Change | ഇ പി ജയരാജന് പകരം ഇടതുമുന്നണി കൺവീനറായി ടി പി രാമകൃഷ്ണൻ?

തിരുവനന്തപുരം: (KVARTHA) കേരളത്തിലെ രാഷ്ട്രീയ കളത്തിൽ വലിയ ചർച്ചകൾക്ക് വഴി തുറന്നിരിക്കുകയാണ് ഇടതുമുന്നണി കൺവീനർ സ്ഥാനം. ഇ പി ജയരാജനെ സ്ഥാനത്ത് നിന്ന് നീക്കിയ സാഹചര്യത്തിൽ പുതിയ കൺവീനറായി ടി പി രാമകൃഷ്ണന്റെ പേരാണ് ശക്തമായി പ്രചരിക്കുന്നത്. സിപിഎം സംസ്ഥാന സെക്രട്ടേറിയറ്റ് അംഗവും മുൻ മന്ത്രിയുമാണ് ടി പി രാമകൃഷ്ണൻ.

കോഴിക്കോട് ജില്ലയിൽ നിന്നുള്ള പ്രമുഖ നേതാവായ അദ്ദേഹം പാർട്ടിയിൽ വളരെ സ്വാധീനമുള്ള വ്യക്തിയാണ്. ഒന്നാം പിണറായി വിജയൻ മന്ത്രിസഭയിൽ തൊഴിൽ, എക്സൈസ് വകുപ്പുകൾ കൈകാര്യം ചെയ്തിരുന്നു. നിലവിൽ പേരാമ്പ്ര നിയമസഭാ മണ്ഡലത്തെ പ്രതിനിധീകരിക്കുന്നു. സിഐടിയു പോലുള്ള തൊഴിലാളി സംഘടനകളിലും അദ്ദേഹം സജീവമായി പ്രവർത്തിക്കുന്നു.

സംസ്ഥാന സെക്രട്ടേറിയറ്റ് അംഗം, മുൻ മന്ത്രി, കോഴിക്കോട് മുൻ ജില്ലാ സെക്രട്ടറി എന്നീ നിലകളിലെ പ്രവർത്തനം ടി പിക്ക് കരുത്താകും. തൊഴിലാളി സംഘടനകളിലെ അനുഭവവും അദ്ദേഹത്തിന് ഒരു വലിയ മുതൽക്കൂട്ടാണ്. പാർട്ടിയിൽ വ്യാപകമായ അംഗീകാരം ഉള്ള വ്യക്തിയായതിനാൽ അദ്ദേഹത്തിന് എല്ലാ വിഭാഗങ്ങളെയും ഒന്നിപ്പിക്കാൻ കഴിയുമെന്നാണ് പ്രതീക്ഷ.

ബിജെപി നേതാവ് പ്രകാശ് ജാവദേക്കറുമായുള്ള കൂടിക്കാഴ്ചയെ തുടർന്നാണ് ഇ പി ജയരാജനെതിരെയുള്ള നടപടി. പാർട്ടി നയങ്ങൾക്ക് വിരുദ്ധമായി പ്രവർത്തിച്ചു എന്നാണ് ഇ പിക്കെതിരായ ആരോപണം. അതേസമയം പകരം ചുമതല ടി പി രാമകൃഷ്ണന് നൽകുന്നത് സംബന്ധിച്ച് പാർട്ടിയിൽ നിന്ന് ഔദ്യോഗിക പ്രഖ്യാപനം ഉണ്ടായിട്ടില്ല.

#CPMKerala #KeralaPolitics #IndianPolitics #LeftFront #EPJayarajan #TPRamakrishnan #PoliticalReshuffle