ന്യൂഡൽഹി: (KVARTHA) പ്രധാനമന്ത്രി നരേന്ദ്രമോദി മൂന്നുദിവസത്തെ സന്ദർശനത്തിനായി യു.എസിലേക്ക് യാത്ര തിരിച്ചു. നോർത്ത് കരോലിനയിലെ വിംലിങ്ടണിൽ, പ്രസിഡൻറ് ജോ ബൈഡന്റെ ജന്മനാട്ടിൽ, നടക്കുന്ന ക്വാഡ് ഉച്ചകോടിയിൽ പങ്കെടുക്കും. കൂടാതെ, പ്രധാനമന്ത്രി യു.എൻ. പൊതുസഭയെ ന്യൂയോർക്കിൽ അഭിസംബോധന ചെയ്ത് സംസാരിക്കും. യു.എസ്. പ്രസിഡന്റ് തിരഞ്ഞെടുപ്പിന് തൊട്ടുമുമ്പുള്ള സന്ദർശനമായതുകൊണ്ട് ഏറെ ശ്രദ്ധനേടുന്ന സന്ദർശനമാണിത്.

I will be on a visit to USA, where I will take part in various programmes. I will attend the Quad Summit being hosted by President Biden at his hometown Wilmington. I look forward to the deliberations at the Summit. I will also be having a bilateral meeting with President Biden.…

— Narendra Modi (@narendramodi) September 21, 2024

ക്വാഡ് ഉച്ചകോടിക്കിടെ, പ്രധാനമന്ത്രി വിവിധ ലോകനേതാക്കളുമായി ഉഭയകക്ഷി ചർച്ചകൾ നടത്തും.  തിങ്കളാഴ്ച 'സമ്മിറ്റ് ഓഫ് ഫ്യൂച്ചർ' എന്ന പേരിലുള്ള ഐക്യരാഷ്ട്രസഭയുടെ പൊതുസഭയുടെ ഭാഗമായ ഉന്നതപരിപാടിയിൽ മോദി മുഖ്യഭാഷണം നടത്തും. ഈ ചടങ്ങിൽ നിരവധി ലോകനേതാക്കൾ സന്നിഹിതരായിരിക്കും.

ഇതിനൊപ്പം, പ്രധാനമന്ത്രി നരേന്ദ്രമോദി യു.എസ്സിലെ ഇന്ത്യൻ സമൂഹത്തോട് ഞായറാഴ്ച സംസാരിക്കും. കൂടാതെ, അന്നേ ദിവസം തന്നെ അമേരിക്കയിലെ മുൻനിര കമ്പനി സി.ഇ.ഒമാരുമായും കൂടിക്കാഴ്ച നടക്കും. എ.ഐ, ക്വാണ്ടം കമ്പ്യൂട്ടിങ്, സെമികണ്ടക്ടർ, ബയോടെക്നോളജി മേഖലകളിൽ സഹകരണം വർധിപ്പിക്കാൻ ഇരുരാജ്യങ്ങളും പദ്ധതികൾ ആസൂത്രണം ചെയ്യുന്നുണ്ട്.

#ModiInUS #QuadSummit #UNGA2024 #IndiaUSRelations #GlobalDiplomacy #PMModi