പിണറായി സർക്കാർ ജനങ്ങളെ പറഞ്ഞു പറ്റിക്കുന്നു: ജെ ബി മേത്തർ

കണ്ണൂർ: (KVARTHA) ജനങ്ങളെ പറഞ്ഞു പറ്റിക്കുന്ന സർക്കാരാണ് കേരളം ഭരിക്കുന്നതെന്ന് മഹിളാ കോൺഗ്രസ് സംസ്ഥാന പ്രസിഡന്റ് ജെ.ബി. മേത്തർ എം.പി പറഞ്ഞു. കണ്ണൂർ ഡി.സി.സി ഓഫീസിൽ നടന്ന വാർത്താ സമ്മേളനത്തിലാണ് അവർ സംസാരിച്ചത്.

‘കേരള മുഖ്യമന്ത്രി പിണറായി വിജയൻ ജനങ്ങളെ പറഞ്ഞു പറ്റിച്ചു. സി.പി.ഐയും ഇപ്പോൾ മുഖ്യമന്ത്രിയോടൊപ്പം പറഞ്ഞു പറ്റിക്കുകയാണ്. പി.എം. ശ്രീ നടപ്പിലാക്കുന്നത് നീട്ടിവെക്കുന്നതായി പറയുമ്പോൾ, അത് മുഖ്യമന്ത്രിയുടെ വീട്ടിലെ കാര്യമല്ലെന്ന് ഓർക്കണം,’ ജെ.ബി. മേത്തർ പറഞ്ഞു.

‘മുഖ്യമന്ത്രി പിണറായി വിജയൻ സി.പി.ഐയെ വിഢിയാക്കുകയാണ്. പി.എം. ശ്രീ നീട്ടിവെക്കൽ വെറും പറ്റിക്കലാണ്. സി.പി.ഐയ്ക്ക് ആത്മാഭിമാനം ഉണ്ടെങ്കിൽ എൽ.ഡി.എഫ് വിടണം. അടിമകളെ പോലെ എന്തിന് അവിടെ തുടരുന്നു? അവിടെ തുടരാനുള്ള ഗതികേട് സി.പി.ഐയ്ക്ക് ഉണ്ടോയെന്നും ചോദിച്ചു.’

‘കലൂർ സ്റ്റേഡിയത്തിൽ മെസ്സി വരുമെന്ന് പറഞ്ഞത് മുയലിനെ കാരറ്റ് കാണിക്കുന്നതുപോലെയാണ്. മെസ്സി വരും എന്നു പറഞ്ഞ് ജനങ്ങളെ പറ്റിക്കുന്നു. പിണറായി വന്നതിന് ശേഷം എല്ലാ ദിവസവും ജനങ്ങൾക്ക് ഏപ്രിൽ ഫൂളാണ്. പറഞ്ഞു പറ്റിക്കുന്നതിൽ വിദഗ്ധരായ സർക്കാരാണ് ഇതെന്ന്’ ജെ.ബി. മേത്തർ പറഞ്ഞു.

‘എല്ലാ ദിവസവും ജനങ്ങളെ പറഞ്ഞു പറ്റിക്കുന്നതാണ് ഈ സർക്കാരിന്റെ ശീലം,’ മഹിളാ കോൺഗ്രസ് സംസ്ഥാന പ്രസിഡന്റ് ജെ.ബി. മേത്തർ എം.പി കൂട്ടിച്ചേർത്തു.

ഈ വാർത്ത ഷെയർ ചെയ്ത നിങ്ങളുടെ അഭിപ്രായം അറിയിക്കുക.

Article Summary:Jebi Mather accuses Kerala government of deceiving the public

#KeralaPolitics #JebiMather #PinarayiVijayan #CongressKerala #PMShri #PoliticalNews