പാലക്കാട്: (KVARTHA) സന്ദീപ് വാര്യർ ബി.ജെ.പി. വിട്ടതിൽ സന്തോഷം പ്രകടിപ്പിച്ചു പാലക്കാട്ടെ ബിജെപി സ്ഥാനാര്‍ഥി സി. കൃഷ്ണകുമാർ. ‘സന്ദീപ് പാർട്ടി വിട്ടതിൽ ബിജെപിക്ക് ഒരു ആഘാതവുമില്ല’ എന്നും തലയ്ക്ക് അഹങ്കാരം പിടിച്ച്‌ പോയവനെ പ്രവർത്തകർ ഉള്‍ക്കൊള്ളില്ലെന്നും കൃഷ്ണകുമാർ പറഞ്ഞു.

പാർട്ടിയുടെ ഒരു ചെറിയ വക്താവായാണ് സന്ദീപ് പ്രവർത്തിച്ചിരുന്നത്, അതിനാൽ അദ്ദേഹം പോയാൽ അത് പാർട്ടിയിൽ വലിയ മാറ്റം സൃഷ്ടിക്കുന്നില്ല എന്നും കൃഷ്ണകുമാർ അഭിപ്രായപ്പെട്ടു. സന്ദീപിന് കൂടുതല്‍ കാലം കോൺഗ്രസിൽ നിൽക്കാനാവില്ല എന്നും അദ്ദേഹം കൂട്ടിച്ചേർത്തു. 

വിലപേശിയുള്ള തീരുമാനം

‘സന്ദീപ് തന്റെ രാഷ്ട്രീയ ജീവിതം പല പാർട്ടികളോടും വിലപേശി കഴിഞ്ഞതാണ്. കൂടുതൽ വില കൊടുത്ത പാർട്ടിയിലേക്ക് അദ്ദേഹത്തിന് പോകേണ്ടിവന്നു. എന്നാല്‍ പ്രത്യയശാസ്ത്രത്തെ തൂക്കി വിൽക്കാനായിരിക്കും അയാൾ രണ്ട് ദിവസം ബംഗളൂരുവിൽ പോയത്’ കൃഷ്ണകുമാർ പറഞ്ഞു.

നവംബർ 20-ന് വോട്ടെടുപ്പ് കഴിഞ്ഞാൽ, കോൺഗ്രസ് അദ്ദേഹത്തെ 'കറിവേപ്പില' ആയി തള്ളിവിടും. അതിനാൽ അദ്ദേഹത്തിന് രാഷ്ട്രീയ സ്ഥാനങ്ങൾ നിലനിര്‍ത്താനാവില്ല എന്നും കൃഷ്ണകുമാർ പറഞ്ഞു.

#SandeepWarrier, #BJP, #PoliticalExit, #CkrishnaKumar, #KeralaPolitics, #Congress