ഇസ്രായേൽ സന്ദർശനത്തിനായി പ്രധാനമന്ത്രി പുറപ്പെട്ടു; ക്നെസെറ്റിനെ അഭിസംബോധന ചെയ്യുന്ന ആദ്യ ഇന്ത്യൻ പ്രധാനമന്ത്രിയാകും മോദി

ന്യൂഡൽഹി: (KVARTHA) ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിൻ്റെ പ്രത്യേക ക്ഷണപ്രകാരം രണ്ട് ദിവസത്തെ ഔദ്യോഗിക സന്ദർശനത്തിനായി പ്രധാനമന്ത്രി നരേന്ദ്ര മോദി പുറപ്പെട്ടു. 2026 ഫെബ്രുവരി 25, 26 തീയതികളിലാണ് സന്ദർശനം. ഇരുരാജ്യങ്ങളും തമ്മിലുള്ള തന്ത്രപരമായ പങ്കാളിത്തം കൂടുതൽ ശക്തിപ്പെടുത്തുക എന്നതാണ് സന്ദർശനത്തിൻ്റെ പ്രധാന ലക്ഷ്യമെന്ന് പ്രധാനമന്ത്രിയുടെ ഓഫീസ് അറിയിച്ചു.

യാത്രയ്ക്ക് മുന്നോടിയായി പുറത്തിറക്കിയ പ്രസ്താവനയിൽ, ഇസ്രായേലുമായുള്ള ഇന്ത്യയുടെ ബന്ധം സമീപകാലത്ത് വലിയ വളർച്ച കൈവരിച്ചതായി പ്രധാനമന്ത്രി ചൂണ്ടിക്കാട്ടി. ശാസ്ത്ര-സാങ്കേതിക വിദ്യ, നൂതനാശയങ്ങൾ, കൃഷി, ജല മാനേജ്‌മെൻ്റ്, പ്രതിരോധം, സുരക്ഷ, വ്യാപാരം, നിക്ഷേപം തുടങ്ങിയ മേഖലകളിൽ സഹകരണം വർദ്ധിപ്പിക്കുന്നതിനെക്കുറിച്ച് നെതന്യാഹുവുമായി ചർച്ച നടത്തുമെന്നും അദ്ദേഹം വ്യക്തമാക്കി.

ക്നെസെറ്റിലെ ചരിത്ര പ്രസംഗം

സന്ദർശനത്തിൻ്റെ ഏറ്റവും പ്രധാനപ്പെട്ട ഭാഗം ഇസ്രായേൽ പാർലമെൻ്റായ ക്നെസെറ്റിനെ (Knesset) പ്രധാനമന്ത്രി അഭിസംബോധന ചെയ്യുന്നതാണ്. ഇസ്രായേൽ പാർലമെൻ്റിൽ പ്രസംഗിക്കുന്ന ആദ്യ ഇന്ത്യൻ പ്രധാനമന്ത്രിയെന്ന ഖ്യാതി ഇതോടെ നരേന്ദ്ര മോദിക്ക് സ്വന്തമാകും. ബിജെപി അധികാരത്തിലെത്തിയതിന് ശേഷമാണ് ഇസ്രാഈലുമായുളള സഹകരണം കൂടുതൽ വ്യാപകമായത്. ഇരുരാജ്യങ്ങളും തമ്മിലുള്ള ജനാധിപത്യപരമായ ബന്ധത്തിനുള്ള ആദരവായാണ് ഈ അവസരത്തെ പ്രധാനമന്ത്രി വിശേഷിപ്പിച്ചത്.

മറ്റ് പ്രധാന പരിപാടികൾ

സന്ദർശനത്തിനിടെ പ്രധാനമന്ത്രി ഇസ്രായേൽ പ്രസിഡൻ്റ് ഐസക് ഹെർസോഗുമായി കൂടിക്കാഴ്ച നടത്തും. ഇസ്രായേലിലെ ഇന്ത്യൻ സമൂഹവുമായും  അദ്ദേഹം ആശയവിനിമയം നടത്തും. സമുദ്രങ്ങളിൽ വെച്ച് നെതന്യാഹുവിനൊപ്പമുള്ള സൗഹൃദ നിമിഷങ്ങൾ ഓർമ്മിപ്പിച്ച പ്രധാനമന്ത്രി, സന്ദർശനം ഇന്ത്യ-ഇസ്രായേൽ ബന്ധത്തിൽ പുതിയ ലക്ഷ്യങ്ങൾ കൈവരിക്കാൻ സഹായിക്കുമെന്ന് പ്രത്യാശ പ്രകടിപ്പിച്ചു.

നെതന്യാഹുവും സന്ദർശനത്തെ ഹൃദ്യമായി സ്വാഗതം ചെയ്തു. തൻ്റെ പ്രിയ സുഹൃത്തായ മോദിയുടെ സന്ദർശനം ചരിത്രപരമാണെന്നും ഇരുരാജ്യങ്ങളും തമ്മിലുള്ള ബന്ധം പുതിയ ഉയരങ്ങളിലേക്ക് കുതിക്കുകയാണെന്നും അദ്ദേഹം എക്സിൽ  കുറിച്ചു. ശാസ്ത്ര-സാങ്കേതിക മേഖലകളിൽ, പ്രത്യേകിച്ച് ക്വാണ്ടം കമ്പ്യൂട്ടിംഗ്, എഐ തുടങ്ങിയ മേഖലകളിൽ സഹകരണം വർദ്ധിപ്പിക്കാൻ ഈ സന്ദർശനം വഴിയൊരുക്കുമെന്നാണ് കരുതുന്നത്. അതേസമയം നിരപരാധികളായ ഫലസ്തീനികളെ കൂട്ടക്കൊല നടത്തിക്കൊണ്ടിരിക്കുന്ന ഭരണാധികാരിയെ സന്ദർശിക്കുന്നതിനെതിരെ സാമൂഹ്യമങ്ങളിൽ വൻ പ്രതിഷേധമാണ് ഉയരുന്നത്.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത സുഹൃത്തുകൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിലും ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: PM Narendra Modi departs for a historic two-day state visit to Israel, where he will be the first Indian PM to address the Knesset.

#PMModi #IsraelVisit #NarendraModi #Netanyahu #IndiaIsrael #Knesset #GlobalDiplomacy #StrategicPartnership