പ്രതിപക്ഷ നേതാവ് പിണറായി വിജയനെതിരായ ഇഡി അന്വേഷണം രാഷ്ട്രീയ പ്രേരിതമല്ല; ടി കെ ഗോവിന്ദനെ തള്ളി വി കുഞ്ഞികൃഷ്ണൻ എംഎൽഎ 

പയ്യന്നൂർ: (KVARTHA) കോഴിക്കോട് നടന്നു വരുന്ന വിപുലീകൃത സംസ്ഥാന കമ്മിറ്റി യോഗം കഴിഞ്ഞാലും സിപിഎം തിരുത്തലിന് സന്നദ്ധമാകുമോയെന്ന കാര്യം സംശയമാണെന്ന് യുഡിഎഫ് സ്വതന്ത്ര എംഎൽഎ വി കുഞ്ഞികൃഷ്ണൻ. പയ്യന്നൂരിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. യഥാർഥ തെറ്റിന് കാരണം കണ്ടെത്തിയാൽ മാത്രമേ തിരുത്താനാകൂവെന്നും ഇതുവരെ അതിനുള്ള ശ്രമം ഉണ്ടായിട്ടില്ലെന്നും അദ്ദേഹം പറഞ്ഞു.

അന്വേഷണം രാഷ്ട്രീയ പ്രേരിതമല്ല

പ്രതിപക്ഷ നേതാവ് പിണറായി വിജയനെതിരായ ഇഡി റെയ്ഡ് രാഷ്ട്രീയ പ്രേരിതമാണെന്ന അഭിപ്രായം തനിക്കില്ലെന്ന് വി കുഞ്ഞികൃഷ്ണൻ വ്യക്തമാക്കി. നേതൃത്വത്തിലുള്ളവരുടെ മക്കൾക്കെതിരെ ആരോപണങ്ങൾ വന്നാൽ കൃത്യമായ വിശദീകരണം നൽകാൻ നേതൃത്വം തയാറാകണം. എന്നാൽ ഇവിടെ അതിന് പിണറായി വിജയൻ തയാറായിട്ടില്ല.

ഇതിൽ എന്തോ കഴമ്പുണ്ട് എന്നായിരിക്കും വിശദീകരണം നൽകാത്ത കാലം വരെ പൊതുജനം കരുതുകയെന്നും വി കുഞ്ഞികൃഷ്ണൻ പറഞ്ഞു. അതേസമയം, തളിപ്പറമ്പിലെ യുഡിഎഫ് സ്വതന്ത്ര എംഎൽഎ ടി കെ ഗോവിന്ദൻ, പിണറായി വിജയനെതിരെ നടക്കുന്ന എൻഫോഴ്സ്മെൻ്റ് ഡയറക്ടറേറ്റ് അന്വേഷണം രാഷ്ട്രീയ പ്രേരിതമാണെന്ന് പറഞ്ഞിരുന്നു. ഇതിനെ തള്ളിക്കൊണ്ടാണ് വി കുഞ്ഞികൃഷ്ണൻ രംഗത്തുവന്നത്.

വിശദീകരണം നൽകാൻ ബാധ്യതയുണ്ട്

രാഷ്ട്രീയ പ്രേരിതമായ നിലപാട് ഇഡിയുടെ ഭാഗത്ത് നിന്ന് ഉണ്ടാകാറുണ്ടെന്നും പ്രതിപക്ഷത്തുള്ള നേതാക്കന്മാർക്കെതിരെ നിലപാട് സ്വീകരിക്കുന്നത് ഇഡിയുടെ പതിവ് രീതിയാണെന്നും അദ്ദേഹം ചൂണ്ടിക്കാട്ടി. പിണറായി വിജയനെതിരായ ഇഡി നീക്കം രാഷ്ട്രീയ പ്രേരിതമാണെങ്കിൽ വിശ്വസിക്കാവുന്ന വിശദീകരണം പാർട്ടി നൽകണം. പ്രസ്ഥാനത്തിന് പങ്കുണ്ടെങ്കിൽ പ്രസ്ഥാനത്തിനെതിരെയും അന്വേഷണം വരും. അദ്ദേഹത്തിൻ്റെ കുടുംബത്തിനെതിരായി വിമർശനം വരുമ്പോൾ എന്തിനാണ് പാർട്ടിക്കെതിരായ വിമർശനമായി കണക്കാക്കുന്നതെന്നും വി കുഞ്ഞികൃഷ്ണൻ ചോദിച്ചു.

മുന്നണിയിൽ ചർച്ച ചെയ്യണമായിരുന്നു

ഈ വിഷയം എൽഡിഎഫിൽ ചർച്ച ചെയ്യണമായിരുന്നു. സിപിഐയെ ബോധ്യപ്പെടുത്തിയിട്ടില്ല. സിപിഐയെ ബോധ്യപ്പെടുത്തിയിരുന്നെങ്കിൽ അവർ പരസ്യമായി വിമർശനം ഉന്നയിക്കില്ലായിരുന്നു. മറ്റു കക്ഷികളെ ബോധ്യപ്പെടുത്തുകയെന്നുള്ളത് മുന്നണിയുടെ ചുമതലയാണ്. മുന്നണി ഒറ്റക്കെട്ടായി അണിനിരക്കണമെങ്കിൽ മുന്നണിക്കകത്ത് സിപിഎം വിശദീകരണം നൽകണം. അങ്ങനെ ബോധ്യപ്പെടുത്തിയിട്ടില്ലെങ്കിൽ സ്വതന്ത്രമായ അഭിപ്രായങ്ങൾ മുന്നണിക്കകത്തെ പാർട്ടികൾ പറയുന്നതിൽ തെറ്റില്ലെന്നും വി കുഞ്ഞികൃഷ്ണൻ അഭിപ്രായപ്പെട്ടു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: UDF MLA V Kunjikrishnan states ED probe against Opposition Leader Pinarayi Vijayan isn't political.

#Kvartha #VKunjikrishnan #PinarayiVijayan #CPM #UDF #EDInvestigation #KeralaPolitics #MalayalamNews #Payyanur #AmmuNews