പേരൂർക്കട ദളിത് യുവതി പീഡനക്കേസ്: പോലീസിനെതിരെ സിപിഎം നേതാക്കൾ; മുഖ്യമന്ത്രിയുടെ ഓഫീസ് പ്രതിരോധത്തിൽ

ഭാമ നാവത്ത്

കണ്ണൂർ: (KVARTHA) പേരൂർക്കടയിൽ ദളിത് യുവതി ബിന്ദുവിനോട് പോലീസ് മോശമായി പെരുമാറിയ സംഭവം സംസ്ഥാന രാഷ്ട്രീയത്തിൽ പുതിയ വിവാദങ്ങൾക്ക് തിരികൊളുത്തി. സംഭവത്തിൽ ആഭ്യന്തര വകുപ്പിനെതിരെ ഭരണകക്ഷിയായ സി.പി.എമ്മിൽ തന്നെ ശക്തമായ അതൃപ്തി ഉയർന്നു വരുന്നത് ശ്രദ്ധേയമാണ്. സി.പി.എം സംസ്ഥാന സെക്രട്ടറി എം.വി ഗോവിന്ദന് പിന്നാലെ പാർട്ടി കേന്ദ്ര കമ്മിറ്റി അംഗങ്ങളായ പി.കെ ശ്രീമതിയും കെ.കെ. ശൈലജയും പരസ്യമായി രംഗത്തെത്തി. മുഖ്യമന്ത്രി പിണറായി വിജയൻ നേരിട്ട് ഭരിക്കുന്ന ആഭ്യന്തര വകുപ്പിനെതിരെ സി.പി.എം നേതാക്കൾ തന്നെ വിമർശനവുമായി എത്തിയത് രാഷ്ട്രീയ കേന്ദ്രങ്ങളിൽ അസാധാരണമായ സാഹചര്യമായാണ് വിലയിരുത്തപ്പെടുന്നത്. പ്രതിപക്ഷം സർക്കാരിനും മുഖ്യമന്ത്രിക്കുമെതിരെ ശക്തമായ പ്രചാരണം നടത്തുന്നതിനിടെ ഭരണപക്ഷത്തെ നേതാക്കൾ തന്നെ വിമർശനവുമായി എത്തിയത് മുഖ്യമന്ത്രിയുടെ ഓഫീസിനെ പ്രതിരോധത്തിലാക്കിയിരിക്കുകയാണ്.

ബിന്ദുവിനോട് അപമര്യാദയായി പെരുമാറിയ പോലീസുദ്യോഗസ്ഥർക്കെതിരെ കർശന നടപടി സ്വീകരിക്കണമെന്ന് കെ.കെ. ശൈലജ എംഎൽഎ ഫേസ്ബുക്ക് പോസ്റ്റിലൂടെ ആവശ്യപ്പെട്ടു. സംഭവത്തിൽ ഒരു എസ്ഐയെ സസ്പെൻഡ് ചെയ്തുകൊണ്ട് ആഭ്യന്തര വകുപ്പ് നടപടി ആരംഭിച്ചിട്ടുണ്ടെന്നും, രാത്രിയിൽ സ്ത്രീകളെ അറസ്റ്റ് ചെയ്ത് പോലീസ് സ്റ്റേഷനിൽ താമസിപ്പിക്കാൻ പാടില്ലാത്തതാണെന്നും അവർ വിമർശിച്ചു. കേരളാ പോലീസ് അന്തസ്സുള്ള സേനയാണെന്നും, ചില പോലീസുകാരുടെ ഇത്തരത്തിലുള്ള പെരുമാറ്റം സേനയ്ക്കാകെ നാണക്കേടുണ്ടാക്കുന്നതാണെന്നും ശൈലജ കുറ്റപ്പെടുത്തി. കുട്ടികളെ പോറ്റാൻ കഷ്ടപ്പെടുന്ന ബിന്ദുവിനെതിരെ വ്യാജ പരാതി നൽകിയവർ മാപ്പ് പറയണമെന്നും, സർക്കാർ ബിന്ദുവിനൊപ്പമുണ്ടെന്നും കെ.കെ. ശൈലജ തൻ്റെ പോസ്റ്റിൽ വ്യക്തമാക്കി.

പേരൂർക്കട സംഭവം പി ശശിയുടെ മേൽ കെട്ടിവയ്ക്കേണ്ടതില്ല: എം.വി ഗോവിന്ദൻ

അതേസമയം, പേരൂർക്കട സംഭവത്തിൽ തെറ്റായ നിലപാട് സ്വീകരിക്കുന്നവരെ സംരക്ഷിക്കില്ലെന്നും, സർക്കാർ കർശനമായ നിലപാട് സ്വീകരിക്കുമെന്നും സി.പി.എം സംസ്ഥാന സെക്രട്ടറി എം.വി ഗോവിന്ദൻ പ്രതികരിച്ചു. കണ്ണൂരിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. പോലീസിൽ തെറ്റായ സമീപനം സർക്കാർ വെച്ചുപൊറുപ്പിക്കില്ലെന്നും, ഈ വിഷയം പാർട്ടി നേതാവായ പി. ശശിയുടെ മേൽ ചാർത്തേണ്ട കാര്യമില്ലെന്നും അദ്ദേഹം പറഞ്ഞു. പ്രതിപക്ഷം സർക്കാരിനും മുഖ്യമന്ത്രിക്കുമെതിരെ പ്രചാരണായുധം തേടുകയാണ്. ഈ വിഷയം പ്രതിപക്ഷം ഒരു വർഷക്കാലം ആയുധമാക്കാൻ സാധ്യതയുണ്ടെന്നും, എന്തും പറയാൻ മടിയില്ലാത്തവരായി ബൂർഷ്വാ മാധ്യമങ്ങളും പ്രതിപക്ഷവും മാറിയിരിക്കുകയാണെന്നും എം.വി ഗോവിന്ദൻ വിമർശിച്ചു.

ഈ വിഷയത്തിൽ നിങ്ങളുടെ അഭിപ്രായമെന്താണ്? പോലീസിൻ്റെ നടപടി ശരിയാണോ?

CPM leaders have publicly criticized the Kerala Police for their behavior towards a Dalit woman in Peroorkada. While the Home Department initiated action by suspending an SI, the Chief Minister's Office is reportedly defending the police.

#KeralaPolice, #DalitIssue, #CPMKerala, #MVGovindan, #KKShailaja, #Peroorkada[