ഗവർണർക്കെതിരെ എസ്എഫ്ഐ മാർച്ച്; ഹെഡ് പോസ്റ്റ് ഓഫീസ് ഗേറ്റ് തള്ളിത്തുറക്കാൻ ശ്രമം, പോലീസ് തടഞ്ഞു

കണ്ണൂർ: (KVARTHA) കേരളത്തിലെ ഉന്നത വിദ്യാഭ്യാസ സ്ഥാപനങ്ങളെ സംഘപരിവാർ വൽക്കരിക്കാനുള്ള കേരള ഗവർണ്ണറുടെ നടപടികൾക്കെതിരെ എസ്.എഫ്.ഐ കണ്ണൂർ ജില്ലാ കമ്മിറ്റിയുടെ നേതൃത്വത്തിൽ കണ്ണൂർ ഹെഡ് പോസ്റ്റ് ഓഫീസിലേക്ക് പ്രതിഷേധ മാർച്ചും ധർണയും നടത്തി. പാറക്കണ്ടി പരിസരത്ത് നിന്നാരംഭിച്ച മാർച്ച് പഴയ ബസ് സ്റ്റാൻഡ് വഴി ഹെഡ് പോസ്റ്റ് ഓഫീസിന് മുന്നിൽ വെച്ച് ടൗൺ പോലീസ് തടഞ്ഞു.

പോലീസ് തടഞ്ഞതോടെ ഗേറ്റ് ബലം പ്രയോഗിച്ച് തള്ളിത്തുറക്കാൻ എസ്.എഫ്.ഐ പ്രവർത്തകർ ശ്രമിച്ചു. എന്നാൽ, വിരലിലെണ്ണാവുന്ന പ്രവർത്തകർ മാത്രമുണ്ടായിരുന്നതിനാൽ പോലീസിന്റെ ബലപ്രയോഗം ഏറെ നീണ്ടുനിന്നില്ല. ഇതിനിടയിൽ രണ്ട് പ്രവർത്തകർ ഗേറ്റിന്റെ വിടവിലൂടെ അകത്ത് കടന്നെങ്കിലും, അകത്തേക്ക് കയറാൻ അനുവദിക്കാതെ പോലീസ് ഇവരെ പിടികൂടി. തുടർന്ന് നടന്ന പ്രതിഷേധ ധർണ എസ്.എഫ്.ഐ സംസ്ഥാന സെക്രട്ടറിയേറ്റ് അംഗം ടി.പി. അഖില ഉദ്ഘാടനം ചെയ്തു.

ഗവർണർക്കെതിരായ എസ്.എഫ്.ഐയുടെ ഈ പ്രതിഷേധത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക 

Article Summary: SFI march against Kerala Governor stopped by police in Kannur.

#SFI #Kannur #KeralaPolitics #Governor #Protest #HigherEducation