലിച്ചും സോഷ്യൽ മീഡിയയിൽ വലിയ ചർച്ചകൾ സജീവമായിരുന്നു.

View this post on Instagram

A post shared by Ajmal Amir (@ajmal_amir)

ഇതിലും വലിയ ആരോപണങ്ങളുണ്ടായിട്ടും അത് തെറ്റെന്ന് തെളിച്ച് സർവശക്തൻ്റെ അനുഗ്രഹം കൊണ്ട് മുന്നോട്ട് പോകുന്ന വ്യക്തിയാണ് താൻ എന്നും അജ്മൽ കൂട്ടിച്ചേർത്തു. 'കൃത്യമായി ഒരു മാനേജറോ ഒരു പി ആർ (Public Relations) ടീമോ എനിക്കില്ല. പണ്ട് എൻ്റെ ഫാൻസുകാർ തുടങ്ങി തന്ന സോഷ്യൽ മീഡിയ പ്രൊഫൈലാണ് ഇപ്പോഴും ഞാൻ ഉപയോഗിക്കുന്നത്. പക്ഷേ ഇന്നുമുതൽ എല്ലാ കണ്ടൻ്റുകളും എല്ലാ കാര്യങ്ങളും ഞാൻ മാത്രമായിരിക്കും നോക്കുന്നത്,' അജ്മൽ അറിയിച്ചു.

തന്നെ അപമാനിക്കാൻ ഒരുപാട് പോസ്റ്റുകളിട്ട സോഷ്യൽ മീഡിയ ഉപഭോക്താക്കളുടെ സമൂഹത്തോടുള്ള കരുതലും സ്നേഹവും കണ്ടിട്ട് തനിക്ക് ബഹുമാനം തോന്നുന്നുണ്ടെന്നും നടൻ പറഞ്ഞു. അതേസമയം, തന്നെ സപ്പോർട്ട് ചെയ്‌ത എല്ലാവർക്കും നന്ദിയും സ്നേഹവും അദ്ദേഹം അറിയിച്ചു. 'ഒരുപാട് തെറിവിളികൾക്കും മുകളിൽ എന്നെ ആശ്വസിപ്പിച്ചുകൊണ്ട് വരുന്ന മെസേജുകളും കോളുകളും തന്ന ശക്തിയാണ് ഞാൻ ഇന്ന് നിങ്ങൾക്ക് മുന്നിൽ ഇരിക്കാനുള്ള കാരണം. എനിക്ക് മുന്നോട്ട് പോകാനുള്ള ശക്തി നിങ്ങളാണ്,' അജ്മൽ അമീർ വീഡിയോയിൽ പറഞ്ഞു.

2007-ൽ പുറത്തിറങ്ങിയ 'പ്രണയ കാലം' എന്ന ചിത്രത്തിലൂടെയാണ് അജ്മൽ അമീർ വെള്ളിത്തിരയിലെത്തിയത്. ഈ ചിത്രത്തിലെ 'ഒരു വേനൽ പുഴയിൽ' എന്ന ഗാനം താരത്തിന് വലിയ ജനപ്രീതി നേടിക്കൊടുത്തിരുന്നു.

നടൻ അജ്മൽ അമീറിൻ്റെ പ്രതികരണം എത്രത്തോളം സത്യമാണ്? കമൻ്റ് ചെയ്യുക.

Article Summary: Actor Ajmal Amir denies viral voice chat allegations, claiming the voice was AI-generated.

#AjmalAmir #AIVoice #KeralaNews #Fabricated #Controversy #SocialMedia