ബംഗ്ളൂരിൽ വോട്ടർ പട്ടികയിൽ നിന്ന് പേര് നീക്കി; രാഷ്ട്രീയ അധികാരമുപയോഗിച്ച് വോട്ടവകാശം നിഷേധിക്കുന്നുവെന്ന് പ്രകാശ് രാജ്

ബംഗ്ളൂരു: (KVARTHA) തീവ്ര വോട്ടർ പട്ടിക പരിഷ്കരണത്തിലൂടെ നടൻ പ്രകാശ് രാജിനെ ബംഗ്ളൂരിലെ വോട്ടർ പട്ടികയിൽ നിന്ന് പുറത്താക്കി. നടൻ തന്നെയാണ് സമൂഹമാധ്യമങ്ങളിലൂടെ ഇക്കാര്യം വ്യക്തമാക്കിയത്. ബംഗ്ളൂരിൽ ജനിച്ച് വളർന്ന തന്നെ വോട്ടർ പട്ടികയിൽ നിന്ന് ഒഴിവാക്കിയത് നല്ല തമാശയായിട്ടുണ്ടെന്ന് എക്സിൽ പോസ്റ്റ് ചെയ്ത വീഡിയോയിൽ പ്രകാശ് രാജ് പ്രതികരിച്ചു.

65 ലക്ഷം വോട്ടർമാർ പുറത്ത്

താൻ ജനിച്ച് വളർന്നതും വിദ്യാഭ്യാസം നേടിയതും കർണാടകത്തിലാണ്. ലോക്സഭാ തിരഞ്ഞെടുപ്പിൽ ബംഗ്ളൂരു മണ്ഡലത്തിൽ നിന്ന് മത്സരിക്കുകയും ചെയ്തിരുന്നു. ആ തൻ്റെ പേരാണ് ഇപ്പോൾ വോട്ടർ പട്ടികയിൽ നിന്ന് ഒഴിവാക്കിയിരിക്കുന്നത്. വോട്ടർ പട്ടികയിൽ നിന്ന് പേര് വെട്ടിയ 65 ലക്ഷം വോട്ടർമാരിൽ ഒരാളാണ് താനെന്നും പ്രകാശ് രാജ് വീഡിയോയിൽ വ്യക്തമാക്കി.

പേര് ചേർക്കാൻ നടപടി സ്വീകരിക്കും

വോട്ടർ പട്ടികയിൽ വീണ്ടും പേര് ചേർക്കാനുള്ള നടപടികൾ സ്വീകരിക്കുമെന്നും അതിന് ആവശ്യമായ എല്ലാ രേഖകളും തൻ്റെ കൈവശമുണ്ടെന്നും നടൻ പറഞ്ഞു. തമാശ നല്ലതാണ്, നിങ്ങൾ അവ തുടർന്നോളൂ, തൻ്റെ അവകാശം ലഭിക്കാനുള്ള എല്ലാ രേഖകളും തൻ്റെ പക്കലുണ്ട് എന്ന് പ്രകാശ് രാജ് വ്യക്തമാക്കി.

രാഷ്ട്രീയ അധികാരം ഉപയോഗിച്ച് ചില പൗരന്മാരുടെ വോട്ടവകാശം നിഷേധിക്കാനാണ് ചിലർ ശ്രമിക്കുന്നത്. പക്ഷെ, ജനങ്ങളുടെ ജനാധിപത്യ ശക്തിയിലൂടെ അവരെ അധികാരത്തിൽ നിന്ന് താഴെയിറക്കുന്നത് തടയാനാകില്ലെന്നും പ്രകാശ് രാജ് കൂട്ടിച്ചേർത്തു

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം 

Article Summary: Actor Prakash Raj revealed through a video on X that his name was removed from the Bengaluru voter list during the intensive voter list revision, criticizing the move as a political attempt to deny voting rights.

#PrakashRaj #BengaluruNews #VoterList #KarnatakaPolitics #MalayalamNews #VotingRights #ElectoralRoll #AmmuNews