Rahul Gandhi | 'ഇന്ത്യൻ രാഷ്ട്രീയത്തിൽ സ്നേഹവും ബഹുമാനവും വിനയവും നഷ്‌ടമായി'; രാഹുൽ ഗാന്ധി അമേരിക്കയിൽ; ആർഎസ്എസിനും വിമർശനം
'ലോക്‌സഭാ തിരഞ്ഞെടുപ്പ് ഫലം വന്ന് മിനിറ്റുകൾക്കുള്ളിൽ ബി.ജെ.പിയെയും പ്രധാനമന്ത്രി നരേന്ദ്ര മോദിയെയും ആര്‍ക്കും ഭയമില്ലാതായി'
വാഷിംഗ്ടൺ: (KVARTHA) ഇന്ത്യൻ രാഷ്ട്രീയത്തിൽ നിന്ന് സ്നേഹവും ബഹുമാനവും വിനയവും നഷ്‌ടമായെന്ന് പ്രതിപക്ഷ നേതാവ് രാഹുൽ ഗാന്ധി. ഡാലസിൽ ഇന്ത്യന്‍ - അമേരിക്കന്‍ സമൂഹത്തെ അഭിസംബോധന ചെയ്യുകയായിരുന്നു അദ്ദേഹം. പ്രതിപക്ഷ നേതാവായതിന് ശേഷമുള്ള രാഹുൽ ഗാന്ധിയുടെ ആദ്യ അമേരിക്കൻ സന്ദര്‍ശനമാണിത്.
The RSS believes that India is one idea and we believe that India is a multiplicity of ideas. We believe that everybody should be allowed to participate, allowed to dream, and given space regardless of their caste, language, religion, tradition or history.
— Congress (@INCIndia) September 9, 2024
This is the fight, and… pic.twitter.com/PjI5v1rOEd
ആർഎസ്എസിനെയും രാഹുൽ വിമർശിച്ചു. ഇന്ത്യ ഒരൊറ്റ ആശയമാണെന്ന് ആർഎസ്എസ് വിശ്വസിക്കുന്നു. എന്നാൽ ഇന്ത്യ എന്നത് അനവധി ആശയങ്ങള്‍ ഉള്‍ച്ചേര്‍ന്നതാണ് എന്നാണ് ഞങ്ങൾ വിശ്വസിക്കുന്നതെന്നും അദ്ദേഹം പറഞ്ഞു. ജാതി, ഭാഷ, മതം, ആചാരം, ചരിത്രം എന്നിവയ്ക്കുപരിയായി ഒരോ വ്യക്തിക്കും ഇടം നല്‍കണമെന്നും രാഹുല്‍ കൂട്ടിച്ചേര്‍ത്തു.
നമ്മുടെ രാഷ്ട്രീയ വ്യവസ്ഥിതിയിലും പാർട്ടികൾക്കപ്പുറവും ഇല്ലാത്തത് സ്നേഹവും ബഹുമാനവും വിനയവുമാണ്. മതം, സമുദായം, ജാതി, സംസ്ഥാനം, ഭാഷ എന്നീ വ്യത്യാസങ്ങൾക്കപ്പുറം എല്ലാ മനുഷ്യരോടും സ്നേഹത്തോടെയും ബഹുമാനത്തോടെയും പെരുമാറേണ്ടത് നമ്മുടെ കടമയാണ്.
ലോക്‌സഭാ തിരഞ്ഞെടുപ്പ് ഫലം വന്ന് മിനിറ്റുകൾക്കുള്ളിൽ ബി.ജെ.പിയെയും പ്രധാനമന്ത്രി നരേന്ദ്ര മോദിയെയും ആര്‍ക്കും ഭയമില്ലാതായി. ഇത് ജനാധിപത്യത്തെ തിരിച്ചറിഞ്ഞ ഇന്ത്യയിലെ ജനങ്ങളുടെ വലിയ നേട്ടമാണ്. തങ്ങളുടെ ഭരണഘടന ആക്രമിക്കപ്പെടുന്നത് അംഗീകരിക്കാന്‍ തയ്യാറാകാതിരുന്നവരുടെ നേട്ടമാണെന്നും അദ്ദേഹം പറഞ്ഞു.
ഇന്ത്യൻ ഭരണഘടനയുടെ അഖണ്ഡത സംരക്ഷികുവാൻ കോൺഗ്രസ് പ്രതിജ്ഞാബദ്ധമാണെന്നും രാഹുൽ വ്യക്തമാക്കി. ഓണം, ഗണേഷ് ചതുർഥി ആശംസകൾ നേർന്നുകൊണ്ടാണ് രാഹുൽ പ്രസംഗം ആരംഭിച്ചത്. മൂന്ന് ദിവസത്തെ സന്ദര്‍ശനത്തിനായി അമേരിക്കയിലെത്തിയ രാഹുലിനെ കേൾക്കാൻ വലിയ ജനക്കൂട്ടമാണ് തടിച്ചുകൂടിയത്.
#RahulGandhi, #RSS, #IndianPolitics, #USVisit, #BJP, #IndianAmericanCommunity
