തർക്കങ്ങൾ മലപോലെ വന്ന് എലിപോലെ പോയി; പേരാവൂരിൽ പത്രിക സമർപ്പിച്ച് സണ്ണി ജോസഫ്

കണ്ണൂർ: (KVARTHA) കേരള നിയമസഭാ തിരഞ്ഞെടുപ്പിൽ യുഡിഎഫിന്റെ ഉറച്ച കോട്ടയായ പേരാവൂർ നിലനിർത്താൻ കെപിസിസി പ്രസിഡന്റ് സണ്ണി ജോസഫ് എംഎൽഎ നാമനിർദ്ദേശ പത്രിക സമർപ്പിച്ചു. ഇരിട്ടി താലൂക്ക് ഓഫീസിലെത്തി വരണാധികാരിക്ക് മുൻപാകെയാണ് അദ്ദേഹം പത്രിക നൽകിയത്. കോൺഗ്രസിനകത്തെ സ്ഥാനാർത്ഥി നിർണ്ണയവുമായി ബന്ധപ്പെട്ട തർക്കങ്ങൾ അവസാനിച്ചുവെന്നും പാർട്ടി ഇപ്പോൾ ഒറ്റക്കെട്ടായി മുന്നോട്ടുപോകുകയാണെന്നും അദ്ദേഹം പറഞ്ഞു. 

തർക്കങ്ങൾ പരിഹരിച്ചു; സുധാകരൻ എത്തും

സ്ഥാനാർത്ഥി പട്ടിക പുറത്തുവന്നതിന് പിന്നാലെ കോൺഗ്രസിനകത്തുണ്ടായ അതൃപ്തികളെക്കുറിച്ച് മാധ്യമപ്രവർത്തകർ ചോദിച്ചപ്പോഴാണ് അദ്ദേഹം തന്റെ വേറിട്ട ശൈലിയിൽ മറുപടി നൽകിയത്. ‘കോൺഗ്രസിലെ തർക്കങ്ങൾ മലപോലെ വന്ന് എലിപ്പൊലെ പോയി,’ എന്നായിരുന്നു അദ്ദേഹത്തിന്റെ പ്രതികരണം. മുതിർന്ന നേതാവ് കെ. സുധാകരനുമായി ബന്ധപ്പെട്ട വിവാദങ്ങൾക്കും അദ്ദേഹം മറുപടി നൽകി. 

സുധാകരൻ കോൺഗ്രസിലെ പ്രൊമിനന്റ് നേതാവാണെന്നും അദ്ദേഹം പേരാവൂർ മണ്ഡലത്തിൽ ഉൾപ്പെടെ വരും ദിവസങ്ങളിൽ പ്രചാരണത്തിന് എത്തുമെന്നും സണ്ണി ജോസഫ് വ്യക്തമാക്കി. തിരഞ്ഞെടുപ്പ് സമയത്ത് ഇത്തരം ചെറിയ അഭിപ്രായ വ്യത്യാസങ്ങൾ ഉണ്ടാകാറുണ്ടെങ്കിലും വോട്ടെടുപ്പിലേക്ക് നീങ്ങുമ്പോൾ എല്ലാവരും കൈകോർക്കുമെന്നും അദ്ദേഹം പറഞ്ഞു.

വികസന നേട്ടങ്ങൾ എണ്ണിപ്പറഞ്ഞ് സണ്ണി ജോസഫ്

പേരാവൂർ മണ്ഡലത്തിൽ കഴിഞ്ഞ കാലയളവിൽ നടപ്പിലാക്കിയ വികസന പ്രവർത്തനങ്ങൾ തന്നെയാകും ഇത്തവണയും വോട്ടായി മാറുകയെന്ന് അദ്ദേഹം വിശ്വസിക്കുന്നു. ‘മണ്ഡലത്തിൽ മലയോര റോഡ് വികസനം വലിയ രീതിയിൽ നടത്തിയിട്ടുണ്ട്. നിരവധി പുതിയ പാലങ്ങൾ വന്നു. ഇരിട്ടിയിൽ താലൂക്ക് ഓഫീസ് പുതുതായി വന്നത് ജനങ്ങൾക്ക് വലിയ ആശ്വാസമാണ്. ഇത്തരം വികസനങ്ങളൊക്കെ എതിർ സ്ഥാനാർത്ഥിയായ കെ.കെ. ശൈലജ ടീച്ചർ കണ്ടില്ലെന്നു നടിക്കരുത്,’ അദ്ദേഹം പറഞ്ഞു.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത സുഹൃത്തുക്കൾക്കും വാട്സ്ആപ്പ് ഗ്രൂപ്പുകളിലും ഷെയർ ചെയ്യുമല്ലോ. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിൽ കമന്റായി രേഖപ്പെടുത്താൻ മറക്കരുത്.

Article Summary: KPCC President Sunny Joseph MLA filed his nomination for Peravoor, dismissing internal Congress rifts as minor and highlighting major development works in the constituency.

#SunnyJoseph #PeravoorElection #UDFKerala #KPCCPresident #KKShailaja #KeralaElection2026 #IrittyNews #BreakingNews